PDA

View Full Version : الـكـيمـي كـمـا كـا !!



الفاهم
04-10-2001, 08:01 PM
الواحد مننا لو يركز بها الدنيا يلقاه تقل مختبر ولا معمل كيمياء شي غريب والله كل الي درسناه بالكيماء ولا بالعلوم من زمان نشوفه كل يوم قدام عيوننا حتي ثقاله دم مدرسين الكيماء مافقدناه !

حياتنا صايره بين ذوبان وتاكسد وحتى انصهار ولا تجمد وطبعا نتيجه ولا نتايج مختلفه واشكال وامور جديده تنتج من كذا لان يوجد عندنا حراره وبروده وعوامل كثيره يسمونه عوامل مساعده !


وجدو مثلنا ان الرجل عندنا يذوب بقدره قادر اذا شاف بنت حلوه!! ويتجمد اذا طبت عليه الهيئه !! ويتاكسد اذا خرب المكيف بالسياره !!


وحتى البنت عندنا تنصهر اذا سافرت برا !! وتصير ثنائي اذا حملت ! وتكون ماده قابله للانفجار اذا ردو فيه العالم ولا احد تقدم لزواجها !

وحتى الشياب عندنا يتخثر ويصير ماده صعب مزجه مع أي ماده ! بس اذا أضفنا عليه ماده منشطه يرجع لحالته النشطه ويكون ماده فاعله !

الحرمه عندنا طبعا مثل الاكسجين اذا صار عنده رجل ممكن تكون مويه و ممكن تكون ثاني اوكسيد الكربون !!

كيمياء بشريه

1- ثقل الدم هي ماده ناتجه عن مزج مصاله مع كثر كلام !

2- الشين ماده اوليه لا يمكن مزجه ولا تفاعله مع أي ماده كانت !

2- الوناسه تنتج من تفاعل عده مواد مع وجود عامل مساعد وهو الجو !

4- سلف تفاعل فواتير مع مصاريف مع وجود دخل مثله وجه المفلس !

5- كذب تفاعل نصاب مع واحد مهكاكه مع تاكسد مخ هالدبشه الى مصدق .

6- دب رز مضاف له لبن ونومه ظهر مع وجود عامل مساعد وهو دوام حكومه !

7- رسوب تنتج من اضافه تلفزيون ونت وجوال وعوامل مساعده عجز ودلاخه.

8- ريحه شينه اجنبي مضاف له ثوم او سعودي مضاف له حر او زوجه مضاف له مطبخ !!

9- منغث شاب متفاعل مع نت ومضاف له بروكسي او تلفزيون مضاف له دش !!

10- مقهوره بنت مضاف له عيون وتجمد عقلها !!

11 – الله يحوم كبودهم شاب مضاف له جنز ضيق !!

12-يازين الكف على وجهه بنت رازه عمره مضاف له عباه من زجاج وطيب تشمه من مدغشقر !!

13- رومانسيه سفر جيرانكم مضاف له ارتياحك من صوت بزرانهم !!

14- ارتفاع الضغط جريده مضاف له كاتب مدري وش يبي !!! ولا منتدى مضاف له واحد مصدق انه في باريس !! ولا واحد شكله اشدف! يبي يعارض على اي شي متفاعل مع بزارين مصدقينه!

15- تحمد ربك سعودين متفاعلين مع سرا !!

16- الكبرياء سعودي مضاف له جوع ولا ياكل رز !!

17- توارد افكار سعودين مضاف لهم بيوت ويتعشون كلهم جبن وبيض !

18- ارهاب بزر مضاف له مسمار ومنسم كفر سيارتك .
19- وظيفه تنتج من تفاعل مادتين فقط وهي واسطه مع واسطه !

20- حصار اقتصادي تاكسد البقاله الي بحارتكم او تجمد نشاطها !!

الفاهم

حمود النكبه
04-10-2001, 08:12 PM
ما شاء الله .. موضوع رائع .. و تحليل مهوب صاحي ..:)

تحياتي يالفاهم .. مع نسخه للروائع .:).. بعد اكتمال الردود ..:)

عبير
05-10-2001, 04:18 PM
الاخ الفاهم .. الفاهم
استمتعنا بالدخول إلى معملك الخاص

واسمح لي اشتق هالتفاعلات من معملك
* الزين عنصر نشط بإمكانه الدخول باي تفاعل .. لكن النتائج غير مضمونه
* الفلوس ما دة ضرورية لإتمام اي تفاعل
* الواسطه هي الوسط التي تتم فيه جميع التفاعلات
* الشعر ابخره ناتجه عن احتراق العواطف

وننتظر الموضوع الجاي يكون عن الرسم
وشكرا لك

شوق
05-10-2001, 08:57 PM
روعـــــــة :D:
اما حقت الشياب يبي لها مختبر لحالها .... :D:
الشياب عندنا يتخثر ويصير ماده صعب مزجه مع أي ماده ! بس اذا أضفنا عليه ماده منشطه يرجع لحالته النشطه ويكون ماده فاعله !

