PDA

View Full Version : يا قطعة السكر



خلوووووود
02-12-2001, 04:25 AM
ياقطعة السكر وذرات الاحساس**** في نكهتك حسيت باهلي وناسي
أخفيت كاسي عنك نادى لك الكاس**** حتى قدرت تصّبني وسط كاسي

طعمك جرى بالدم يا عطر الانفاس**** ألغيت خوفي ..حيطتي واحتراسي

وشكّلت من عمري حبايب وجلاّس**** حتى غديت الهامشي والأساسي

يا قطعة السكر ويا قطعة الماس****** شفني أمل واحلام شفني مآسي

يا قطعة السكر أنا مثل هالناس****** أحيان الين وبعض الاحيان قاسي

من جيت للدنيا وانا رافع الراس****** حتى عرفتك وارتفع زود راسي

كل ما تذوب شوي ألمح شبح ياس**** معك انتهى خوفي ولا مات ياسي

تذوب أكثر يشتعل برق واعراس**** تذوب واذكر بعض ما كنت ناسي

تذوب .. تصغر ألمح جيوش واجراس**** تذوب .. تهتز الجبال الرواسي

تذوب يذبل حلم وتزيد حرّاس****** كل ما تذوب شوي يضعف حماسي

يا قطعة السكر ترى الموت الافلاس**** ذبتي وانااللي صرت بعدك أقاسي

ليل الأسى والحزن ما يعرف قياس**** بعدك نخيت الصبر واسرجت باسي

يا قطعة السكر وذرات الاحساس****** من يوم ذبتي جفّ قلبي وكاسي



للشاعر ( أحمد الناصر الأحمد )

ابو عبدالله
07-12-2001, 08:26 PM
خلووووووود
للمره الالف اختياراتك فعلاً جميله00تنم عن قدره فائقه في تذوق الشعر 00

تحياتي00
ابوعبدالله

ابو طيف
07-12-2001, 10:22 PM
/خلووووود
اهلين
اختيار رااااااااااائع وصح لسان الشاعر وشكراً لك على هذا الاختيار وفقك الله للخير تحياتي لك اختي 0
=====================

الجارح 2002
07-12-2001, 10:46 PM
مشكورة اختي خلود على حسن الاختيار

بارك الله فيك

الجارح2002

نزار الصغير
08-12-2001, 12:22 AM
خلود
اعذري تأخري...اتيت لأقول ان القصيدة التى نسيتها عندها بعض عطركِ لي وليست للقباني
اشكرك