PDA

View Full Version : هذي هي بنت الحضاره ؟



al dihan
16-01-2002, 05:01 AM
هذي هي بنت الحضاره ؟
كنا في نزهة بحر

يوم كنا فالسفر

شفت لي شي" فتني

قمت انشد ثم اغني

يابحرنا قول وش حال السفينه

من هوانا..الموج عالي

واسمك الغدار اسمك

وربي مرسيها

حط فيها اللي تسبب في عذابي

هو عذابي راكب" سطح السفينه

حين شفته وش غدى بي

ما ذبحني كود عينه

يوم شفت العين ورموش"ظليله

هو نظرني ..

واشهدان ذي نظرته ذي صوبتني

بسيوف"صقيله

بهذلتني..لخبطتني

صرت اقول الخمسه خمشه

عزتي له..قلبي المسكين

اي والله عزتي له

كنها فنون العرب تلعب بقلبي

نبض قلبي تسمعه بكل السفينه

قالوا وش علمك ؟ تحاكا لا تباكا

قول مابك...

قلت بالله اتركوني اتركوني

اللي مثلي ياربع ربي يعينه

جيت حوله اتلفت...

ازعم اني مضيع"حاجه ثمينه

قلت لو تسمح تكرم

عطني اسمك

عطني رقمك

عطني عنوان المدينه

صد عني وهز راسه

يتهزأ..

قال دور لك بديله

ياحليله..

يحسب اني وسط سوق

مادرى اني في سفينه؟

قلت ياانتي علامك

تحسبين انك ثقيله

لاابد ماانتي ثقيله

انتي مغروره و جميله

وانتي ورده في خميله

وانتي انتي انتي انتي

وبعد كل اللي ذكرته

اقهرتني..حيث صدت

ماتبي مني سلام ولاتبي مني كلام

ما ارحمت نبره حزينه

نعم صدت..

وادخلت وسط الكبينه

ادخلت بنت الحضاره

ولعت ذيك السيجاره

قدمت فيني شكايه

جاني ربان السفينه

يتهدد..شالحكايه

هي يو..وت هبن

وت دد يو دو

نو هبن

ماعرف ارطن عنقريزي

و هو يظن اني كريزي

يـهبا...

كل افعالي رزينه

يافضيحه تنتخي بذاك الخواجه

تنتخي من غير حاجه

متحرره تمشي مامعها احد

هذي والله الغبينه

لا لها والي و لا معها رقيب

مادرت ان الله الدايم رقيب

شمت عنها..

ماهي من جنسي وثوبي

يادروبي..ماابيها

وش عليها..سايحه بنت الأ كابر

كل موسم هي تسافر..

هذي قصة ماحصل لي

هذي احداث السفينه

افترقنا كل منا في طريق

وانا بافكاري غريق

وش حصل لي ؟

ياترى هذي حلوم

اوترى هذي حقيقه

الا والله ذي حقيقه

من سمعها نشف ريقه

لكن الأمروادهى

يوم جت ترجع بلدها

صدفه صارت رحلتنا سوى

يوم طرنا فالهوى

صار ترتيبي بعدها

فيها سحر و فيها غرور

فيها كبر و ريحة عطور

كل هذا في جسدها

اعلن الطيار باقي كم دقيقه

استعدوا للهبوط

اربطو حزام المقاعد

روحت للخلف..شوي ماهو واجد

ارجعت متستره متحشمه

وين هذي وين ذيك

ارجعت تلبس عباه

بشكل يلفت الأنتباه

ماتشوف منها اي طرف

ياخساره..هذي هي بنت الحضاره ؟

لا ابد ماذي بحضاره

ذاتخلف

ذي معاصي

ذي مآسي

ربي ذكرمن هو ناسي

وابعد الشيطان عنه

ربي ذكرمن هو ناسي

وابعد الشيطان عنه

ربي ذكرمن هو ناسي

وابعد الشيطان عنه