PDA

View Full Version : أنتي طالق ,,



SPEED
08-12-2001, 09:26 PM
انتي طالق ,,

هذا اخر شي قاله قبل يرحل .. أنتي طالق
هذا أخر حل عنده يوم يزعل .. أنتي طالق
هذا طبعه من عرفته آه يجهل .. معنى طالق ؟


ما خبرت اني عطيته غير حقه ,,
ويمكن أكثر .

ما خبرت أني عصيته بالمشقة ,,
كنت أصبر .

وانت تنهر

وانا اصبر

وانت تجهر

وانا اصبر

وانت تقهر

وانا اصبر ...... والمسافة بيننا تبعدك اكثر

ويمكن اكثر

لين تكبر

أنتي طالق .

___________

آآه يا قو الحروف ..
آآه يا ظلم الحروف ..

ما تشوف أثار ظلمك في سنيني ,, وين وعدك ..؟
ما تشوف أثار ظلمك في حنيني ,, وين عهدك ..؟

وين صدقك والحقيقة
وين شعرك ..؟

تذكر اول شعر قلته قبل اشوفك ؟
تذكر اول كيف تغريني حروفك ؟


دوك شعرك ,,
ما ابيه يبات عندي ولا دقيقة





حبيبي لا تشيل هموم باكر وانا موجود
......... انا درعك انا سيفك انا طفلك ورجالك
ابسكن قلبك الطاهر وببني للوجود حدود
......... وأضمك من غثا الدنيا واحط العين مقدارك





والنهاية ,,

أنتي طالق ؟

___________

متعب المتعبين
08-12-2001, 09:51 PM
الله يسامحك ياسبيد
______________________

كلام من القلب

الجارح 2002
08-12-2001, 09:51 PM
اخوي سبيد

حنا مقبلين على العيد

والكلمة اللي حطيتها عنوان لمشاركتك شينة شوي

والله يعطيك العافية

SPEED
08-12-2001, 10:31 PM
متعب المتعبين ,,

الله يسامحنا كلنا ويغفر لنا جميع إن شاء الله

أنا آسف متعب :(


________

الجارح 2002 ,,

الله يعافيك , بس حبيت أذكرك اني كتبت مشاركتي بـ عذب الكــلام (http://157.238.47.250/vb2/forumdisplay.php?s=&forumid=7)
والخاصة بـ بوح القوافي ، إبداعات (واختيارات) أدبية ، فصحى ، نبطي ، .......

فأنا آسف أن اختياري للتوقيت غير موفق بالنسبة لك :we:

والعيد باقي عليه 8 ايام وكل عيد وانت بخير إن شاءالله
نحن الآن في العشر الأواخر من رمضان( إضاءة ,, (http://157.238.47.250/vb2/showthread.php?threadid=21524) )

ولا تزعل يا الطيب (مـــن الــعــايـديـن:ff: )


متشكرررررين

متعب المتعبين
09-12-2001, 12:47 AM
آآآآآآآآآآآآآه ياقو الحرووف

آآآآآآآآآآآآه ياظلم الحروف