PDA

View Full Version : افشل موقف حصل لي



العنود شيخة هالوجود
03-11-2000, 11:55 AM
السلالالالالالالالام عليكم رح اقولكم افشل موقف حصل لي واتمنى من كل واحد انه يكتب اطرف او افشل موقف حصله نبي نوسع صدرنا شوي
انا لما كنت في امريكا ايام الثانويه كنت راجعه من المدرسه انا وصاحبتي المهم ركبنا الاصنصير وكان فيها واحد عجووز مرررره وزوجته كمان عجووز وهو طوووووووويل وهي بالحيل قصيره وصرت اتطنز عليهم وقول بلعربي عشان مايفهموني انه شوفو الفرق بينه وبينها وش ذا هو زرافه وهي قزمه وصاحباتي يضحكو بس ماكانا نطالع فيهم عشان مايعرفو انه نضحك عليهم المهم بعدها لما وصلنا الدور الي نبيه وجينا بنطلع مسكني مع كتفي وقالي بلعربي يابنتي صوتك طويل ...وعينك ماتشوووووف غير انوور صرت اركض زي المجنونه وبعدها عرفت انه امريكي بس عاش في اسعوديه من ايام حرب الخليج وتوه راجع لمريكا
<IMG SRC="http://www.alsakher.com/ubb/smilies/cwm14.gif" border=0> ههههه فشيله صح عندي كثير بس اتنظر مواقفكم
اختكم عنوده

mr_mosta7el
03-11-2000, 07:19 PM
:) :) :) :) :) :) :) :) :) :)
و الله بالفعل موقف يفشل مرررررره
خخخخخخخخخخخخخخ
بس تستاهلين يالعنود

------------------
مواضيع ساخنه في منتدى الجاده :
الرجل يريد ان تعترف المرأة بالسلطة الوطنية ..والمرأة تريد أن تثبت كفاءتها وقدرتهاعلى مشاركة الرجل في الحياة (http://www.alsakher.com/ubb/Forum8/HTML/000026.html)
ما رأيكم بـ "التبني"...في ظل حدود الشرع (http://www.alsakher.com/ubb/Forum8/HTML/000023.html/000018.html)
القوامة سوط يضرب به الرجل المرأه (http://www.alsakher.com/cgi-bin/ubbcount.cgi?expath1=Forum8&expath2=&topic=000015&type=&number=8)
ما الهم الذي تحمله؟!!!!!! (http://www.alsakher.com/cgi-bin/ubbcount.cgi?expath1=Forum8&expath2=&topic=000009&type=&number=8)
اللعوب !! أحذروها (http://www.alsakher.com/cgi-bin/ubbcount.cgi?expath1=Forum8&expath2=&topic=000011&type=&number=8)
هل نحن بصل؟!!! (http://www.alsakher.com/cgi-bin/ubbcount.cgi?expath1=Forum8&expath2=&topic=000013&type=&number=8)
زوجك ليس أكثر شراسة من الأسد .. (http://www.alsakher.com/ubb/Forum8/HTML/000010.html)

شاصي2000
04-11-2000, 03:37 AM
لا والله عندي موقف اكثر فشيله

هذا الوالد كان مع واحد من ربعه لما كان رايح لايطاليا في شغل

المهم وهم بوسط روما وقفوا تاكسي وركبوا معه طبعا المترجم طلب من السواق انه يوديهم للمكان اللي يبون فمشى السواق

الوالد لفت نظره الكلب اللي بجمب السواق في المرتبه اللي قدام

وقعد الوالد يتطنز على الكلب ويقول راعي هالتكسي مركبن معه كلب مثله

وكلمه ثانيه قال فيها الكلاب على اشكالها تقع وقعد يحش فيه وخالي والمترجم يضحكون وبعد ماخلص الوالد من كلامه السواق وقف

والتفت عليهم وقال انزلوا ياكلاب

هالكلب احسن منكم ماعمره اذاني الا انتم من او دقيقه بديتوا تسبوني والله ان هالكلب اشرف منكم ياكلاب وبدا يسبهم

