PDA

View Full Version : الشكوى لغير الله مذله !!!



سهيل اليماني
10-06-2002, 11:54 PM
ولكن هذا الموضوع ليس شكوى بقدر ماهو عرض لواقع الحال ،،، العلم سلامتكم
اذكر يوم اني صغير اني كنت فلتة زماني في الإملاء ، يعني ما فيه كلمة ما اعرف اكتبها .. ومرت الايام... وراحت ايام وجت ايام ودخلت الجامعة وتخصصت حاسب آلي ( يعني كمبيوتر بالعربي ) وفي هذه الاثناء بديت اتعرف على شي يقال له " كيبورد " وانا من اول ما شفته يعلم الله اني ما حبيته ... لكن على راي المثل اش حادك يالمسمار قال المطرقة !
وبديت احس ان هالكيبورد جالس يخرب شي بس مدري وشهو هالشي لأن استخدامي له كان في الكتابة بالاحرف الانجليزية .... ومرت الايام (مره ثانيه ) وقدر الله عليّ وصرت راعي منتديات ( وهي بالمناسبة توازي من حيث الدلالة على الدشرة كلمة راعي قهاوي )... وبدت علاقتي في المدعو كيبورد تزيد وهو يخربني ويدشرني كل يوم اكثر من اللي قبله ... وفي يوم من الايام ......
اكتشفت الحقيقة المرّة .. ولا عاد دريت وين اودي وجهي من الناس ... هذه الحقيقة يا محفوظين البقا والسلامه تكمن في اني ضيعت كل قواعد " وقوائم" الإملاء !!!!
وخاصة هذين الحرفين التعيسين ( ظ ) و ( ض ) ولا تهون الهمزات :confused:
وصرت مع مرور الايام ما اكتب كلمة فيها حرف من هالحرفين الا لازم اتصل على اي واحد من اللي يحبون الستر واسأله ( هي بعصا والابدون ؟؟)
ولكن الموضوع زاد عن حده وصار كل من قابلني يواسيني ويقترح علي الحلول اشكال والوان ومن (ضمن) <== الله اعلم بحالها هذه الحلول :
- واحد يقول لي اذا جيت تكتب تخيل انك حجازي وانطقها بلهجة اهل الحجاز .. واذا نطقتها اقرب لحرف الدال (د) فهي الله لايعوق بشّر بدون عصا ... اما ان كانك نطقتها اقرب لحرف الزاي (ز) فلا فيها شك انها بعصا !!
ورغم وجاهة هذا الحل الا اني اصلاً ما اعرف اتكلم بلهجة اهل الحجاز .. وصار الحل اني كلما صرت اكتب اتصل على زميل لي من اهل مكه واقول له (اتحداك تقول " ظلام " عشر مرات ) وتتغير الكلمة في كل مرّه حسب الورطه!!!... لين الرجال بدا يشك في تصرفاتي ولا عاد يرد على مكالماتي :mad:
- وواحد يقول لي ما عليك منها اصلاً هذي اللي بدون عصا ما لها اي لزمه واسفلها اذا جيت تكتب ولا تعبرها ... لانها حرف زايد ... ويضيف ان العرب ما استفادوا شي من وجود هذا الحرف في لغتهم الا التضييق على خلق الله !
- والثاني يقول ابشرك بيخترعون " كيبورد " توصله باسلاك في جبهتك ( زي حقة تخطيط القلب ) وتصير تقعد قدام الجهاز وما عليك الا تفكر في الكلام اللي تبغى تكتبه وهو يكتبه بنفسه وكفى الله المؤمنين شر القتال !
وصراحة اعجبني الحل الأخير لوجود الامكانيات فانا عندي جبهه من الممكن ان اركب فيها برج جوال .. يعني ما عندي مشكله من هالناحية ،، بس فيه مشكلتين في هالحل الاولى "انهم" باقي ما اخترعوا الجهاز .. والثانيه اني فكرت في بعض الناس ( من زود الانسانية ) اللي ماراح يشتغل معهم الجهاز ... لأنه يشترط انك تفكر قبل ما تكتب ;) .. يعني تخيلت الهلال موصل الاسلاك في جبهته ومرتز قدام الجهاز اربع ساعات يبغى يكتب والجهاز يقول بينه وبين نفسه .. اللهم لك الحمد :D:
هذه هي مشكلتي با ختصار ... واللي عنده حل لا يبخل علينا .. ترى الحال ما يسر !

وبالنسبة للناس اللي ما عندهم حل وعلشان ما يتحسفون على الدخول .. وتعاطفاً مع هموم الشعب ... اهديهم هذه القصيده للشاعر " المنسم " خالد الردادي :-

سـيداتي .. انـساتي ... سادتي .
.......................الاحـباء . الاعـزاء . الـكرام ..

مـن يـفسر لي خيوط وسادتي !
.......................ومـن يغمض لي عيوني لين انام

بـشروا صـدر الـسما بـقلادتي
.......................وبـلـغوا عـني لـخلاني سـلام

سـيدي مـن يـعترف بـسيادتي
.......................يـنحني لـي وانـحني له باحترام

عـادته يـدمح خـطاي وعـادتي
......................لاذكـرته .. فاحت اسراب الحمام

وامـي قـالت لـي بـيوم ولادتي
........................لاتـموت وباقي بصدرك كلام ..!

