PDA

View Full Version : واللي مثل شرواك لايلبس عقال ..



سما العز
20-12-2001, 03:20 PM
<center>
<font color="#ff2000"><font size=+1>
السسسسسلام عليكم ..
عجبتني هالقصيده وحركت شي بداخلي ..
أتمنى تعجبكم ..
((بنت رجــــال))
________________________________
<center>
<font color="#004080"><font size=+1>
بعثرت جرحي واصبح الجرح يختال
.....والهجر للفرقا ترى مد كفه

قلبي تغشاه الألم والزمان مال
..... يالعنبوك الجمر بالجوف طفه

ليت احتراقي منك لحساسي اغتال
..... ماكان انا بنت الشريف ومخفه

لاتحسب انك مشغل هاجس البال
..... مثلك يروح وكل شي يضفه

ماهوحسافه فقد هافين الافعال
...... اللي سواد الفعل دايم يلفه

انا طموحي معرب الجد والخال
...... شريف مايطلب لقا قبل زفه

واللي مثل شرواك لايلبس عقال
...... محدن يبي يعطيه ولحدن بصفه

ليه الغلط عقب الغلا عقب الامال
...... بالله نفسك مابها ربع عفه

رجال مثلك لاعشق بنت رجال
...... يموت ريقه ماوصل ريق شفه

عذبي
20-12-2001, 03:47 PM
أم كشه ............ أنتي ........... مصيبة ........ غريبة ........ مصرقعة

قصيدة ........... دسمة

تسلمين يالجودية

:p :p

سما العز
20-12-2001, 04:18 PM
هلا والله عذبي ..

لك مني تحيه تسير على الشمال وتروح يمك بالكويت :)

<<< تحب العيار الثقييييييييييييييييل ;)

مشكور على التعقيب ..

سي يو :)

جاك العلم
20-12-2001, 05:40 PM
أم كشة،،،،

اختيار موفق لقصيدة جميلة أعجبتني كلها خاصة هالبيتين:

ليه الغلط عقب الغلا عقب الامال
...... بالله نفسك مابها ربع عفه

رجال مثلك لاعشق بنت رجال
...... يموت ريقه ماوصل ريق شفه

بعض العرب ودك تحطه بمخباك==وبعض العرب ودك تدوسه بجوتيك

صح لسانك ولسان القائل.

اخوك

جاك العلم

الراحلون
20-12-2001, 05:57 PM
روعه أختي أم كشه هذي درس لبعض الشباب
وليت كل البنات مثل هذي ،،،،، على العموم
الف شكر لك ، تحياتي

سما العز
20-12-2001, 06:01 PM
هلا والله جاك العلم ..

صح بدنك ...

وصح لسانك انت على البيت :)

مشكوور على التعقيب ..

تحياتي ..

سي يو :)

لحظه : وش جوتي الله يهديك :(

يكرم العربي عن هالكلام دقق في القصيده تعرف إن العربي مو المقصود yyy

سما العز
20-12-2001, 06:06 PM
هلا الراحلون..

مشكوره على المشاركه ..

وحياك بيننا في المنتدى عضوه جديده ..

سي يو :)

الراحلون
20-12-2001, 06:17 PM
أحس اني مصدوم صدمه قوية أحس بدوخه احس احساس
غريب تدرين أنا دايم اسمع الناس يقولون لي مشكور بس أول مره
ينقال لي مشكوره ،،، قويه بحقي ياأم كشه ،،

سما العز
20-12-2001, 06:24 PM
يا أخي اسمك مو مبين عليه انت مرأه والا رجل ..

<<< تبي تصرف :D:

بس ولا يهمك ..

آسفه آسفه آسفه .... إلخ :D:

ولا يهمك أخوي .. مشكووووووووررررر ( بدون هاء :D: )

ولا تدوخ ولا شي الدعوه كلها زلة اصبع :cool:

يلا تحياتي لك ..