بصراحه ابوي وخالي والمترجم تفشلوا ونزلوا وطارت عيونهم وشلون فهم كلامهم

طلع السواق عربي ومن زمان وهو بايطاليا

خخخخخخخخخخخخخخخخخخخخخخخخخخخخخخخخ

------------------
اللي يبينا عيت النفس تبغيه واللي نبيه عيا البخت لايجيبه


59033294 البيجر

متزن
04-11-2000, 08:07 AM
السلام عليكم
لا تزعليم مني شكلك مغروره .لكن موضوعك يستاهل نجمه
<IMG SRC="http://www.alshamsi.net/computer/star5.gif" border=0>



------------------
رب إغفر وارحم وانت خير الراحمين

العنود شيخة هالوجود
04-11-2000, 09:55 AM
هلالالالالالالالالا اخوي مستر مستحيييييييل بس ياليت تكتب لي موقف ابي اضحك عليك شوي ولي يعافيك <IMG SRC="http://www.alsakher.com/ubb/smilies/cwm11.gif" border=0>
بس مستر مستحيل هو من جهت استاهل فاهو انا استهل <IMG SRC="http://www.alsakher.com/ubb/smilies/cwm6.gif" border=0>
اخووووووي شاصي ههههههههههههههههههههههههههههههههههه لا والله الحمدالله موقفي احسن بكثير من موقفك والله من جد فشله لو اني مكان ابوك كان احلف ماعاد اروح روما<IMG SRC="http://www.alsakher.com/ubb/smilies/cwm27.gif" border=0>
اخوووووووووووي متزن انا مغروره حرام عليك وين انا والغرور وييين .....اكيد عشان اسمي قلت اني مغروره لالا بس هذا مو سبب يخلك تجرحني <IMG SRC="http://www.alsakher.com/ubb/smilies/cwm14.gif" border=0>
لالالا امزح حياك الله انا مزعل انا اتقبل الانتقاد عشاني دايماً انتقد الناس فلازم يجي لي يوم صح ولا لا المهم شكرا وياليتك كتبت لي موقف
اختكم عنوده

<FONT COLOR="#800080" SIZE="1" FACE="Simplified Arabic">تم تحرير الموضوع بواسطة العنود شيخة هالوجود بتاريخ 03-11-2000 الساعة 08:57 PM</font>

غريب دنيا
04-11-2000, 02:23 PM
وين يالربع اللي في ايطاليا واللي في امريكا ،
انا بصراحه مارحت لهالديار ،
لكن مره كنت مصيف في ام شكاعه ،هذي ريه جنب الهراره توالي الضميريه يسار ، ايمن طريق البيب ،
ولا اقول بلالالالالاش هالموقف ،

مره كنت رايح ازور مريض بالمستشفي ، وطبعا هالكلام ايام المراهقه وايام .. ماني قايل ...
المهم اخوكم شايف نفسه ومتسيد المسيره ،وراكب المصعد ومعي ناس كثير والظاهر انهم من قوم روما وامريكا ، طبعا انا اللي دست الازارير وانا المعلم ، كل هالشيء ابي الفت انتباه الجنس اللطيف اللي راكب معي (( مراهقه ههههه ))
انفتح الباب ورحنا صوب القسم وكان الباب مقفل ،
حاولت افتح الباب مافتح معي ، ركزت على الجدر ورحت اكلم زميلي واقوله موعد الزياره باقي له شوي ، وطبعا الكلام تحت مسمى اياك اعني فاسمعي ياجاره ،
المهم ويطلع هذاك الخلبوص الصغير ، بزر كان مع البنات ، وهو يدف الباب ، اللي بقدرة قادر انفتح معه هههههههه اثر اخوكم بالله جالس يدف درفة الباب المقفله والبزر الصغير فتح الدرفه الصحيحه ، المهم سمعت كم كلمة تهكم وصرت في موقف جدا محرج وخاصه من زميلي اللي لقاها فرصه للاحراج ماتعوض ،
ولما دخلنا للقسم حبيت اعوض الموقف الاول ، وشفت الممرضه وقلت اوريهم اني اعرف انكليزي وانا والله كان عندي درو ثاني فيه ، المهم طالعت في الممرضه وقلت بصوت عالي ابي اسمع غيري طبعا ،
هاي سستر ، قامت ردت على الممرضه وقالت وعليكم السلام ورحمة الله وبركاته ،،، طلعت عربيه الاخت،ههههههههههههههه،،
والله لايوريكم كل اللي كانوا معي مااسمع الا ضحكهم وانا والله في عالم ثاني بالمررررررررره
وقررت بعدها اني اكون مؤدب جدا ولا استفرد عضلاتي بهالمواقف يكفيني اني حلو ليه اتحلا زياده هههههههههههههههه
اتمنى انه مايكون موقف ثقيل طينه عليكم
واتمنى بعد انه يسعدكم شوي


