PDA

View Full Version : من أواخر قصائد الشاعر منصور الرمالي قبيل وفاته ..



سما العز
27-01-2002, 05:57 AM
<center>
<font color="#000000"><font size=+1>
السسسسلام عليكم ..

يقول الشاعر / منصور الرمالي الشمري رحمه الله ..

يالله ياللي لك على الخلق سلطان
.ياواحدٍ كل الخلايق تهيبــــه

يا رافعٍ سبعٍ على غير عمدان
.ياعالم الدنيا بيانه وغيبـــــه

يابانين دينك على خمسة اركات
وأرسل رسوله للبشر تهتديبــه

ويا واحدٍ فوق المخاليق لك شان
يا مرجعٍ يوسف على طول غيبه

ارجيك حيث اللي ترجاك ربحان
واللي رجا غيرك تردى نصيــبه

أسألك عفوك وامتنانك و الإحسان.
وأسألك أنا عطفٍ ولطفٍ وهيبة

ربي وآنا عبدك وعندي بك إيمان
ما خش قلبي فيك شكٍ وريبــه

ربي وآنا عبدك ترجاك شفقان
أنت الذي من يطلبك تستجيبـــه

يا جاعلٍ للخير والشر ميزان
يا غافر الزلات ســتار عيـبــه

أدعيك وأنت مصوّر الأنس والجان
والنمل فوق القاع تسمع دبيبه

أسألك في دنياي سترٍ على أيمان
وأسألك أنا التسبيح عند المصيبة

وألوذ بك يارب عن كل شيطان
وأعوذ بك ,عن الضيم هو الغليبه

واليا خذيت الروح تاخذ بالإحسان
وتوسن يا صرت تحت النصيبه

وأسألك أنا يارب رحمة وغفران
في يوم ما ينفع قريبٍ قريبه

في يوم ما ينفع قرايب ولا إخوان
يومٍ صغير السن يغشاه شيبه

يومٍ عظيم فيه رابح وخسران
أحدٍ سعيد الحظ واحدٍ بخيبـة

الناس حفيانة شبابٍ و شيبان
كلٍ بنفسه ما يهمه صحيبــه

من عظمة الأحداث زاغن الأذهان
كلٍ يشوف بعينه أشياء غريبة

يارب ياللى خالقٍ كل ما كان
تعطي ليا من العرب شح جيبه

أسألك أنا الجنة وطالبك رضوان
وتفكني من نار يشعق لهيبه

وتجعل لنا مع صفوة الخلق مسكان …
يا شافيٍ جرحٍ تعذر طبيبه

وصلاة ربي عد ما كاينٍ كان
على رسـولٍ سـنته نقتـد يبــــه

وسلامتكم ..

تحيـــاتي..
سمــــا العز ...

جاك العلم
28-01-2002, 02:03 AM
سما العز،،،،،،

طال غيابك...وحين عدت...عدت بغنيمة لا قصيدة....كلمات...بل هي دعاء... خرجت من قلب شاعرٍ مؤمن بربه...إيمان لاشك فيه...ذو ثقافة إسلامية عالية... كما يبدو من أبياته...رحمه الله وأسكنه وأمواتنا فسيح جنانه....

اختيار موفق كعادتك في الاختيار....وارجو ان يكون كذلك أداؤك في كل اختبار...

إسلمي لأخيكِ
جاك العلم

سما العز
28-01-2002, 07:53 AM
السسسسسسسسسسلام عليكم ..

حياك الله اخوي جاك العلم ..

مشكووور على الحضور والتعقيب .. وصح بدنك .. وسلمك ربي للي يعزونك ..

تحياتي لك ..

سما العز ..

يلاااااااااااااا
سي يو :)