سي يو :)

الزير سالم
21-12-2001, 02:57 AM
لملت جروحي وأصبح الجرح باشعال
...والوصل للبيضا أنا قطعت يده وكفه
قلبي يهزه حسينات الوصل والدلال
...يالله لطفك لمن هو طلب لطفه
احرق على كيفك مني كل الحال
...ماهمني كانك بنت الشريف أو جَفْرَه:D:
أكيد اشعلت أنا هاجسك نهاراً مع ليال
...والجرح الأليم ماشيءٍ يضفه
ويش تنفع الحسايف وقول من قال
...اللي سواد الفعل دايم تلفه
أنتي طموحك قولٍ من غير أفعال
...بغيتي الجينز وعفتي بو شطفه
واللي مثل شرواي صَعَّاد نزال
...بس فهمك المحدود صعب وصفه
يبغالك اختصاصي في كل مجال
...يكتب لك بالقلم علاج وصفه
مطلوبك خيالي ومُحال مُحال
...عايشه أوهامك بسواد غطفه
أمَّا تركتي قول هتَّاش وهلال
...لبدل أم كشه باسم أم طخفه
"ياما حلا الفنجال لاساح البال"
مع ديد العسل من غير رشفه
سلامتكم...صح لساني ..ومن قال..والسامعين..
:D:

ابو طيف
21-12-2001, 06:22 AM
ام كشه
اهلين ام كشه
اختيار رائع وفقك الله واصلح كشتك :D: :D:
تحياتي لك اختي على هذه المشاركه الجميله 0



سي يو



:yy: بدووووووووون كشه
==============================

سما العز
21-12-2001, 09:32 AM
الرير سالم..

لاتحسب انك مشغل هاجس البال
..... مثلك يروح وكل شي يضفه

ماهوحسافه فقد هافين الافعال
...... اللي سواد الفعل دايم يلفه

انا طموحي معرب الجد والخال
...... شريف مايطلب لقا قبل زفه

واللي مثل شرواك لايلبس عقال
...... محدن يبي يعطيه ولحدن بصفه

ليه الغلط عقب الغلا عقب الامال
...... بالله نفسك مابها ربع عفه

رجال مثلك لاعشق بنت رجال
...... يموت ريقه ماوصل ريق شفه

سي يو :)

سما العز
21-12-2001, 09:36 AM
هلا أبوطيف..

مشكوور على التعقيب ..

سي يو :)

الزير سالم
21-12-2001, 12:05 PM
لملت جروحي وأصبح الجرح باشعال
...والوصل للبيضا أنا قطعت يده وكفه
قلبي يهزه حسينات الوصل والدلال
...يالله لطفك لمن هو طلب لطفه
احرق على كيفك مني كل الحال
...ماهمني كانك بنت الشريف أو جَفْرَه
أكيد اشعلت أنا هاجسك نهاراً مع ليال
...والجرح الأليم ماشيءٍ يضفه
ويش تنفع الحسايف وقول من قال
...اللي سواد الفعل دايم تلفه
أنتي طموحك قولٍ من غير أفعال
...بغيتي الجينز وعفتي بو شطفه
واللي مثل شرواي صَعَّاد نزال
...بس فهمك المحدود صعب وصفه
يبغالك اختصاصي في كل مجال
...يكتب لك بالقلم علاج وصفه
مطلوبك خيالي ومُحال مُحال
...عايشه أوهامك بسواد غطفه
أمَّا تركتي قول هتَّاش وهلال
...لبدل أم كشه باسم أم طخفه
"ياما حلا الفنجال لاساح البال"
مع ديد العسل من غير رشفه
سلامتكم...صح لساني ..ومن قال..والسامعين..
sea you :D:

أحمر

سما العز
21-12-2001, 12:46 PM
<center>
<font color="#a00040"><font size=+2>
قال حاقد قلت يا جاهل هلي
كيف بطرف باصبعي عيني واصيح

