PDA

View Full Version : شـيء مــن مـاضـي قـديـم .... !!



بدون عروه
09-11-2000, 07:36 AM
<FONT size="5">
دقائق معدوده حرمتك من صدى كلمة .. إقلطوا الله يحييكم على قل الكلافه ..

تدخل بيت مضيفك .. فتفاجأ بالمجلس فاضي إلا من البشوت !! وتسمع تمتمه في غرفه مجاوره .. يتبعها ضحكات ... يــــاه وش ذا الحظ !! تمشي بإستحياء في الممر .. يزداد الصوت حضوراً فتبدأ بتمييز الأصوات .. ابو سعد الله لايهينك عطني اللسان هههه يقولون إن اللي ياكله يصير شاعر !! ( ياثقل دمك ) قل أبي اللسان تكفى بدون تعليق مغبر !!

تتردد في الذهاب والمجيء بين المغسله ومدخل غرفة العمليات .. تبي كود أحد من أهل البيت ناسي ملعقه ولا شي ويشوفك ثم .. يناديك ..
لكن العالم مشغوله .. محد يمك .. الله لايشغلنا عن طاعته ..
تفكر ... بعدها تقرر نطلة الوجه ..

منظر أخّاذ .. سماط دائري وردي !! يتوسطه مفطح .. حوله أيادي ممدوده مستعينة بالرُكب كعامل إسناد !! تنهش بسرعه .. من شدة الجوع تاره .. وإعطاء المجال للتوالي تارةً أخرى .. بعدها يأتي دور الحريم !! لله دركم يا حريم أول ... ما أصبركن على الجوع !!!!

تبادر بالسلام .. ياحيالله بياله عليكم السلام .. تعال فيذا ... لا فيذا أوسع .. تعال عندي ونا أخوك ... فترد .. لا المكان ضيق .. بأقعد مع التوالي .. فتصاب بوابل من الطلقات الهجومية .. الضيق في الأنفس يابن الحلال !! والله إن تجي ..
( مجرد مثال بسيط ... من زمن ليس ببعيد )

من متى ماسمعناهالعباره ....... بنقاءها...... وحسن نواياها !؟
الضيق في الأنفس !! عبارة ثابته .. لم تتغير حروفها مثلما تغير مفهومها !!!
قديماً وما أحسن حضورها .... وحديثاً إن وجدت ...............!!
حتى في منتديات عصرنا ... أصبحت عبارة ( الضيق في الأنفس ) واضحة وماثلة سلباً ودوماً للأسف !!!
ودمتم ...


</FONT s>

هيكل عظمي
09-11-2000, 08:25 AM
لله درك يا <FONT COLOR="Green">بيالة بدون عروة </FONT c> ما اجمل كلماتك وما ابلغها الله يعطيك العافيه :) :)

------------------
يا سيدي في القلب جرح مثقل....بالحب يلمسه الحنين فيسكب
ياسيدي والظلم غير محبب.....أما وقد ارضاك فهو محبب

شاصي2000
09-11-2000, 08:40 AM
خخخخخخخخخخخخخخخخخخخخخخخ

والله هالحين ابروح لعزيمه الله يستر لااسمع هالكلمه بس

------------------
اللي يبينا عيت النفس تبغيه واللي نبيه عيا البخت لايجيبه


59033294 البيجر

http://www.alsakher.com/ubb/Forum3/HTML/000089.html

booo
09-11-2000, 08:01 PM
السلام عليكم
اخوي بياله اسمح ان اقبل رأسك واطأطئ رأسي لك احتراماً :) :) :) :) :)

------------------
كن سعيداً كلما كثر حسادك .. فهم الشهادة لك بنجاحك

أبو عجاج
09-11-2000, 11:24 PM
ههههههههههههههههه يا كثرك يا ببع ذا اليومين اللهم زد وبارك

اسمع انا صارت معي كذا مره فكنت على طول انسحب واطلع لاقرب مطعم مندي واطخ بذا الشحوم لين تقفل :) وبدون عوامل الاسناد :)



------------------
<FONT COLOR="Brown">أحد ٍ تذعــذع له على روس الاقذال ... واحد ٍ يعيش من الوزا عيشة الذيب
</FONT c>

mr_mosta7el
10-11-2000, 02:21 PM
العزيز بياله بدون عروة
الله يسلم ايديك اللي كتابة الكلام الرائع هذا
الضيق في الانفس
تغير مفهومها عن اول كثير ..
الحين فرغت من محتواها .. و ملئت بالمجامله
و النفس مليئه بالضيق !!

ma3gool
11-11-2000, 04:56 AM
:) :) يا سلام سلم عليك يا بياله من دون عروه(من وين طرا لك الاسم بس!!!!) الضيق في الانفس والله حلوه ذي الكلمه..وتدل على التواصل والتواضع...شكرا لك يا بياله.. :) :)

------------------
كل شي معقول...

