PDA

View Full Version : إقلطوا وتقهووا..



بروق
28-01-2002, 04:40 PM
اقدم لكم هذه الهديه من اختياري وهي للشاعر: شاعر تحت الطلب ..
وهذا هو اسمه المستعار
ان شالله تعجبكم
ـــــــــــــــــــــــــــ
طاب الحكي واشرب من الكيف فنجال
في دلة فيها شمطري مع الهيل
وبن على المحماس مشهف ضلال
زلة مع زعفران ومسمارها ليل
وانشد بعد ماطاب حالك عن الحال
وانشدعن علوم الربع والبل والخيل
والبارحه جانى نشد عنك رجال
له هيبة معلومة بين الرجاجيل
يقول وين اللي عليه الزمن طال
ولاعاد شفنا له جيات ومقابيل
الحمد لله كل هم لنا زال
والخير واجد عندنا والتساهيل
العام تمطر في رمضان وشوال
وهذي السنه جانا مع قصير هماليل
ثم استمرت فرجة ضيقة البال
واليوم باتلا الحج والفرضه تسيل
وابو حمد يرعى حلاله ورحال
بعد الربيع يطرد ورى بارق يخيل
هذا الذي خصك بذكره لي وقال
من خاطره هله وقلب له يشيل
وصلوا على خير البشر عد ماسال
شعب به الوديان بالوابل تسيل

كـسّـــاب
29-01-2002, 01:08 AM
خوش قهوه

قهوتكم ......... شي !!!