انت مثل ابليس حقرك الولي
.. لا تسر ولا تريح وتستريح

من يصدق بي وانا الشمس اعملي
.. ما يذريها عجاج جاب ريح

لو يطيعك بي عزيز يا جهــلي
.. ما تطيعك روسهم بي يا كليح

هم هلي يا جاهل وهم منهلي
.. لو تضيق القابهم كون فسيح

عودهم له طاعة واجب علـي
.. شيخنا اللي ما يوفيه المديح

ما سفهت من العقول الا الخلي
.. وما حقرت من الكلام الا النبيح

الصبــاخي ما تربع بالولي
.. والردى للطيب جحاد شحيح

والعتم لابـــــد يوم ينجلي
.. وأسود النيه يجي يوم ويطيح

الردى بعد السما عن مد هلي
.. ما تعلمت اجزي الطيب بقبيح

شمت عنك ابي المراجل منزلي
.. وفي ضلوعي شايب عيا يبيح

مضلي بالشعر وهو بي يعتلي
.. دام ميزاني بحسادي رجيح

لا تصدق في حصانك يجملي
.. كنت انا ومازلت وابطي لك نصيح

ما عرفت الغي واخفيت جهلي
.. علموني مستبيحين المليح

لوتبين قلت خلوا ذاك لي
.. بس دامك كالنسا مالي نطيح

قل دام اني بكذبك مبتــــلي
.. كل كذب دام هو فيني صحيح

ما خبر من الذنوب الا هلي
.. ذنبي اللي يرفع الراس الفديح

الزير سالم
21-12-2001, 01:05 PM
نقصٍ على الناس وجودك ابزود
...بعض البشر وجهها مثل ..نعلها
يام كشه احطك على النار وقود
...واشب بك ضِيَّان وأنتي حطبها
يا أهل الفشيله والجبين معقود
...والجيب فاضي وبخلك اعدمها
حنا هل الطولات صادر ومورود
...ويجاورنا السعد أليا من زبنها
صغيرنا راعي كرم وأهل جود
...لي شحت يدين الناس هو علمها
كبيرنا ضاري على المبدأ بزود
...قول وفعل شبشار كلٍ شهدها

سما العز
21-12-2001, 01:14 PM
مـانــي الــفـاســق الـلـي جـاب ذاك الـنــبــا
ولانـي الـحـاسـدالــلـي صــار صــدره حــطـب

ولانـــي الـلــي مــنــافـق بــالـرشــاوي ربـا
مـا يـعـرف الـقـصـيـد وصـار حــكــيــه خـطــب

مـا أتــشـرف يكـون أغـلى صـديــق ((يـهــبـا))
مـا أتــشــرف يــكــون أغـلـى صـديـق يـعــقـب

يـحـسـب انـه خـذا بالغـصـب ((شـيـخـة سـبـا))
مـا درى انـه لـفــت لـه طـيــب مـا هـو غـصـب

آه يـا أيــام مـرت مــن ســـنـيــن الــصــبـا
لـيــتـهـا مـا تعود ويــنــقـطـع بــه ســبــب

قـولـوا إن (الـحـكـيـم) الـيـوم (جــنْ وصــبا)
قـولـوا إن (الأمــين) الـيـوم (خــان ونــهــب)

يـلـعــنــون الـزنــاة ويـأكـلــون الــربــا
ويـمـدحـون العــبــيد ويـطــعــنــون الـنـسـب

ذاتـــنــاقـــض كــلام وذاك اكــبـــر غــبــا
قـال : مـــومــس كـلام وقــال : والـلــه كــذب

واللـه أنـه بـوجـهــي يـا جــمـاعــة لـبــا
وصــرت أنـا ارجــمـه مـن صــدري قـصـيد وشـهـب

مـا كــبـا بي حــصـانـي وافـرض انـه كــبـا
فــارســــه لا ضــرب بـالـسـيـف والــلـه ضــرب

الـوفـاء والــلـه أنـه فـي خــفـوقـي ربـــا
هـزنــي والـلــه أنــي لا أتـــســاقـــط رطـــب