------------------
أكبر عذاريبي براءة وضوحي
واصعب عيوبي اني انسان لماح

الاسطورة
04-11-2000, 03:29 PM
والله والله اني ضحكت ضحك لي فترة طويلة ماضحكتة
العنود موقف حلو مرررررررررررررة
شاصي2000 اما الكلب والله موتني من الضحك :)
انا عندي موقف بايخ مررررة وشهو انا اقولكم اللحين :
انا كنت اغسل سيارتي في يوم خميس ولما خلصت الهندي مانظف الخلفية للسيارة قلتلة نظف تعابط معي وتخانقت انا وايها المهم مشيت الا سيارة قدامي مقفلة الشارع ونيت بك اب وفيها الهنود اللي ينزلون ثلاجة واطلع راسي واقول (لا ابوكم هنود ملاعين كلاب شل السيارة يامال العمى )
رد علي واحد منهم وقال (ابوك ابليس يالهيس ,الهنود اللي ينفظون راسك )
وارجع ريوس وامشي عنهم طلعوا سعوديين ؟؟؟؟؟
***********************************
وبس

------------------
الاسطورة

جوسمين
06-11-2000, 12:23 PM
هلا بالعنود.....فضيحه
بس.....شلون كتبتى اصانصير......حلووووووه اصانصير.......

هاذى سالفتى.......انا
مره من المراريت.......كنا موجودين بالفندق ما نى قايل لكم اسم الفندق وين .......ههههه
كنا موجودين بالبهو.....حلوهههههه بهو....ولى سمعنا طقطقه....يعنى زواج....وقفنا نبى نشوف العروس مش المعرس ههههههه.....كان الباب من نوع الدوار.....المعرس شوى متيتن الى ان ما يقدر يخش
من الباب....العروس خلت عريسها يخش اول طبعا بكون اخر مره يتقدم عليها...فاهمين المقصد
طبعا وقف المعرس ينتظر زوجته.....الحقيقه شكل زوجته اول مره تخش من باب دوار......
وحنا عيونا تفنجلت على شوفت العروس ....وشوى
الى ...تعلقت القفه....الى يسمونا....الطرحه
بين البابين....بعدها طلعت الفضايح.....طاحت القفه
طيب قصدى.......الطرحه ولى يسحب وراها
تخيل الموقف.....وزوجها المتين وش سوى.......
يوم شاف هذا الموقف ؟؟؟؟؟؟؟؟؟

كومار.......شغل الموتر <IMG SRC="http://www.alsakher.com/ubb/smilies/cwm15.gif" border=0> <IMG SRC="http://www.alsakher.com/ubb/smilies/cwm9.gif" border=0>

متزن
06-11-2000, 02:35 PM
الموقف اللي حصل لي
مره كنت بالسوق انا وامي ومعي بنت اخوي الصغيره (3 سنين ) ومع اذا ن المغرب فقدنا البنت وقفلوا الدكاكين.
صراحه ارتبكت انا وامي وصرت اتلفت يمين ويسار ومنفعل ادور عليها .واشوفها مقفيه تمشي جنب حرمه ماشيه في حالها ومير الحقها واشيلها فوق - طبعا وجهها مو جهتي انا - وانهرها واصيح عليها
وين انتي رايحه الله يقطع جنسك يا ......
وفي هاللحظه تنقز هالحرمه وتصيح وششششششش فيييييك انت وش تبغى ببنتي

