PDA

View Full Version : الــحــمــى الـلــبــســـيــه



الفاهم
05-09-2000, 10:23 PM
الليور : ههههههههههههه صادق وتلقي عند كبير الغنم يقولهم ايانا واياكم تقربون للناس الي عليهم شروتات ترا الدعوه فيها مرض :)


شارب فليت::ههههههههههههههههههههههههههههههه

والله من الهبال ياشارب :)


ويقولون السمر مهوب حلوين :)

نسخه من رد شارب مع التحذير بخطورته الى

1- حمايه الحياة الفطريه
2- جمعيه الرفق بالحيوان
3- جمعيه الحد من النسل
4- الاخ العميل لمعرفه سبب تعطل السيرفر بعض المرات :)


الفاهم

الفاهم
13-04-2001, 05:42 AM
يازين الدنيا من زمان بساااااااطه وناسه وكلش ! مدري وراه كل يوم جديد يجي لنا يجي بمصيبه ومشاكل وامور تخلي الواحد وده يركب ريوس ويرجع ورا !!


تصدقون حتي بالسياره الريوس امتع وازين من قدام صح فيها ميله راس ووجع رقبه بس ولو فيه متعه على الاقل تمشي عكس الناس !!


دنيتنا من زمان سهله جدا وبسيطه لاخر درجه قبل هالماخوذ الدش والانترنت هو صح كان فاضين اكثر بس فضوتنا وفراغنا ماعندك اسهل من شلون نقضي الوقت نرتكز قدام التلفزيون من السلام الملكي حق الصبح لا وبعضنا بعد من ذيك الي كانو يحطونه حقات اتجاهات الانتل الى مايوش التلفزيون بالليل !! كنا نحفظ كل برامج التلفزيون من تمثليات واغاني وحتي يوم تطورنا وجت الدعايات من طقه يحطم الاسعار تحطيما ولما اصحى اشرب ايه !!

ولاني واحد من هالفاضين والى قاعدين بس عند التلفزيون كنت ماخلي شي ماسمعه و اتذكر من زمان كنت اسمع اغنيه يازمان العجايب وش بقى ماظهر !! وكنت بعد اسمع راح الشتاء وجانا الشتاء كنت مدري وش يقصدون الحين عرفت ان راعي ها الاغنيه مهو ب سهل ويشوف شي مثل مايقولون ماكنا نشوفه !!

راح الشتاء وجانا شتاء ذا راعيه قصده راح القرف وجانا قرف بس مستحي ولا وده يقوله صريحه !! قال خل اللمح يمكن يفهومنها!! وهو صادق الحين ما نصدق يروح الشتاء ونفتك من جاكيات وبالطوات وبلايز وحتى الآلوان ثياب بعضنا ونقول الله اخيررررررآ افتكينا بس يجي الصيف ويبدا غث وقرف جديد وتبدا عيوننا تعورنا ونفسك تنسد ولا يصير لك مزاج لشي وتبدا تحب تصير وحيد وتظهر امراض ازدواج وانفصام الشخصيه و يبدا الواحد يمشي بالليل وهو نايم وتزيد حالات الانتحار والطلاق لا وحتي المخدرات تنتشر لان الواحد يبي يهج من الواقع الي عايشه !!!!

حتى بالبيت الثاني حق الاغنيه يوم يقول وانا انتظاري لي متي يبي يقول بس خجلان انه مل وقفلت معه وترا مسخت كثيررررررر وكل ماقال يبي يعقلون ولا يبي يجي فصل ولا موسم مايقدرون يلبسون هالاشياء تجي لها مصيبه اكبر وهو صادق الله لا يلوم الي يلومه !!!

والي ياكد كلا م راعي هالاغنيه ذاك البيت في الاغنيه الثانيه الي يقول وش بقى ماظهر !! صرنا نشوف كلش يعني يبي يمكن يطلع مشروع ولا قرار يلغون فيه بيوت الناس ونبي نصير مثل معسكرات الحيش كلنا نعيش مع بعض بدون حواجز !! ماله داعي جدارن وخساير !!

يقولون ميزه الصيف حريه اكبر من الشتاء الله لا يعيده من حريه الي صارت شوراعنا تقل قاعد عند بحر ماتشوف الا شورتات !! وليته شي يسوى يعني منظر يوسع الصدر الا عصاقيل تحوم الكبد تخاف عليه تجي عج وتطيره !! ولا ليته بعد تقول والله الرجل معذور شاري الشورت بملغ وقدره ويبي يحلل قيمته حرام غالي ولازم كلآ يشوفه !! نص الي بالشوارع من كل شي بخمسه والى بطران ومبنك منهم ولاعب عليه راعي محل تلقاه شاريه بعشره !! يعني ودك تقوله خذ خمسين وفكنا !!


