PDA

View Full Version : اتهام ؟!



جاك العلم
07-01-2002, 07:08 PM
بدون مقدمات........

قالـت صحـيح إن القصايد بغيري
،،،،،،،،،،،،،،،،،،،،،،،،،،،،شعرٍ كِتَبْه إنـسان غـيرك خذيته
قـلت اسـألي قلبك لأنـه خبيري
،،،،،،،،،،،،،،،،،،،،،،،،،،،يدري الشعِر شِعري أو إني قريته
أبا اعترف واللي يصير بْيصيري
،،،،،،،،،،،،،،،،،،،،،،،،،،أنـا كتبته فيك،ولاجـلك رويـتـه
أملك لجام الشعر،وبأمري يسيري(1)
،،،،،،،،،،،،،،،،،،،،،،،،،وبـيت الشِّعِر يـاتي ليا مـادعيـته
شاعر،وقول الشِّعْر عندي يِسيري(2)
،،،،،،،،،،،،،،،،،،،،،،،،شِعـري يـهز شـعور لامـن بغيته
لكنْ فيك الشِّعر يصبح عـسيري
،،،،،،،،،،،،،،،،،،،،،،،الشِّعر فيك،ومـنك شِعـري غـذيتـه

(1) يسير أي يتحرك ويتجه.
(2) يسير أي سهل.

على قد حالها ( عدل )،،،،،،،،،،

أخوكم
جاك العلم

Porsche girl
07-01-2002, 09:54 PM
alhilal اخوي جاك العلم
صح لسانك اولا. ثاني شي قصيدتك حلوه كلماتها بسيطه . هذي حلوه لكن قصيدة ( لا حشا) عاجبتني اكثر لأنها عميقة المعاني :sd:
اتمنى لك كل تقدم ولا تبخل علينا من فيضك

SPEED
08-01-2002, 04:51 AM
صح لسانك يا جاك العلم ,

ولا تبطي علينا بكلامك العذب

(شاعر،وقول الشِّعْر عندي يِسيري
،،،،،،،،،،،،،،،،،،،،،،،،شِعـري يـهز شـعور لامـن بغيته )

ونعم بالشعر والشاعر

متعب المتعبين
08-01-2002, 06:59 AM
أملك لجام الشعر،وبأمري يسيري(1)
،،،،،،،،،،،،،،،،،،،،،،،،،وبـيت الشِّعِر يـاتي ليا مـادعيـته

صح

كلامك صح

قول وفعل

ماشاء الله عليك

** بدر **
08-01-2002, 01:19 PM
العلم جاك ..
لتسجيل الحضور وعدم الغياب لأني ( على جريف محاضرة وطوالي حرمان ) ..
خف علينا وترفق وعلى هونك ،، والقصيدة لا تحتاج تقييم أو تقويم لأنك صاحبها .

استودعك الله ..

روح الورد
08-01-2002, 11:52 PM
مساء الخير....
مفيش احلى من كدة كلام ( الله يوفقك ) .

Porsche girl
09-01-2002, 12:05 AM
اختي روح الورد
حبيت اقولك انه فيه طبعا كلام احلى من كده يا ام العرج
كلام الله سبحانه وتعالى ولا اشراي اللي معانا و قاعدين يقرون الموضوع :sd:
اشوفك على خير انشاءالله
البورشه تارجا

جاك العلم
09-01-2002, 09:34 PM
أختي البورشه،،،،

أشاطرك الرأي بأن قصيدة " لاحشا " ذات معاني أعمق ولكن فيها من الخصوصية الكثير بينما هذه القصيدة فهي اتهام موجه إلى الكثير من الكتاب في الساحة الشعرية فلعلها تعبير عن خواطر تدور في ذهن الكثير من كتاب الشعر،،،،،

شكراً لمرورك وتعليقك،،،،،

_______________________

أخوي سبيد،،،

ماعليك زود،،،،،

والجود من الماجود،،،،،،،

لاتحرمنا من هالطله،،،،،،،،،،،

________________________

أخوي متعب،،،،،

لاتمدحني وانا اخوك تراني على طريف،،،،

واذا مدحته قال لاتمدحوني،،،،ماني من اللي يستحقون الإعجاب
الزين والله بس فيني عيوني،،،وأقول انا هذا بلا ابوك ياعقاب

متعب تعرف سالفة " هذا بلا ابوك ياعقاب " ؟؟؟؟؟؟؟؟؟؟

تسلم على مرورك وتعليقك،،،،،

لا تقاطع،،،،،،،

__________________________

حبيبي بوناصر،،،،،

الله لايحرمنا من هالطلة،،،،،،،،

ويوفقك دنيا وآخرة،،،،،،،

في قصيدتك لرعد وصفتني وصفاً تمنيت لو أنه فيني ( المطوع )،،،،،،،

أحبك،،،،،،،،،،

_____________________

روح الورد،،،،

مساء البنور ( مع إني ماادري وش معناتها)،،،،،

والنبي !!!!!!!!!!!!

شكلك فيك عرق مصري !!!!!!!!!!

بس بلاش والنبي لأنه مايجوز الحلف ( إن كان حلفاً ) بغير الله،،،،،

شكراً على المرور والتعليق،،،،،

___________________

البورشه ( كلاكيت مرة ثانيه )،،،،،،

وهل فوق كلام الله سبحانه وتعالى كلام،،،،،

وأظن ( جازماً ) بأن روح الورد لم تكن تعني المقارنة بكلام الله ،،،،،

كما أني أظن ( جازماً كذلك ) بأن كلماتي لا ترقى لمستوى الكثير من من كتابات عذب الكلام،،،،،

لك مني كل التقدير

جاك العلم

Porsche girl
09-01-2002, 11:13 PM
مساء الخير للجميع
اخوي جاك العلم, تصدق انا اظن جازمة انه مستواك يرقى الى مستوى من في منتدى عذب الكلام( خل عندك ثقه بكتاباتك)
اما اختي روح الورد عاد ليش؟؟؟؟؟ :g:
ليش الله يعينكم علي. دنا غلباااااااااااااااااااان :sd:
انا حلوه وصغيره لا طويله ولا أصيره ( اقروها بالمصري وغنوا وانتوا تقرونها لو سمحتوا)
بس قولي لي شنو سويت لج. عاد احبكم انتي وجاك العلم. لا تخلوني اكشف راسي للسما وادعي عليكم العصر, علشان ينطبق علي المثل دعوة وليه ساعة عصرية
اشوفكم على خير انشاءالله واروح بسرعه لا امي تذبحني ان درت عني قاعده على الجهاز مو قاعده ادرس :D:
البورشه تارجا

جزاع
12-01-2002, 01:02 AM
صــــــــــــح إلسانك يـــا بو فهد........

جاك العلم
12-01-2002, 07:10 PM
هلا بجزاع،،،،

أيوه قلبي عليك إلتاع ( والا أنا غلطان! )،،،،،،،

صح بدنك حبيبي،،،،،

أخوك
جاك العلم

عبرتي بلا دموع
14-01-2002, 06:46 PM
شاعر،وقول الشِّعْر عندي يِسيري
،،،،،،،،،،،،،،،،،،،،،،،،شِعـري يـهز شـعور لامـن بغيته

مابقى عقب هالبيت شي نقوله ,,,,
صح هاللسان وصاحبه

جاك العلم
16-01-2002, 01:40 AM
عبرتي،،،،،،

صح كِلِّكْ،،،،،،،،

وعسى الله يحفظ لك كل غالي،،،،،

أخوك
جاك العلم