يوم شفت وجه البنيه لقيتها وحده ثانيه ماهي بنتنا-بنت هالحرمه -
عـــــاد دورني ما تلقاني .
((( صراحه خدودي راحت حمر)))
لكن ابشركم لقينا بنتنا وجاها ليله ما تنساها

------------------
رب إغفر وارحم وانت خير الراحمين

شبك
10-11-2000, 05:25 PM
حلوه الفكره نشطت الذاكره مع الواحد ماله نفس يفكر مدري كسل ولا تعودنا على الخمول المهم تعابطت انا والذاكره وفكرتني بخوي الي كله مواقف 00000مره بصلا ة الفجر اول كنا نصلي والنوم بعيوننا طول الامام بالتحيات مير اعطس وخوي جمبي كان يرد علي يرحمك الله وانا ارد عليه000000000000000 يهدينا ويهديك الله 0000000بعدها اكلنا علقه محترمه من الشايب

------------------
ومدجج كره الكماة نزاله

***لا ممعنا هربا ولا مستسلم

الخنساء
10-11-2000, 08:54 PM
أقول لكم موقف حصله ل لواحد المهم الرجال رايح للمغرب يبي يخطب مغربية راح الر جال وتعشى عندهم ........وعقب ماخلص <IMG SRC="http://www.alsakher.com/ubb/smilies/cwm5.gif" border=0> قال لهم يعطيكم العافيه<IMG SRC="http://www.alsakher.com/ubb/smilies/cwm10.gif" border=0> عقبها شاف أهلها تغيرت وجيههم وبغوا يهونون ........قال لهم عسى ماشر إلا بعدين فهم إن العافية عندهم معناها النار ..........هههههههههههههه
يستاهل وش موديه للمغرب

------------------
img/] www.ipaart.com/AIM05.JPG]http://www.ipaart.com/AIM05.JPG (http://img)

<FONT COLOR="#800080" SIZE="1" FACE="Simplified Arabic">تم تحرير الموضوع بواسطة الخنساء بتاريخ 10-11-2000 الساعة 07:58 AM</font>

العنود شيخة هالوجود
11-11-2000, 12:16 PM
عندي لكم موقف ثاني مره لما كنت في السعوديه رحنا جده وستاجرنا كبينه المهم طلعت من الكبينه وقلت اتمشا شوي وانا امشي طبعاً ماكان علي عبايه وكنت لابسه ثوب النوم ماطول عليكم وشفت سياره تاخذ العقل قلت ابي اروح اشوف بعدين قلت لا يمكن فيها احد اصبري ياعنود لين تتاكدين اذا فيها احد ولا لا . جالست استنى ماطلع احد قلت اوكيه يعني مافيه احد كويس ورحت لسياره وقربت بس المشكله ان السياره مظلله ومقدر اشووووف ولا شي . وجت اختكم في الله وحطيت وجهي على الدريشه وصرت اطلطل يمكن اقدر اشوف شي وماقدرت بعد نص ساعه من العنا وتعب وتلصص قلت خلاص مافيه فايده ارجع احسن المهم لما رفعت راسي وخلاص بلف مادريت الا ادريشه تنفتح شوي شوي
وطلعت السياره مليييييانه شباب وكانو يضحكون علي . حطييييت رجلي وهربت وخليتهم على ضحكهم <IMG SRC="http://www.alsakher.com/ubb/smilies/cwm14.gif" border=0>

mr_mosta7el
11-11-2000, 08:49 PM
العنود :) :) :) :)
يبغى لك تألفين كتاب عن مواقفك
بس برضوا تستاهلين الموقف اللي حصل لك
وش هاللاقافه اللي تخليك تروحين السيارة :) :) :) لا و انتي ما لبستي عبايه بعد :(

