PDA

View Full Version : تساؤلات



الرازي
17-10-2001, 09:44 AM
السلام عليكم ورحمة الله وبركاته
أهلا بكم أخواني وأخواتي مره اخرى..مع إطلالة هذا الصباح الجميل

هو حوار بينه وبينها ، أثارت بتساؤلاتها ذلك العشق المعتق ، وأطلق العنان لخيالاته يستدرجها لتجيب هي عن ما تسائلت عنه.
( ملاحظه : المقدمة لاتعني التقليل من فهمكم ولكن هي توضيح لما دار في مخيلتي وهي بالتأكيد جزء لا يتجزأ من الخاطرة )


جتني تسائلني تبيني التقي وياك ؟
افا...توك تحس بشوق قلبي يناديك....
افا...توك دريت اني على الفرقا اناجيك...لاحشا
حشا منسى غلاك..ولو تبعد عن دروبي حشا
ترد بلهفه تسئلني...تبيني التقي وياك ؟

انا حلمي اشوف النور.....يشع ويسكن اشعاري
وباقة ورد... من خدودك...تعطر ليل افكاري
ترد بلهفه تسئلني...تبيني التقي وياك ؟

اسائل نفسي بلهفه...متى ايدي تلامسكم....
متى قلبي يحط ارحال....ايامه على قلبك
متى عيني..يكحلها..سواد الليل في رمشك..
متى؟...ومنين...وشلون......انا ادري..من اللهفه تطيح الكلمه لاشفتك
ترد بلهفه تسئلني...تبيني التقي وياك ؟

مادريتي...انك ربيع العمر ...واشواقه
مادريتي....انك غلا قلبي....وعشاقه
مادريتي..ان الندى يقطر..على غصني واوراقه...مادريتي ؟...
ترد بلهفه تسئلني...تبيني التقي وياك ؟

احب ازعل الدنيا.....واراضي طيفك المغرور
احب احارب العالم.....واسالم شعرك المنثور
ترد بلهفه تسئلني....تبيني التقي وياك ؟؟؟

آآآآه ..متى بحضني تعيش الحلم...متى ؟
متى يدفى برد احزاني...على صدرك متى ؟
متى بجرحي تداويني...من كفوفك..متى ؟
متى طير الفرح...يسكن على اغصان الندى.........متى ؟
ترد اتجاوب بلهفه.....اكيد ابلتقي وياك



ودمتم