PDA

View Full Version : ناشدتني



الساخر2002
10-09-2001, 03:25 PM
ناشدتني..ليه عمري ليل وايامي حزينة
واسألتني..لي متى الغربة تسافر بالسفينه
لي متى واقول مادري...وتشهق الاهة بصدري
بالحزن ترحل قوافل كل يوم لي
عايش ما غير اجامل والالم ظلي
اه يالفرحة السجينة
حلمي اللي ضاع وينه.؟
وآه يانار المحبة وقدي
والمحب الله يعينه
*********
وش بظنك يا نجومي الغارقة بالنور
وش ترين بحالة اللي للشقا ماسور
لاصباح يبتسم..والقاه..وارحل في طريقه
كل ما حولي وهم...ويلاه..ياظلم الحقيقة
في مواويل التمني
كل ما عانيت أغني..والوله في داخلي
بالحزن ترحل قوافل كل يوم لي
عايش ما غير اجامل والالم ظلي
آه يالفرحة السجينة
حلمي اللي ضاع وينه.؟
وآه يا نار المحبة وقدي
والمحب الله يعينه
ياقصيدي وش عليك ان كثرت الاحزان
الحبر مثل القلم مثل الهوى حرمان
الحبيب اللي نبي...مشغول عنا في هوانا
وكلمته لمعذبي..اقول ليته لو نسانا
منه ذقت الضيم واجد
لا يصد ولا يواعد..ولا يخليني خلي
بالحزن ترحل قوافل كل يوم لي
عايش ما غير اجامل والالم ظلي
آه يالفرحة السجينة
حلمي اللي ضاع وينه.؟
وآه يانار المحبة وقدي
والمحب الله يعينه

انتظر ارائكمalhilal

كادي
10-09-2001, 03:27 PM
روعة

h..a..w1422
10-09-2001, 04:57 PM
قصيده أكثر من رائعه
ولكن هلا أخبرتنا ..هل هي من ابداعك ..أم أنها لشخص آخر
وفي كلا الحالتين تأكد بأنك أبدعت..
حيث أن تذوق الشعر لايقل شأنا عمن يقرضه
شكرا ..لك على هذا الحضور البهي