لعيونك خذي الموقف هذا :
كنت في المتوسط في الصف الاولى و توني جاي من المرحلة الابتدائيه و مسوي فيها جيد حيل بالدراسه ... و كان يدرسنا مدرس الله يذكره بالخير فيه ازورار في النظر بمعنى انه اذا كان يطالع اللي جنبك فهو يطالعك :) و كان حتى اذا اشر على طالب فمعناها انه يقصد اللي جنبه
و في مره جا للفصل و هو معصب ثلاث حبات .. و قعد يسأهل اسأله ما احد عرف منها شي و سأل سؤال تعجيزي و صعب شوي و لا بعد شرحه هو و بالصدفه صرت اعرف الحل المهم تعرفين الطفوله و نشاطها او ماسال السؤال قعدت اناقز في مكان استاذ استاذ ابي اجاوب و هو ما عطاني وجه
المهم انه جا لمي و اشر علي و قال جاوب ... بزعمي انه يقصدني طلع يقصد اللي جنبي و اقوم انا على طول و اجاوب وتوني منتهي و فرحان انتظر الجائزه و الدرجات ما دريت الا عطاني كف قعدت ادور في مكاني من قوته :( :( ما زلت اتذكره اللحين ... و قالي انت اعمى ما تشوف :( انا قاعد آشر على زميلك و تقوم انت :(
و هذا موقف محرج لي مره :) :) :) :) :) :)

خذي الموقف هذا حصل لواحد اعرفه في البحرين
يقول انه كان معزوم عند خاله على العشاء و زوجة خاله طباخه ماهره مره و كان هو جايع حيل المهم جلسوا على الطاوله يتعشون و هو توه جالس و مسمي ألا حس بحر و طالع و راه حصل المكيف مطفى قال بقوم اشغله و ارجع في نفسه طبعا
و توه قايم ألا خاله يقول له : بدري و راك عجل .. و هو يا عمري خجول قال خلاص :( انعم الله عليك ... و قام وهو نفسه في الاكل
:) :( :) :( :) :( :) :( :) :( :)

شبك
12-11-2000, 04:37 PM
انا بقول الكم موقف صار لي مع عجوز مره وديت الوالده عياده طبيه خاصه بالنساء فقط قلت للوالده بجلس انتضر الين تخلصين قالت مايخالف وانا جالس بالسياره مر واحد اعرفه وقف وسلمت عليه قالي عسى ماشر وراك قلت ابد الوالده لها مراجعه قال سلامات قلتله الله يسلمك المهم سولفنا عن بعض الامور والانقطاع الي حاصل وشوي قطع الحديث قال اهلك اركبو السياره لاخرك ودعته ورحت للسياره لقيت الوالده راكبه ورا استغربت قلت يمكن ماودها تجي من جهه السيارات يوم ركبت قلت ليه ماركبتي قدام مير تصيح وتسحب شماغي وتجر شعري حسيت ان المره ماهي طبيعيه نزلت من السياره وانا اقول وش فيها الوالده لايكون صار بعقلها شيء لاسمح الله وهي تنزل من السياره وتسب والناس يتجمعون علي ويمسكوني ويسالونها وش فيه قالت هذا قليل حيا بيختطفني وبيسرق سيارتي ولقيت كلا مالله لا يوريك ولاقدرت افهم احد كل يتكلم علي اثر الحرمه ماهي امي وهي تحسب السياره سيارتها لين جاها السواق وقالها ماما سيارهفيه هناك هذي سياره نفر تاني مير تمشي وتخليني مع الناس الي متجودين في وهي تسب وتقول سلموه الشرطه مير يجي ذاك العاقل ويردها وين بتروحين تبين من الرجال شيء ولا انتي غلطانه عليه قالت لا مابي حاجه منه بس سلموه لشرطه ولا للهيئه مير يرجع الرجال قال فكوه ذي العجوز مخرفه ماله ذنب واكثر الناس يوم فهمو الموضوع انها غلطانه بالسياره يضحكون علي وماصدقت ان الوالده خلصت وبعدها حلفت ماخلي السياره فاتحه لين ارجع لها ولكم تحياتي