PDA

View Full Version : مرحلة صعبه



هجير الليل
06-10-2001, 04:06 AM
بسم الله الرحمن الرحيم

ما أظن اني بموت من العذاب *** مرحله صعبه وأعديها بخير
المشاعر بعتها برخص التراب *** دام قلبك مايصحيه الضمير
وأوعدك اني بهاجر للغياب *** واعترف الايام غرتني بك كثير
كنت اشوفك ابيض مثل السحاب *** وكنت اشوفك في نظر عيني كبير
لا تجادل مابقى عندي جواب *** حبنا أصبح مثل طير كسير
وش خذا العطشان من ذاك السراب *** ويتراواله يظن انه غدير
أعترف قلبي تعب منك وتاب *** والسبب انه من جنونه يغير
ايه أحبك بس انا ذقت العذاب *** ولا أظنك راضي باللي يصير
البكاء مايعرف اللي ما يهاب *** البكاء عالم وأنا وسطه ضرير
بيني وبينك بصك مليون باب *** دام بعيونك أنا صرت الأخير

وسلامتكم
الشعر الحزين طبعي ...... فأرجووو انكم تسامحوني .

أخوكم : ~~~ هجير الليل ~~~

خيال الليل
06-10-2001, 04:52 AM
صح لسانك وحياك الله بمضاربنا

هجير الليل
06-10-2001, 04:59 AM
صح بدنك .............. والله يحيك ......... ومشكور على هالرد ...... بس تعال وين القهوه !!!1 ههههه

مع احر تحياتي وأشواقي

أخوك : ~~~ هجير الليل ~~~

خيال الليل
06-10-2001, 05:03 AM
على الطريق


القهوة يا ولد

أبو سفيان
06-10-2001, 11:04 PM
أخي هجير الليل..
مساك الله بالخير...
بدون مقدمات....
أ
نـ
ت
مــ
بـــ
د
ع
.
( أنت مبدع .....)
أنت تمتلك مخزون ممتاز من اللغة والشاعرية..زتصريف المعاني بطريقة لولبية ممتعة.
وكم أتمنى أن تعيد النظر في بعض الأبيات كأن وزنها مختل والا يورالي
عموماً : أنت مبدع
yyy
أبو سفيان

الجارح 2002
07-10-2001, 01:07 AM
للشعر اهله
وللابداع رجاله وانت منهم ايها الهجير الليلي المبدع
تحياتي على هذا الابداع
وصدق ماجد صقر
الشعر انا حادي مجاهيمه الزرق...اللي ترزم لي حنين ولطافه
وكأنه يقصدك في هذا البيت
تحياتي

لحظة
07-10-2001, 01:35 AM
الى الاخ هجير الليل
كلماتك رائعـــــــــــــــــــــــــــــة
صح لسانك :p :p :p :p

هجير الليل
08-10-2001, 02:45 AM
بسم الله الرحمن الرحيم

الأخ العزيز أبو سفياااااان ........ يعطيك العافيه على الرد الجميل ....... وكلمة انت مبدع شهاده اعتز فيها ......... واذا كانت بعض الابياااات غير موزونه ... فهذا لا أعتقد ..... لأن القصيده مكتوبه على وزن وقافيه ولحن .

على العموم لك كل التحيااااااا ومشكور على الملاحظه ...... وتعجبني صراحتك .

كل كل الحب والتقدير : أخوك / هجير الليل

هجير الليل
08-10-2001, 02:49 AM
بسم الله الرحمن الرحيم
الأخ العزيز الجارح تحيه مفقمه بباقة ورد مهداه من اخيك هجير الليل ......... على هذا الرد الذي أحرجني وأخجلني عن جد ...... لا أعرف ماذا أقول ..... ولاكن باختصار شهادتك اعتز فيها ..... ولولاكم ماكنا ولا شيء .

لك كل الحب والتقدير
~~~ هجير الليل ~~~

هجير الليل
08-10-2001, 02:52 AM
بسم الله الرحمن الرحيم

الاخت لحظه ..... يعطيج الله الف عافيه على هالرد المتواضع ..... الذي يحمل معنى الأخوه ...... صح بدنج .

لكي كل التقدير والامتنان

أخوج / هجير الليل