والــشـعـر طـفـل ربـيــتـه سـنـيـن وحـــبـى
واللــه أنـه مــن أعــذب مــنـهـل هــــو شــرب

مـنـوتي بـاذخــه بـالـزيـن (( حـلوة نـبـا))
((بـنـت شـيخ)) وانــشـهـد مـن شـيـوخ الــعــرب

للـمــسـايــيـر هــيـل ويـا هـلا ومـرحـــبـا
مـانـي الـلـي بـــوجــه الـضــيـف هــج وهــرب

كل وجــهٍ يـجـيـني ما سـألت : ((أشـتـبـا))
وكـل حـكـي أقــولـه فـــيـه فــتــلــة شـنــب

بـيـتـي الـشـامـخ اللي بـراس ذاك الـنـبــا
وصــدري الـلــي غـــدى لـدلال ضـــيـفــي حــطـب

الزير سالم
21-12-2001, 01:48 PM
أنا الكريم اللي كما الغيث يمناه
...يحيي هشيمات العروق الميايبس
وأنا الذي ربه عن العيب عذاه
...وأنا الذي نال الفخر والنواميس
وأنا يصعب تعــدد مزاياه
...بي مرجلة سالم وبي حلم قيس
وبي جود حاتم بالصخا مثل شرواه
...الفارس المشهور من ساس فريس
للضيف والهاشل طليقاً محياه
...حشى يكون من الوجيه المعابيس
الانهار صار به كون عركاه
...أعبس و أرمي مدرعين الملابيس
حتيش لو بنت الطرش نلقاه
...تحذف علينا من نقل القراطيس

سما العز
21-12-2001, 01:51 PM
<center>
<font color="#c00020"><font size=+1>
إذا يالهيس تجهل فعل ((...))
سل التاريخ يعطيك اليقينا

وإذا انك ناسيه ماتذكر
ترى التاريخ يذكر مانسينا

وسل الاجواد عن تاريخ((...))
كبار السن واللي فاهمينا

تسيدنا أو سدنا بالقبايل
قبايل نجد كله له ودينا

أسود مايهابون المعادي
أسود يقهرون المعتدينا

أسود أسياد سادوا بالجزيره
أسود عيال أسود محنكين

أسود أسياد سادوا كل سيد
وهم الأسياد رغم المنكرينا

ولا أحد ينتعي أفعال القبايل
سوى اللي عن الفعايل عاجزينا

ولا ينكر فعول أهل الفعايل
سوى أهل الثرثره والناقصين

الزير سالم
21-12-2001, 02:08 PM
إن كان قولك بالاسناد غير مدعوم
...هرج بلا برهان راعيه كذاب
.............................
لي ديرةٍ عندي عزيزٍ وطنها
...يذكر بها ناساً تنابح كلابه
والله ما حداني الخوف عنها
...لكن بها كلبٍ نهشني بنابه
يا ما رحل عن نجد حيٍ سكنها
..هي دار أهلنا قبل زمن الصحابه
لو أنتحي عن نجد ما اجوز منها
...لنا بها من عيال نزار قرابه
قل للمسولف لا تجفل عدنها
...نأتيك في جمعٍ ثقيلٍ تهابه
جمع لنا عن كل عايل ضمنها
...وكم نازلاً نقشع مناين اطنابه

سما العز
21-12-2001, 02:13 PM
<center>
<font color="#c000c0"><font size=+1>
شموخي مايهزه واحد ياصاحبي مجنون
ترى عندي ثرى رجلي يساوي ثورة اعصابك

