PDA

View Full Version : شعر



ahmad
29-05-2002, 02:12 PM
الشاعر : للأسف ماعرفه ولا بصوت من

ملاحظة : النص المكتوب اعتمد على السماع من الالقاء

يايمه منتهي جيتك وطالب منك الغفران *** اقبّـل قاعة اقدامك واغسلها بدمعاتي
يايمه كل مافيني ينادي لك انا ندمان *** طلبتك .. قولي سامحتك وردي لوجهي بسماتي
انا ادري قلبك الطيب كسرته بصدمة النكران *** غلطت وغلطتي هذي تعيّـر كل غلطاتي
اشوف الشيب يايمه ترى ماجاء وانا فرحان *** وربي الي رفع ذاتك ونزل للردى ذاتي
فقدت الراحة من بعدك فقدت الطيبة والتحنان *** بدونك راحتي غاية بيدينك هذي راحاتي
انا بعدك ولا حاجة انا بعدك ترى عميان *** اشوف ولا اشوف الي يوريني مساراتي
انا وسيد الشقى والهم من بعدك غدينا اخوان *** يجيب هموم هالعالم ويرميها بمتاهاتي
صدقتي يوم قلتي لي تدين اليوم بس تندان *** رميتك في بداياتي ورموني في نهاياتي
انا من شالك بايده ورماك بأسفل البركان *** نخيتيني وطلبتيني ولا حصلتي نخواتي
مثل ماهنتي بعيوني عليهم قلبي يمه هان *** رموني ومابهم فزعة وانا الدمعات فزعاتي
يايمه لاتظنيني انا من فعلهم زعلان *** سواد فيك سويته وسوو فيني سواتي
يايمه يله ضميني ودفيني بذرى الاحضان *** انا ادري فيك مشتاقه وهمك بس ملاقاتي
يايمه حيل ضميني ابي ارتاح انا تعبان *** تعبت اهرب من ذنوبي ابي ارتاح بمسافاتي
ابي اسمع منك اي كلمة لصوتك مسمعي ولهان *** ابسمع يمه وبصوتك ابي اسكر فيها نشواتي
اشوفك ساكته يمه ! غفيتي والا انا غلطان *** غفيتي يابعد عمري .. تعبتي من مواساتي ؟
يايمه طالبك قومي ينادني عيونك شان *** اشوف الموت بعيونك عساها تصير هقواتي
تعالو يابشر شوفو انا محتار انا تلفان *** انا امي مدري وش فيها انا مدري انا احاتي
شنو امي انا ماتت !؟ لا لا لا ترى غلطان *** انا امي ماتخليني على حزني ووناتي
انا امي قلبها طيب ولا يمكن تبكي انسان *** انا امي ماتبكيني ولا تتمنى آهاتي
يايمه صح مامتي ؟ صح الموت سوى شان *** اذا متي انا بعدك ابقضي وين ساعاتي؟
يايمه قومي يايمه وقولي الموت مهما كان *** انا جيتك وانا ناوي ابمشي فيك جناتي
تركتيني ومتي ليه ؟ تركتيني وانا ضميان *** ولا مسموح ياوليدي ولا اخذ عنك زعلاتي
انا جاني وانا المجني وانا المخطي وانا الندمان *** وانا ديني رميته تيه وبعثرته ملفاتي
وجيت من الهناء مفلس وقلبي من الضنى خسران *** تركتيني على ناري اعدد فيك زلاتي
ولاني مرضي ربي ولاني تابع الشيطان *** انا بعدك ترى مابين نهاياتي وبداياتي
يايمه منتهي جيتك وكلي مرتجي غفران *** واحس الناس تلعني وتحذفني بمرآتي
وشفت الناس تلعني وترميني بمرآتي