PDA

View Full Version : العيد وينه واكثر الناس تشكي .....



النازح المنسي
17-12-2001, 01:44 AM
العيد وينه واكثر الناس تشكي ................. والظلم من كثره عطانا طبيعه
وشلون افرح وداخلي حي يبكي ............... وراع الغنم للذيب رايه يطيعه
كثر الحكي ما فاد للحين نحكي ................ اما ذبحنا الذيب بعمرٍ نبيعه
وراع الغنم لصار ماهوب حركي ............. تلقا الغنم للذيب مصدر شبيعه
اما كلا من الراس دنا لوركي ................ والمضرعه بطلي ينهي ربيعه
والمساعد الله مابرى خاف من كي ............ والأمر لله والأراضي وسيعه
جفف دموع اللي له سنين يبكي .............. وبدل سواد الليل بشمسٍ سطيعه

ابو طيف
17-12-2001, 02:55 AM
النازح المنسي
هلا والله
كل عام وانت بخير
هاه شلون العيد عندكم انشاءالله تمام0
شلون لبيه عساه يعرف يلعب ريسك :D: :D:
صح لسانك يابعدي بس شكلك انت ولبيه حاطين حوش غنم في امريكا:D:
طول الله عمرك وانشاءالله ترجع لاهلك بالسلامه0
تحياتي لك ولجميع الاخوه0
===========================

LaBeeH
18-12-2001, 11:22 AM
النازح.....

صح لسانك مشاركه جميله
ايه و الله يابو طيف فاز علي له يومين و حظه قايم بس انا قاعد له
ههههههههههههههه


لبيـــــــــه:yh:

جاك العلم
18-12-2001, 09:20 PM
أخوي النازح ،،،،

مالي أرى الكل يشكي من العيد !

أترى أن الخلل بالعيد ؟ أم بنا نحن ؟

أوافقك على ما جاء في أبياتك التي أرى فيها نقداً لأحوالنا في شتى مناحي الحياة.

وراع الغنم لصار ماهوب حركي ............. تلقا الغنم للذيب مصدر شبيعه

صدقت والله يعني الخلل فينا ( أقصد في راعي الغنم ) والحركة بركة.

اما كلا من الراس دنا لوركي ................ والمضرعه بطلي ينهي ربيعه

مطرح مايسري يهري.

أبشرك بالخير والمطر والمضاريع بتكثر وأهل الشرقية بعينون خير بس ماش السفانية والنعيرية ماجاها إلا رشه.

الله يعينكم على الغربة ويجمعكم بأهلكم على طاعته ويردكم سالمين غانمين.

أخوك جاك العلم

B3eeDaLdaR
23-12-2001, 05:59 PM
ابو طيف..و انت بخير بعد الزحمه....و صح بدنك...اي حوش غنم الله يصلحك حنا بامريكا نربي خنازير و انت بكرامه

لبيه.... خلللللللللللوه الله يقطعووووووووه اللي بعده

جاك العلم.. ماش هالسنه ماجانا مطر و ترانا محيلين تسان تبي معنا

هذا الرد برعايه مؤسسه الصد و الهجران للبناء و التلييس

و اي شي يخص لبيه و النازح المنسي انا كفيلهم هاليومين و برد عنهم