من اللي قال أم كشه عليها ياالسفيه تمون
انا حرمه ولكني ترى اطلق من اشنابك

اعرف الضحكة الصفراء يالوهي ماوراها سنون
ياجاهل نوخه الهقوه انا ماهمني اعجابك

اذا غيري عصافيره تغرد في هواك لحون
انا من ساس رعن لو درو ماطارت اسرابك

شماليه منابت طيب..شماليه احب اكون
رفيعة شان.. مرقابي تعدى حد مرقابك

تعذلوني وانا شعري غدى لطرس شبه عيون
تلوموني وانا ربعي ذحاح الموت بهدابك

هلي هم سترنا وان صاحت العذرى تصيح غبون
يجون الموت دلاقه..لابوك لابو من جابك

هلي هذي فعايلهم وعشق الطيب بالمكنون
وانا عندي ثرى رجلي يساوي ثورة اعصابك

الزير سالم
21-12-2001, 02:47 PM
ونفسٍ إذا شديت بالعزم حبلها
..جرت تطلب العليا ولو عز جانبه
عنودٍ هواها بان منها مواقف
..الى ساعفت يدى الحر بها واجبه
قومي مربع الهلكى وهم شعلة الوغى
..اذا أحمَّر من عود الرديني ذوايبه
تعدوا لام كشه وافنوا جموعه
..وأمست شرايدهم على البحر هاربه
وساروا على رمل الشمال وامضوا
..حتى تُثار الحرب من كف غاضبه
أقاموا بها الشرع الحنيف وعمروا
..مساجد كانت قبل يأتون خاربه
وسلوا سيوف الهند من دون سيفها
..وغلوا جموعٍ للمعادي محاربه
هذي مواضينا وفي الوقت حاضر
..يشهد على ما خط بالطرس كاتبه
من زارنا بالخير قمنا بحقه
..ومن زارنا بالشر دسنا ترايبه
سيوفنا من دم الضداد وردها
..الى اعتدى اضحت من ادماه شاربه
فنحن كسحاب الجو يرجى ويتقى
..صواعقه تفني، وتغني سحايبه
كرامٍ حوينا دق المكارم وجلها
..وان حارت الافكار جنك عجايبه
مناعيرٍ اذا صاح الصياح تواثبوا
..كأسدٍ يفرون للضد غاربه
فهم درعي الضافي وهم نور ناظري
..وهم سيفي الى ماضيات مضاربه
وضاعت اسموت في بيوتٍ كثيره
..وراحت كفانا الله أسوأ عقايبه
وتطاولت الرخوم على اسيادها
..ومسكنها شهار يأم كشه ياخايبه:D:

سما العز
21-12-2001, 03:02 PM
<center>
<font color="#000000"><font size=+1>
هـينه دام هــي هــــذي فـهـي هـينه
والله انــي حـسبت الــعـاقـبه عـاقـبه

عـاد تـدري هي من أول وهي بـينـه
شـــوفها مـايبـي لـه نـظــرة ثـاقـبـه

مابعد ماشـفت من همي سـوى عينه
كيف أجـل لو همـومي جتك متعاقبه

جيتك بغـصـن طيب زهـــرتـه لــينـه
كـيف لو ييبـس وتصفـر الأوراق به

من رجـا خير في شـرواك مـاعـينه
لاأنـت سباق طيب ولاأنت لحـاق به

مومس الوقت لو صـلت ماهي دينه
يعـرف البير واللي فيـه ومن واق به

لا تـحـلـف الـيمين .. ولا نـبي بينـه
فـارق الصـدر يالسر الذي ضاق بـه

كـل شـخص لـه مــن الـذل مافينه
وكل شخص له من العز مالاق بـــه

زيـن اللي تبي واللــي تـبي شـينــه
ماانت حـول الطـنايا لحيتك عـاقـبــه

الراحلون
21-12-2001, 04:08 PM
أ................................................. ......................م

سما العز
21-12-2001, 04:13 PM
الراحلون بليييييز أكمل الفراغ :)

الراحلون
21-12-2001, 04:24 PM
أكمله من عيوني وكلي شرف بعد بس كنت خايف من عواقب
اللقافه بس بصراحه عجزت أكتم أعجابي بأسلوبك الاكثر من
رائع بالتسحيب والرد القوي جدددددددددددا والموجع في أكثر
احيانه ولااقول الا الله يحمي الاجواد وبصراحه قدرتك على
اختيار الرد شي لايوصف فعلااااااااااااااااا ياأستاذه أم كشه
تحياتي وبالتوفيق ،،،،،،،،،،

سما العز
21-12-2001, 04:36 PM
هلا فيك أخوي الراحلون ...