سبحان الله وبحمده ,سبحان الله العظيم..

wild_orchid
11-11-2000, 10:12 AM
الأخ بياله بعروة..حفيد زمزمية شاي..

ذكرتني بالذي مضى :(

الضيق في الانفس هو علتنا في الوقت الحالي..أصبحنا نشكو الضيق..ونعاني من الاختناق بينما نحن من وضع أرواحنا في زنزانه..ثم جلسنا ننوح ونولول طالبين نسمة هواء..أو عليل يشفي مافي انفسنا من تراكمات الحقد والحسد والانانية والبغضاء..


تحياتي,,

بدون عروه
15-11-2000, 02:32 AM
<FONT size="4">
هيكل عظمي :
شكراً لحضورك .. ويعطيك العافيه . :)

شاصي :
إنشاءالله تسمعها بإحساسها الصادق .. وكل الأمنيات لك بعدم مشاهدتها على تعابير الوجوه :)

بوووو:
أستغفر الله .. وإستبدل طأطأة الرأس بإبتسامه .. ولا تثنيه لغير خالقه .. :)

أبو عجاج :
أهم شي لا تكون دعوتك مجرد تأدية واجب ... ومحد سأل عنك يوم تغيبت عن الحضور ؟ :)

مستر مستحيل :
صدقت أخوي .. وعسى الله يستر على أهالينا لا تضيق أنفسهم علينا .. تراها على جريف :)

معقول :
الضيق في الأنفس .. سلاح ذو حدين فإحذر تسلم :)

الزهره البريه :
إضافه رائعه .. شكراً :)

</FONT s>

------------------
إذا لم تكن ذئباً .. إنتبه لا تصير أم عشيش .

النشمي
15-11-2000, 12:24 PM
<FONT size="5">البيوت وسعت وبرحت هالايام .... ولكن النفوس ضاقت ياخو بريه

الله المستعان <IMG SRC="http://www.alsakher.com/ubb/smilies/cwm23.gif" border=0> </FONT s>

------------------
اليوم عمل بلا حساب ... وغداَ حساب بلا عمل ... فاغنم يوم عملك ليوم حسابك

أبو عجاج
04-12-2000, 04:40 PM
<FONT size="5">


اللي ابي اعرفه وراك حاقرن النشمي يوم ما ترد عليه :)

</FONT s>

------------------
<FONT COLOR="Brown">أحد ٍ تذعــذع له على روس الاقذال ... واحد ٍ يعيش من الوزا عيشة الذيب
</FONT c>

النشمي
05-12-2000, 03:22 AM
<FONT size="5">لواحد بدون &gt;&gt;&gt;&gt;&gt; الله يرفع ماحقرت

لواحد مغبر &gt;&gt;&gt;&gt;&gt;&gt; تبي فول ؟؟ ... وفي رواية اخرى ... الفقه :)

&lt;&lt;&lt;&lt;&lt;&lt;&lt;&lt;&lt; والم للحرش :)</FONT s>

------------------
اليوم عمل بلا حساب ... وغداَ حساب بلا عمل ... فاغنم يوم عملك ليوم حسابك

البارقة
05-12-2000, 07:57 AM
رائع وأكثر من رائع .. زمان ومضى
وكل شي يمضي وانا خيتك

------------------
ما كل ما ( يبرق ) ذهباً ..!!

بدون عروه
06-12-2000, 04:31 PM
<FONT size="5">
النشمي ..
لا يقعد يضحك عليك هالعجاجه .. ردك مهبوووووووووول خلاني ما أقدر هههههههههه حسبي الله عليك يابو عجاج ... ياخي والله ناسي إن لي موضوع فيذا :) وش اقول ؟؟

أبو عجاج ..
بتعقل ... ولا أشغل الرجال وفي نهار رمضان ؟ :) :) :)

البارقة : شكراً لحضورك وسعداء بأخوتك .


</FONT s>

------------------
المرأه التي تود أن تكون مثل الرجل ... تفتقر إلى الطموح !!!!