PDA

View Full Version : قصيدة:شفت زولٍ يشبهه ماهوب هو



منارة الرياض
31-08-2001, 11:44 PM
اهدي لكم هالقصيده :
شفت زول يشبهه ماهوب هو
.............................. الخطاوي خطوته مقفي وراح
قلت يا زولٍ تعدى لك اخو
.......................... غصب عني حين شفتك سري باح
ما مشيت وياه في دربه بسو
............................ لا.. ما غير الود عندي له مباح
قولتي لبيه واللي تبي سو
......................... ما علي من لوم .. يوم الدمع ساح
يا وزين الروح لك روحي كفو
............................. تاصلك مني ..هديه بارتياح
وش تبي تجازي مولع فيك لو
.......................... شفت عينه ساهره لين الصباح
ما ومرك الحظ في جية سهو
........................... تلفي دار اللي عنالك ثم صاح
يبست ازروعه تركد.. ثم .. رو
................................من جفاك العزم فيه انهد وطاح
لا تقاطعني كأني لك ..عدو
............................. إذكر الماضي وثمِِن هالكفاح
إذكر اللي بيننا .. مر.. وحلو
...............................لو رخص عندك ترى دربك سماح
كل هذا .. جابه اللي . مر .. تو
............................... الخطاوي خطوته مقفي وراح
__________________________________________________ __
ان شالله تعجبكم
كلمات منارة الرياض

أبو فهد البديري
01-09-2001, 12:05 AM
اليك أختي المناره
لا ما شفتيه لا كن الحب هو////اللي خلاك تشبهينه يوم راح
يامناره المحبه تخلي الارض جو////ماهو بس الاوادم بارتياح
أنتي ياورده يمكن هوه حلو/////لو تشوفين واحد شين الملاح
أتنادينه ياولد أنت الحلو /////وينك ماشفتك من اليوم الصباح

والله الرد سريع ولا هو كجمال قصيدتك قصيده رائعه منك الاخت المناره
نبي نسمع منك أكثر فلك محبون لشعرك

شرقاوي
01-09-2001, 04:13 AM
منارة الرياض:)

اولا انا تلخبطت هو انتي واحد والا وحده لان احد الاخوان فوق قالك "اخوي منارة"!!!

عموما سواء كذا والا كذا صح لسانك مليون مره ..

والله قصيده جميله ورائعه..

من اليوم ورايح راح اتابع ما تمليه علينا قريحتك..:mb: alhilal :yh:

منارة الرياض
01-09-2001, 05:48 PM
الف شكر لحسن متابعتكم
انا منارة الرياض ...
مشرفه بمجلة انهار عبر النت على نهر الديوان الشعبي
لكن معجبه بمنتداكم ولذا سجلت معكم ان شالله نكون مع بعض اصدق اصدقاء
واجمل باقة واطعم شله. alhilal

اشكر لم لكم آراءكم حول القصيده .
اجمل تحيه.

عذب الكلام
01-09-2001, 05:59 PM
احساس شعري عالي وقصيده جميله اتمنى ان اقراء لك

هنا او في انهار قصيده اجمل فأنتي قادره على كتابه الاجمل

طالما كتبتي هذه اتمنى لكمزيدمن التألق والابداع وتقبلي تحياتي

ودمتي بخير.

THUNDER_SS
03-09-2001, 11:54 PM
الاخت الكريمه / منارة الرياض ...

السلام عليكم ورحمة الله وبركاته ...

قصيده رائعه .. والقافيه والوزن تدل دلاله واضحه على كاتب متمكن .. سلمت يد كتبت ويمين خطت ... واهلا بك وسهلا بيننا .....

وفى انتظار مشاركاتك القادمه ... تقبلى خالص الشكر وعظيم الامتنان .....