مشكووور على إبداء إعجابك بأسلوبي ...

بصراحه هو اللي حرك العصبيه بداخلي ..

وإلا أنا ما بغيت هالشي يصير ..

أكرر شكري لك ..

تقبل تحياتي ..

سي يو :)

الزير سالم
21-12-2001, 05:13 PM
ههه..
يعني علمت أخوها الكبير بالطلعه..:D:
<==يترفع عن ذلك..:sd:

سما العز
21-12-2001, 05:44 PM
???????؟؟؟؟؟؟؟؟؟؟ :D:

>>>>>>>>>> من قوة الصدمه قام يخربط :D:

الزير سالم
21-12-2001, 05:49 PM
ماعلى السفيهِ حرج....:ff:
وإن عُدتي عدنا..:ss:

سما العز
21-12-2001, 06:01 PM
العتب على النظر ..

أرجع للردود شف آخر قصيده كانت لمين ..

:p :p :p :p :p :p :p :p :p :p :p :p :p :p :p

الزير سالم
21-12-2001, 06:09 PM
:D: ولو قصر النظر يتعدل بلبس نظاره.:cool: لكن قصور الفكر كالحماقة أعيت من يداويها..:mm: :fff: &&
:) :) :) :) :) :) :)

عذبي
21-12-2001, 06:19 PM
السلام عليكم ورحمة الله وبركاته

الأخ الكريم ...... الزير سالم

الأخت الكريمة ... أم كشة

يكفي ....... خلاص ........ أرجوكم ....... لا نريد .... أن تتسع ... الرقعة
في ثـوب ......... هذا المنتدى ‍

يا شباب ........ تعوذوا ........ من أخو ........ مره ( أبليس )

ترا ......... التجريح .......... ما له ....... أبد ..... داعي

وهذيك ........ أيام ....... راحت ومضت ........ والله يغفر لهلها
وحنا اليوم ......... عيال اليوم ........ وكلٍ يفتخر بفعل ........ أهله


بالله ....... يا الزير
بالله ........ يا أم كشه

إن كان لي خاطر ....... عندكم ........ فظوا ...... المراشق .... وخلاص
بطلوا

الزير..... الدور .... هو ... دورك ... في ... تنزيل قصيدة ترد بها على أختك أم كشه

لكن أستحلفك بالله ....... لا .... تنزلها ....... أبد

وعتبره ........ طلب ....... من واحدٍ حسبت أخوانك

-------------------------------------
أرجوكم ........ أن تستجيبوا .......... أو ........ أني أزعل منكم
والله العظيم

واللي يبي يقول شيء ........ يراسلني .... من غير أن يتكلم ... في المنتدى


:) :)

سما العز
21-12-2001, 06:34 PM
السسسلام عليكم ..

أبشر والله عذبي ماطلبت شي ...

أنا قلت للأخ الراحلون ما بغيت أن موضوعي ينقلب هالقلبه ..

بس مو معقول يغلط علي وأسكت ..

على العموم أنا بنتظر التعقيب على القصيده الأصليه والموضوع بالنسبه لي أنتهى ..

تحياتي ..

