PDA

View Full Version : تعــاتبني



AL MAR7OOM
24-04-2002, 06:40 PM
تعاتبني بنظرات خفيــة

وأجاملها ولا ادري وش وراها

أجاوبهـا بنظرات حزينة

تعبر عن ضنـا الروح وشقاها

أسايرها وأجاوب كل نظرة

وأخبي الوجد وأبحث عن رضاها

وعقب ما شفتها عرفت قلبي

تناســاها ولكن ما نساهــا

غلاها يزود مع زود الليالي

وباع الناس قلبي واشتراهــا

وصرت أغار أنا منها عليها

خطا نفسي وآنا أتحمل خطاها

وأغار من أمها حتى وأبوها

وأغار من الذي بأمره ولاهـا

وأحسد اللي تبره بالرعايـة

وأحسد اللي بأحاسيسه رعاها

وأحسد البنـز لا قامت تسوقه

أخاف أنه يشاركني غلاهـا

وأحسد الريح لا حرك شعرها

وأحسد عيون غيري لا تراها

وأغار من القمر لا شع نوره

خذت نور القمر واصبح ضواها

وأحسد الشمس لا بانت عليها

أشعتهــــا تسبب في أذاها

وأحسد الأرض لا داست عليها

أثر خطواتها تحيي ثراهـــا

وأغار من النجوم إليا تعلت

وشافتها وعيني ما تراهـــا

وأغار من الهدوم اذا لبستها

عساهـا ما تجرحها عساهـا

واغار من الخواتم في يديها

وساعتهــا وكل اللي معاها

وأغار من القلادة في نحرها

وأغار من الشعر لامن كساها

وأغار من القصيدة لا قرتها

ولو هي قصتي واشكي جفاها

وتشمل غيرتي حتى المرايا

يحق لهــا بشوفتها تباهـا

نعم وأغار حتى من الوسادة

وأحسد فراشها ويا غطاهــا

آلا يا من يساعدني عليهـا

يوصلني هوى النفس ومناها

عجزت أعالج جروحي بروحي

جروح القلب ما تشفى بلاها

المجهوووول
24-04-2002, 07:11 PM
يااااااااااااا سلام عليك وعلى هذه الغيرة الراااااااااائعه الجميله اللتي تأخذنا من صوره لأخرى
شكرا لك يا المرحوم على هذه الرااااااااائعه

أرض العطاء
25-04-2002, 01:45 AM
الصراحه حلوه القصيده ومشكور اخوي المحروم :D:

بس الغيره اللي بزياده موب زينه :p


لوووووووووووووووووووووووووووووول المجهول يا سلااااااااام المزاز با الداخل )k )k )k )k )k )k


تحياتي..
اختكم ... بنت ابوهـــا :nn