PDA

View Full Version : :"":....:"":راح الوعد:"":....:"":



فتى نجد
08-12-2001, 02:58 AM
هذا اخر مانظمته من كلمات ..أتمنى تعجبكم
وطبعا لكل حادث حديث وقصة..
راح الـوعد وأنا أتحراك وأرجـيك *** وأقول يمكن بعد ذا تجيني
وأثرك لعوب ورايحٍ في طواريك *** ماتدري ان الوعد من حر ديني
ماكنت أضنك تتعب اللي يماشيك *** ولاكنت أظن انك من الخايبيني
كنت أحسبنك صادقٍ في حراويك *** وأثرك بنص العين تنظر لعيني
راحت علي شهور أمشي وأناديك *** عقب الرها نمشي بدرب مهيني
راحت كرامتنا تحت دوس رجليك *** والله فرق مابين هزلٍ وسميني
لاواحسايف يوم أحـط الرجـا فيك *** وأجيك أشيل عزتي في يديني
وألا أنت ماقدّرت شخص يراعيك *** اللي مشى لك بالغلا والحنيني
كنت أتـمنى خوتـك يوم أخـاويك *** وأقول لك بالحيل أنته عويني
يـومٍ لنـا ماهـو عسرٍ على يديك *** يـاكود كدرات الليالي تزيني
لاشـك فـالدنـيا تـقلب لـياليك *** يـومٍ تدسس به ويومٍ تبيني
وش السبب قلت البلا وين الاقيك *** حاولت لكن الظروف تعصيني
ولاشفت لاهذي ولاذي ولاذيك *** أعذار تفطر في ضحى الصايميني
ياصاحبي لاهنت ماكثر بلاويك *** شـفهـا وآثارها فـي جـبيني
رغم الخطأ مازلت أعزك ومغليك *** وودّي بشوفك بين حين وحيني
ان كانك زعلان والله لاراضيك *** من شان عينك مرخصين الثميني
لكـن ميّز بين جـايك وماضيك *** واحذر تخليني عقب ذا حزيني
وختـامها بالخير ربي يمسيك *** ويصبحك بالنور كـل السنيني

.................................................. .........فتى نجد



فتــــ نجد ـــى

الجارح 2002
08-12-2001, 03:00 AM
الرائع فتى نجد

الوعد والميعاد والانتظار

الله يعينك كنت ابنصحك قبل تورط بس اثرك تورطت

والله رائعة قصيدتك

راحت كرامتنا تحت دوس رجليك *** والله فرق مابين هزلٍ وسميني
لاواحسايف يوم أحـط الرجـا فيك *** وأجيك أشيل عزتي في يديني
وألا أنت ماقدّرت شخص يراعيك *** اللي مشى لك بالغلا والحنيني
كنت أتـمنى خوتـك يوم أخـاويك *** وأقول لك بالحيل أنته عويني
يـومٍ لنـا ماهـو عسرٍ على يديك *** يـاكود كدرات الليالي تزيني
لاشـك فـالدنـيا تـقلب لـياليك *** يـومٍ تدسس به ويومٍ تبيني
وش السبب قلت البلا وين الاقيك *** حاولت لكن الظروف تعصيني

هذي النهاية الحتمية

تقبل تحيات محبك

الجارح2002

ابو طيف
08-12-2001, 03:06 AM
فتى نجد
هلا وغلا
صح لسانك اخي على هذه المشاركه الجميله
وفقك الله للخير
======================

فتى نجد
08-12-2001, 03:35 PM
الجارح 2002
الف شكر على هالاطراء ...
وجميل ان الانسان يمر بعدة ظروف يتعلم منها.....
وأبشرك ماحصل الا كل خير

شكراً لك يالغالي ..



فتــ نجد ــى

فتى نجد
09-12-2001, 12:04 AM
ابو طيف
تسلم يالغالي ...

الف شكر لك

Unregistered
09-12-2001, 10:56 PM
:)

رائع يافتى نجد
والله قصيدتك عجبتني كثير




اختكم /
وردة الرياض

Unregistered
09-12-2001, 11:08 PM
فتى نجد
اكتب واكتب ولا تتوقف عن الكتابه دام الشعر هوايتك

والوزن بيسير معك مع استمرارك بالكتابه

بس نصيحه ابتعد عن الالفاظ الددارجه والغير منطقيه لتستقيم قصيدتك وتصبح اجمل فقد يكون جمال القصيده القصيره بدلا من القصيده الطويله التي تفقد معناها لك كمبتديء

فتى نجد
10-12-2001, 07:48 PM
وردة الرياض
اشكرك وكل هذا من ذوقك

**************************

اخي الزائر العزيز ...مرحباً بك
نصائحك القيمة ..راح آخذها بأذن الله في عين الاعتبار

وارجو ان تسمح لي :
بالنسبة للافاض ...لابد أن تكون دراجة وهذه طيبعة الشعر النبطي ...
وكلمة غير منطقية أضنها قوية شوي ..وتحتمل معاني عدة



فتــــ نجد ــــى

عذبي
17-03-2002, 01:36 PM
يرحم زمانك يا بعدي

الزير سالم
17-03-2002, 01:57 PM
فتى نجد ...صح لسانك...