PDA

View Full Version : دادا اكس أي !!!



الفاهم
26-03-2002, 07:35 PM
انا واحد من الي يعزون كثير السبحه احسه انه افضل اختراع طلعوه لنا لأنها تفسر لنا حياتنا ‍‍‍!!‍‍‍ الحين لو تشوف ساعتك بتحصل انها تبدا من 12 وتنتهي بعدين بالساعه 12 !!!
بيوتنا من زمان صغيره كبرت فتره وصارت قصور بعدين رجعت صغيره !!! لو تدور حوش بيتكم مثلا تلقى انك تبدا من عند باب المجلس وتنهي بنفس المكان !!

الي لعب بلياردو فينا يعرف اننا مثلا كور البلياردو نبط بقوة ونرجع مكاننا ‍‍!! الكوره طبعا معروفه انه شي ماعندك اكبر من شكله وفاضي من داخل ‍‍‍!!!يعني هالدنيا صايره تقل سبرنج ترقى فوق وترجع تحت ‍‍‍!! مثله مثل المؤشر الي تجي منه فلوسنا هالمؤشر بلوه اذا ارتفع زانت امورنا واذا انخفض حمينا غدا امس على العشاء !!!

العلم والتكنولوجيا ماخلو شي صرنا كل يوم نشوف شي عجيب وغريب من زمان طموحنا نتفتح باب البيت وحنا قاعدين الحين صار عادي لو تشوف ابو جيرانكم يطير ولا تشوف خاروف عليه شماغ ويتكلم ايطالي ! او حتى تحط رجلينك وايدينك بالشنطه اذا جيت تسافر عشان ماتضايقك بالطياره !! ولا عندك سياره سيارتك هي نعالك وذا صرت تبي ذاك اليوم تروح لمشوار بعيد ولا للبر ركبت جزمتك !!!

انا مدري ليش يقال اننا من زمان كنا علماء والحين صرنا دبش ربعنا من زمان اذكياء والحين همج !! انا الي اعرفه واحد حط ريش على باله يبي يطير ولا حتي راح وقتهم وفلوسهم وحتى مرضو وماتو ولا قدرو يسون الي يقاله اكسير الحياة !!

حنا عندنا الحين فوق مليونين عالم اصغر واحد فيهم مهوب بس يسوي اكسير الحياه الى يخليك تنسى الحياه كلها !!!

ولا حنب نكلف على احد يعني مانبيك تشرب ولا تاكل شي مثلهم يجيك تسمم ونبلش فيك بالعكس شغل ربعنا مافيه أي مخاطره ولا يحتاج لا مصاريف مختبرات ولا أي شي !!!

هذا غير اننا حنا ولا هوب ربعنا الاولين الى غيرنا المعروف عن الفيروسات وانه شي يضر !! كلنا من يوم نسمع فيروس نتذكر المشاكل من انفلونزا الي حمى الى جهاز كمبيوتر مخبط يعني اقل مافيها زكمه !!!

حنا ولا غيرنا الي خلى المستحيل ممكن وحنا الي خلينا احلامكم وامنياتكم تتحقق اذا ابوك وده يروح للدوام بسكوتر بس مستحي ولا امك وده تلعب بعروسات اختك ولا حتي جدتك وده تحط صور ستريت بويز بالغرفه وذا صرت انت متضايق من السروال الطويل ودك تلبس هيلا هوب !! وذا كان عمتك وخالتك وام جيرانكم ودهم يلعبون خطه !! ولا حتى اذا كان عمك ومديركم وابو زميلك ودهم يلعبون بكروت بوكيمون !!



هم يقولون الانسان بالفضاء عمره اصغر حنا نقول مهوب دايم و الى اكبر منك بيوم افهم منك بسنه قلهم طيب !! والشيب وقار قلهم يجيب الله مطر !!

بالنت يقولون احذر من الفيروسات والفيروس يجي من الرسايل والرسايل يعني مسج والمسج دايم نستخدمهن بالجوال !!!

انا من زمان مستغرب ليش يسمون الجوال العائلي بها الاسم لقيت له حكمه !!! العائله يعني اطفال والطفل يعني بزر والبزر الي يبي يصير يستخدم الجوال عندنا !!

داديات

1- ابو على عمره 60 سنه رجل اعمال مشهور نغمه جواله نغمه هايدي !!
2- نوف امها مديره مدرسه شديده مره !! مدرستها طردتها من الفصل لانه قرت نكت وسخه بجواله مع ان الجوال حق امها مهوب حقها !!!
3- ريان دكتور بكليه الهندسه حاط شعار قطعه 13 على جواله !!!
4- منيف زوج لاربع حريم غير ست مطلقهن قبل نغمه جواله والله محتاجك انا !!
5- حصه ام عشر اولاد اصغر واحد فيهم عمره 20 سنه ازعجت كل العالم عشان يعلمونه شلون تحط صوره بالجوال يو عرفت حطت صوره جواد العلي !!!
6- صالح لواء بالشرطه نغمه جوال فينو !!!
7- ابو سعد وكيل وزراه متقاعد جواله لونه احمر وعليه شعار قلب حب ونغمته بحبك انا !!!
8- فاتن دكتوره مشهوره بتخصصه كل الي يعرفونها غيرو جوالتهم لانه مزعجتهم بمسجات نكت سامعتهم من ولدها الي بالحضانه !!!
9-عادل اخصائي اجتماعي بمدرسه وزوجته مدرسه دين نغمه جواله شيلي الطرحه !!
10-هيفاء زعلت من زوجها لان نغمه جواله شيلي قشك !!!

الفاهم

متعب المتعبين
28-03-2002, 11:34 PM
أخوي الفاهم
هنيئا لنا فهمك

دهمش
29-03-2002, 03:38 AM
غزيزي الفاهم أظن اني فهمتك،،،،،،،،،،،،،،،،،،،،،،،،،.
قصدك يعني ان الجوالات خلت االشعب كلوا من نفس الطبقة الفكرية !!!!!!!

وانها خلت الشعب برضوا يعيش طفولة متاخرة ؟؟؟؟؟؟؟؟؟؟؟؟

أنا متاكد انك فاهم********،،،،،،،،،،،،،،،،،،،،،،،،، وتحياتي للفاهم.

ابو زيد الهلالي
29-03-2002, 03:58 AM
قل اعوذ برب الفلق,,

الفاهم
16-04-2002, 12:54 AM
متعب المتعبين : ولنا اشرافك :)

دهمش : ماشاء الله , يسلمو المصحصحين كلهم :)

ابوزيد الهلالي : :) :) مادري وش اقول صحيح :)


الفاهم

vgood
20-04-2002, 08:52 PM
فعلا.....فهمك كذا a*
شكرالك.....هذا الموضوع الجميل اللطيف الظريف.....:)

KSA_UK
20-04-2002, 10:19 PM
يا أخي الواحد يفرح بطلتك ,, سيرت على الموضوع قبل كم يوم وقلت اسير ثانية اسلم على الفاهم

متعب المتعبين
27-04-2002, 03:49 AM
إلى الروائع بعد إذنك أستاذي