PDA

View Full Version : ودي (مجرد افكار)



ماجد ناصر
22-12-2001, 10:10 AM
الموضوع هالمره مجرد افاكر راحت وجالت ببالي وكتبتها زي ماجت وان شاء الله انها تعجبك واعذروني على القصور(والفلل )

ودي

ودي اسافر
ودي اتغير
ودي اغير
افكاري
ودي احتار
واعيش بناري
ودي اوقف
على يديني
واغني
واردد وش المعاني
ووش كثر ناس
بالكون تعاني
وعيون تدور
بوسط الكون
هدفها انها تخون
وترجع تخون
واجساد ملتها الطعون
وهي على اهلها تهون!!

وداع الارض
صعب
والعيش بنفس الارض
اصعب واصعب
الوداع ماهو سهل
والوجود بنفس المكان
مامنه امر
علقم والسبب مجهول
يمكن كل مافي هالارض
تحول
يمكن الناس
يمكن الخير الكثير
يمكن الثقه
يمكن الطمع
بمال الفقير
يمكن حصار
الفكر
يمكن فضاوة
الروح
يمكن زود الجروح
بس مدري
هو وداع ولاهرب

مشتقين والسبب حنا
الالم فينا ومنا
نبكي قهر
ونبكي على مدامعنا
نشكي هجر
وبالوصل ماحد
يمنعنا
نطلب اخلاص
وبالخيانه تتحقق
مطامعنا
ونمشي نسير
ونحكي عن الماضي
الاصيل
نعتقد ان حنا
اللي بنيناه
وهو يبكي على حالنا
مو لاجلنا
لاجل اجدادنا
عشقهم للارض وافي
وعشق ارضهم
ماتغير ولاخرب

نعتز بشياء
كثير
يمكن لها معنى
ويمكن هي تجمعنا
بس ماهي اشياء
خطيره
كلها لعب وضحك
فخر بشي مالنا
فيه فخر
وليتنا نتعلم
من شوخ الشجر
ليتنا نتعلم
من الطفل
لارمى الحجر
ليتنا نتعلم
من خير البشر
ليتنا نرجع
للماضي ونعتبر
بس للاسف
مليانين غرور
وبنفس مكاننا ندور
لانشوف الشمس
ولانور القمر

بالنهايه
بين الشعوب
ماعاد لنا غايه
ووسط القلوب
كنا حكايه
ياخوفي يوم ويأشرون
شفتو ذيك الارض
قصدي ذيك
الصحراء الخاويه
ارض العرب
وامجادهم الخاليه
ضيعوها بتخليهم
عن القيم
واتبعو كل وهم
ضيعو الاهم والاهم
ضيعو دينهم
ياخوفي تكون
هذي النهايه
كلام بالخاطر
طويل
وقلب وراه عليل
يحتري الليل الطويل
يرحل وتنور
علينا الحياه

ماجد ناصر

THUNDER_SS
22-12-2001, 10:18 PM
أخى الكريم / ماجد ناصر ...

السلام عليكم ورحمة الله وبركاته ...

رائعه .. حقيقه صدقها متوهج ، معاناتها تصوير بديع ، مفرداتها متميزه بطرحها ،

لوحه مرسومه بيد احترفت تكوين الحرف ، وصياغة الكلمه ...

شكرا جزيلا ... وافر التقدير والأحترام ... :)

ماجد ناصر
23-12-2001, 04:15 PM
THUNDER_SS
وعليكم السلام ورحمة الله وبركاته :)

العفو ومشكور على المشاركه:)