PDA

View Full Version : اتمنى تقبلوني بينكم



صولي
05-10-2001, 03:02 AM
السلام عليكم اخواني واخوتي اعضاء منتدى الساخر
انا عضو جديد في هالمنتدى وبصراحه سمعت عنه الكثير والكثير وعلشان كذا قررت اني اجي واشترك معكم واتمنى انكم تقبلوني بينكم
واحب اشاركم بالهقصيده النثريه المتواضعه والي اتمنى انها تحوز على ولو جزء بسيط من رضاكم واعجابكم

ضميني
ضميني يا منى الروح
يا عطر يا عنبر يفوح
ياحنان يا اعمق جروح
يا سحر يا مشاعر تبوح
ضميني
يا اروع من ملك احساس
يا ارق اجمل وارقى الناس
لعيونك قلوب وقلوب تنداس
لعيونك تروح اجيال واجناس
ضميني
لدنيتك ابي اشوف السعاده
ابي اعيشك كل لحظه وزياده
غريب قلبي بدونك وانتي بلاده
بعدك موته وقربك منه ميلاده
ضميني
لين ما دقات قلبي تعد دقات قلبك
لين ما جسمي يصير جزء من جسمك
اي شي منك فيكي او حتى لو جنك
فوقك تحتك او خاتم بيدك
وربي راضي لو حتى تحت رجلك
ضميني
لين ما شوقي يحكي لك عن الي فيني
لين ما عيوني توصف للك عذاب سنيني
لين ما عيونك تشوف جرحي وانيني
لين ما افهمك يا مناي عذابي وتفهميني
ضميني
لين ما ابكي
لين ما اشكي
لين ما اترجى ارتعش
اصرخ واحكي
ضميني
لين ما خوفي من الزمن يزول
لين ما عمري بشوفك يطول
لين ما نخلي مشاعرنا تحكي وتقول
ايه هذا هو هذا عشيقي وحبيبي
اخوي امي ابوي وصديقي
حلم واروع حلم حقيقي
هذا هو حبيبي
الى ربي حطه بطريقي
ما هي صدفه لا وربي ما هي صدفه
ما هي صدفه والقدر من يقدر يحرفه
ما هي صدفه حبنا اكبر حقيقه
هي ثواني للناس او حتى دقيقه
بس لقلبي نظرتك امل صعب تحقيقه
قربك منى رجا وفرح قلبي وتعذيبه
ضميني
بغايبك اخاف والله الظلام
اخاف عيني غصب عني تنام
اخاف هجرك حتى بالاحلام
هجرك جفا عذاب ظلم واجرام
ضميني
انا من غيرك وش انا
لا حياه لا سعاده لا هنا
انا من غيرك ما اكون ومن اكون
ضعيف وبين خوفي واحلامي مسجون
عيوني رمشوي حتى جفوني يبكون
يوم شهر سنه كلهم بغايبك يمضون
حتى العمر كل العمر بغيابك يهون
ضميني
ارجوكي ضميني

الجارح 2002
05-10-2001, 10:13 PM
هلا اخوي صولي

حياك الله وياهلا ومرحبا
الساخر واللي بالساخر تشرفوا بقدومك

والقصيدة رائعة جدا
سلمت يدا كتبت وفكرا نسج
ننتظر المزيد

وتقبل تحياتي
اخوك
الجارح 2002

صولي
05-10-2001, 10:25 PM
تسلم يا اخوي يالجارح على الترحيب وشكرا على ردك الي كله ذوق
اتشرف اكون واحد منكم وانشاء الله ما تلاقون مني الا الي يسركم وباذن الله ما اكتب الا الي يحوز ولو على جزء بسيط من اعجابكم وذوقكم العالي
تحياتي

ابو طيف
05-10-2001, 11:36 PM
صولي /
ياهلا 0000000000000 وغلا فيك في عذب الكلام لقد شرفتنا وازداد نور المنتدى بوجودك وانتشرت رائحة العطر في ارجاء منتديات الساخر0
مشاركه ممتازه ورائعه تدل على قلم رائع سوف يتحفنا بمشاركات رائعه انشاءالله واتمنى لك التوفيق0
اهلا وسهلا بك ويامرحباااااااااااااااااااا الف0:D: :nn:
==========================

البرواز المكسور
05-10-2001, 11:47 PM
ياهلا فيك ومرحبا اخوي..
وبدايه رائعه ..
تسلم ..
تقبل تحياتي..
البرواز المكسور..

فتى نجد
06-10-2001, 12:06 AM
يا هلا فيك اخوي صولي

بصراحة انت مكسب للساخر

أتمنى لك دوام التوفيق والنجاح :)



فتــــــ نجد ــــــى

صولي
06-10-2001, 09:42 AM
الاخوان
ابو طيف و البرواز المكسور وفتى نجد
الف شكر على كلامكم وذوقكم الرفيع والشرف والله لي اني اكون واحد منكم وبينكم
الف شكر
تحياتي