سي يو :)

بو سعد
21-12-2001, 07:13 PM
بعثرت جرحي واصبح الجرح يختال
.....والهجر للفرقا ترى مد كفه

قلبي تغشاه الألم والزمان مال
..... يالعنبوك الجمر بالجوف طفه

ليت احتراقي منك لحساسي اغتال
..... ماكان انا بنت الشريف ومخفه

لاتحسب انك مشغل هاجس البال
..... مثلك يروح وكل شي يضفه

ماهوحسافه فقد هافين الافعال
...... اللي سواد الفعل دايم يلفه

انا طموحي معرب الجد والخال
...... شريف مايطلب لقا قبل زفه

واللي مثل شرواك لايلبس عقال
...... محدن يبي يعطيه ولحدن بصفه

ليه الغلط عقب الغلا عقب الامال
...... بالله نفسك مابها ربع عفه

رجال مثلك لاعشق بنت رجال
...... يموت ريقه ماوصل ريق شفه

اختيار قمة في الروعة .. الف شكر لام كشة ..

و هذي لك انتي و الرير ..


وش هالحتسي يا ربعنا وش هالاقوال ؟
...... ما نرتجيها من شرواكم و كفه

ام كشة وش جرى لك يا بنت الابطال ؟
...... يا الرير وين الطيّب اللي اعرفه ؟

عذبي يكون مهدّي الوضع ؟ محتال !!
...... مو باقي الا انك تقوم و تدفه !!

تكفون يا الاجواد عدلوا الاحوال !!
...... كلكم هل التوحيد منتو بمسفه !!

بو سعد :):)

سما العز
21-12-2001, 07:44 PM
السسسسسسسسلام عليكم ..

مشكوور بو سعد على التعقيب ..

وصح لسانك ..

تحياتي .

سي يو :)

عذبي
21-12-2001, 09:09 PM
أبو سعد .... وش أنت قاعد تقول

الله يهديك .... وشلون ....... تقول عني ....... محتال

ولا ما طلعت ........ معاك غير هالكلمة ...... التعبانه

لو سمحت ....... أمسح ..... اللي كتبته ...... خرابيطك هذه

سما العز
21-12-2001, 09:26 PM
بو سعد ...... عذبي ....... تعوذوا ......من أبليس....... شباب .....

:D: .......:D: .......... :D: ............ :D: ......... :D:

عذبي....... تلاحظ .......طريقة.......... الكتابه

سي ...... يو ........ :)

الزير سالم
22-12-2001, 12:23 AM
الاخ عذبي
السلام..
غالي والطلب ...ما يغلى عليك...لكن وصلتني رسالتك وابطى جوابك ياعذبي عليه. والاخ أبو سعد يلح علي لكي أرد...(يتخيبث) والرد حاضر؟؟ الأخت أم كشه ليه الرد الاول يكون على شخصك.(ما عندك يعني ثقة بالنفس) أنا عارضت القصيدة الاولى دون معرفتي بقائلها ..لكنكِ ثارت أعصابكِ. وقد يكون الحال كما قال الشاعر:.. إن في النفسِ منك شجوناً هاجساتٍ نَكأتُ منها (أنا) الجراحا...

(....) ينشدني وانا وين وينى
هبيت ياهرجاً بليا لبا قة
الشين شين وماكر الشين شينى
عدو جدٍ ولابقلبك صداقة
الله يخونك كان ما تشتهيني
لو تحكي لي بالعلوم الدقاقة
غديت مثل معايد القريتيني
لاجبت خير ولاتبعت الرفاقة
انا بلايه من صديق بطيني
بقعا تصفقني على غير فاقه
فنجال طينٍ ولانت فنجال صيني
تبرك مباريك الجمل وانت ناقة

الزير سالم
22-12-2001, 12:46 AM
سالم الزير نزولاً عند طلب الكثير من الاخوة والاخوات ..ويخص بالذكر الفاضل عذبي ..يتوقف عن الاستمرار..........;)

THUNDER_SS
22-12-2001, 12:44 PM
يقول المصطفى صلى الله عليه وسلم ( أتركوها فأنها نتنه ) ، او كما قال صلى الله

عليه وسلم ...

الموضوع مقفل ... وماكان له ان يصل الى ماوصل اليه ، لو كانت الردود تغلب العقل ، وترد بوضوح رؤيه ، بدلا من الرد لمجرد الرد ... !!