بالله عليكم وش وجه الجمال بالسيقان يعني على باله يغري ولا مصدق انه مواليد باريس !! ومتعود على حياه الحريه !!! لا و طايحين بعد يلبسون ضيق اللهم لا شماته !! ودك بس تساله ورا ياطيب ماتعالج السل الي فيك!! هذا غير عقله طبعا !!


انا والله من الناس الي اقترح يبيعون مع كل شورت مغذي ولا حتي يشرطون على راعيه ياخذ له كم يوم بمزرعه تسمين اغنام !! وطبعا يجيب ورقه موافقه وعدم ممانعه من اهل حارته انهم موافقين على تحمل كل الاضرار النفسيه والجسديه من لبس هالمشيون الشورت !

بس تدرون الحين انا عرفت وش سبب الوادي المتصدع على الحمي القلاعيه وترا اسمها اتوقع الحمي اللبسيه لان حتي الغنم ماقدرو يتحملون الى يشوفنه !


الفاهم

النشمي
13-04-2001, 11:44 PM
<FONT size="5"> ههههههههههههههههه

الظاهر انه الحمى البسب؟؟؟ يابعدي .... الله يكفينا الشر

الفاهم ... صايرن مثل الهلال ياجدي من الشهر واليه ...

وين ايامك يابو الفهم ؟ :)
</FONT s>

------------------

إذا المرء لم يراعك ألا تكلفاَ *** فدعه ولا تكثر عليه التأسف
فما كل من تهواه يهواك قلبه *** وما كل من صافيته لك قد صفى
إذا لم يكن صفو الوداد طبيعة *** فلا خير في خل يجيء تكلفاَ

متزن
14-04-2001, 02:17 AM
<FONT size="5">والله انك فاهم فعلا

اجل العصاقيل رافعه ضغطك
ههههههههههههههههههه


--------
بعد اذنك
النشمي هذا والله منسم بالمره
</FONT s>

------------------
رب إغفر وارحم وانت خير الراحمين
ماسينجر all78@hotmail.com
ICQ = 77444732

ابو زيد الهلالي
14-04-2001, 04:57 AM
قهن قهن قهن قهن قهن قهن قهن يا بعدي دليت اهذي من الحمى

بدر
14-04-2001, 05:58 AM
حلوة يا المتزن .... هذا منسم مرة .... سو خير وعلى اقرب بنشري ياخي .....<IMG SRC="http://www.alsakher.com/ubb/smilies/cwm27.gif" border=0>

ياخوي الفاهم ...... الحياة مليانة مطبات بس هدي السرعة.... وبعدين التفاؤل زين .... ونشوفك تاني يا غلباوي .... ( دنا غلبان )<IMG SRC="http://www.alsakher.com/ubb/smilies/cwm35.gif" border=0>

الفاهم
15-04-2001, 04:15 AM
النشمي : هلالالالالالالالالالا بالغالي ابد في مرحله بيات صيفي يعني كله كم يوم وتلقي لوني قالب تقل سحليه :)

وردك منيب معلق عليه ابسوي نفسي مافهمته :) هههههه

متزن : ههههههههههههههههههه ياخي مادري وراهم يقولون لي فهم ضغط لاتاكلون شي في ملح لو يقولون لهم لا تشوفون الى حنا نشوفه تنحل المساله ببساطه :)

وابشرك تراي تيوبلس يعني لانشيل هم للتنسيم :)


ابوزيد الهلالي : ههههههههههههههه سلامك ماتشوف شر شغل التلفزيون عشان هو العلاج :) بس انتبه لا تحطه على القناه الي انت خابر ولا ترا يبي تنحاس الامور ازود وازود !!

بحر : هههههههههههههههههههههه ياطيب كان الدعوه بالتفاول لنا سنين متفالين بس الدعوه مسخت :) وذي تحويله مهيب مطبات !!

الفاهم

الليور
16-04-2001, 04:15 AM
يمكن القلاعية والمالطيه صابت الغنم من حقين الحمى اللبسيه <IMG SRC="http://www.alsakher.com/ubb/smilies/cwm23.gif" border=0>

------------------
بدون توقيع... لأسباب امنية!!!
الليور
صندوق العدة
لوري ابو هلال

شارب فليت
16-04-2001, 10:36 AM
مع كل موضوع ، يثبت لنا بما لا يدع مجالا للشك ،، انك برجوازي نمرة واستمارة ، رغم محالاتك اليائسة للتخفي ....... :)

عقابا لك ، هذا شرح بياني لمحتوى موضوعك
<IMG SRC="http://www.bigguys.com/img_itm_full/boxers.jpg" border=0>

متوهق
19-04-2001, 07:52 AM
:)