KSA_UK
07-10-2001, 02:38 AM
الفاهم ,, السلام عليكم
تسلم يا بعدي على هذا المقال الي يوسع الصدر,, بارك الله فيك

الدربيل
10-10-2001, 08:54 AM
اووووووه ..... رهيب يا فاهم كيميا !!!!!!!


فكره عظيمة .... اسمح لي الطش الموضوع :)

يمكن ارهمه وازبرقه وانشره بمكان ثاني :)

والشرط اربعوووووووووووون :):):)

<<--- شغال حرامي في زمن العولمة :confused:

سقط المتاع
10-10-2001, 10:48 AM
الاخ الكريم الفاهم
سلام
تفاعلنا مع ما ابدعته انتا
ويسرنا ان نبخره ليتطاير الى انبوبة اختبار الروائع
وسلامتكم.

صقر2002
12-10-2001, 02:44 AM
الفاهم00رائع000باقي00واحد يكرف من الصبح الى المغرب0000وراتبه ضعيف00 ولما يستلم الراتب000يجلس بين اطفاله000يعد الراتب 00تقول مصلح نعول00000 اسكافي000ويوزع الراتب000وينتظر انعول جديده000لك الله0000معوضين000

الهلال
13-10-2001, 03:28 AM
الفاهم ..

السلاام عليكم ..

استاذي الكريم

رومانسيه سفر جيرانكم مضاف له ارتياحك من صوت بزرانهم !!

رهيب هالتفاعل ..يالله جعلهم غنيين ثريين يارب ويسافرون دايم والا ينقلون لقصر ..


احترامي لقلمك المبدع ..بروعة مواضيعك ..

الفاهم
13-10-2001, 01:19 PM
اخوان والاخوات اسف على التاخر بالرد
حمود النكبه : اولا مبروك الاشراف ولو انه متاخر كثير :) الف شكر لرايك بالموضوع وعلى ترشيحك له للراوئع :)

عبير : اختي اهنيك والله على هالجمله الرائعه
الشعر ابخره ناتجه عن احتراق العواطف وذي والله صادقه فيها هههههههههههههههه
الزين عنصر نشط بإمكانه الدخول باي تفاعل .. لكن النتائج غير مضمونه

فيه موضوع تحت الانشاء على قولهم جزى من فكرته فيها عن الرسم انشاء الله يعجبكم :)
والشكر لك :)

KSA_UK : وش هالالقاب الجديده الحلوه توي والله انتبه له مبرورك اجل الحين الكيرورد والتاج على الكتف :) وفيك ياغالي بس نبي مواضيعك مثل زمان .

شوق : ههههههههههههههههههههههههههههه ماقدر اعلق اخاف اتوهق :) الف شكر لك ياطيبه :)

الدربيل : هههههههههههههههههههه الموضوع وراعيه حلالك ياغالي بس اذا بغيت تسرق اسرق جمل مثل مايقول الاخوه في موزبيق :) الدعوه ماتسوى تعب الكوبي عليه :)

سقط المتاع : الله يخليك يارب بس لا توهقونا تراهم يتهددون يقولون بعد الجمره الخبيثه من انبوبكم :) والف شكر لرايكم بالموضوع وعساه يكون بمستوى جيرانه الجدد :)

صقر 2002: يعين ربك المشكله اذا ربك كتب انه يصعبه يمشون الناس حافين يعني مهوب لاقي حتى نعال يصلحه :(

الف شكر لك

الهلال : هلا والله وين شمسك غايبه لك فتره ماشوف يوزرك بالمنتدى ولا انا مضيع ؟

ههههههههههههههههههههههههههههههه واذ نقلو لقصر مهوب صاير عندهم جيران ولا تبي الفكه بس :) تصدق عند جيراننا ببغاء تقل الواحد عايش بكينيا منه الزبده يوم جا الصيف راحو كل البيت سافرو الا الببغاء شكله ولف علينا ولا يقدر يخلينا :)

الف شكر لك وخجلتنا بكلامك :)


الفاهم