غادتي . ! ياغادتي . . ياغادتي .!!
......................والله ان الـلي .. تـسوينه حـرام

صـبي لـسكر حـلاك .. زيادتي
.......................يـاحلو طـعم الرضا بعد الخصام

-----------
وسلامه تسلمك من لوه لها )k

عارف الأحوذي
11-06-2002, 12:35 AM
ههههههههه
أضحك طقم أسنانك .
ترى الهمزة عندي لها حل , سهل جداً , لكني ما أطبقه , كان تبيه علمني :)

بنت البر
11-06-2002, 12:47 AM
يا ولد امي وابويّه سهيل(اخوي الحقيقي )
انا ابغي الحل
(والثاني يقول ابشرك بيخترعون " كيبورد " توصله باسلاك في جبهتك ( زي حقة تخطيط القلب ) وتصير تقعد قدام الجهاز وما عليك الا تفكر في الكلام اللي تبغى تكتبه وهو يكتبه بنفسه وكفى الله المؤمنين شر القتال ! )
روعة:):)

عبدالله الأهدل
11-06-2002, 01:20 AM
سهيل .... ماشاء الله عليك ..

طيب .... اشوفك كاتب صح الـ ظ و ض .. لا يكون اذيت المكاوي مرة ثانية ..

شوف بينى وبينك .. تعال معايه .................................... نفس مشكلتي
بس الفرق ان لما اتورط مأتصل على احد .. اقعد اكتب مره كذا وره كذا .. وتجي مادام النيه سليمه وانا اخوك .. كل يصير ... وبعدين احنا بنقراها على حسب نيتك ..

عندي اقتراح ... تجنب كل كلمة تدفعك لهذين الحرفين .. شوف الرديف .. تلحلح وين الجبهه ..

(( وصراحة اعجبني الحل الأخير لوجود الامكانيات فانا عندي جبهه من الممكن ان اركب فيها برج جوال )) امسكوا الخشب .. ماشاء الله عليك اكيد كنت تناطح تيوس .

والله ضحكتني .. الله يسعد ايامك ...

سهيل اليماني
12-06-2002, 08:47 AM
عارف الاحوذي ...

هات حل الهمزه ... العوض ولا القطيعه )k
----------

بنت البر

((( يا ولد امي وابويّه سهيل(اخوي الحقيقي ) ))) اللي فهمت ان عندك اخ اسمه سهيل ! بس ترى حقوق الطبع محفوظه !

__________

عبد الله الاهدل ( بدون دكتور ) )k

يا اخي مدري ليه افرح اذا شفت اسمك ... عموماً شكراً على نصيحتك .. وترى الوجه من الوجه ابيض لا يجي بعدين وتقولون لي ليه تغلط في الاملا :D:

د.غبي
12-06-2002, 09:47 AM
سأضل ممتناً لك يا سهيل وراظياً عن جهودك الرائعة !

سهيل اليماني
12-06-2002, 11:34 PM
الله يجبر بخاطرك يا شيخ :D:

الهلال
13-06-2002, 12:20 AM
وانا شرحوه :D:

سهيل اليماني
24-08-2002, 12:24 AM
لا زالت المشكلة قائمة :mad: ولم يتبرع احد بالحل حتى تاريخه :p
والخوف انها ايام ولاعاد اعرف افرق الرا (ز) من الزاي (ر) ..! )k

الزير سالم
24-08-2002, 01:40 AM
يالله لك الحمد والفضل والمنة..محدثكم كان بدون نقطة والآن صارت عنده نقطة zi:

قلنا لكم مِنْزَوِمَنْ اكتبوها (العربي) بالحرف اللاتيني c*

حاطب الزير بن سالم الليلي آل مجهوووول :D:

متفائلة
24-08-2002, 05:28 AM
عـــادة القوم ...

ما بعد .. متفاؤلة - متفاءلة - متفآلة - متفألة .. شــئ :)

صدق .. ولا تهون الهمزات .. :D:

لا وموضوع كامل ... وأظنه ما نفع .. ولا حرك ساكن ... ‍‍؛؛ (وافر الإحترام لأخينا بشبوش المبشبش ..:p )

الله ينفع بك .. وييسر خطاك ..

The best
24-08-2002, 06:00 AM
حسبي على الكيبورد اللي خرب لنا كل شيء

لكن يبقى عزاؤنا في جبهة سهيل اليماني

تسلم لنا من جبهة لها أكثر من استخدام

ويسلم راعي هالجبهة :nn

زايد الشوق
24-08-2002, 06:05 AM
اقول انا كنت اكتب إملاء كويس بس تصدق درست مادة في الجامعة اسمها
( التحرير العربي ) وكان يدرسنا دكتور هبل فينا وماعاد افرق احياناً بين الحروف ...


يعني اتوقع ان مصيبتك اهون من مصيبتي ....
وكما قال المثل ( اذا شفت مصيبة غيرك هانت مصيبتك )

لـــــــك وافــــــــر الشــــــكر

بشبوش أفندي
24-08-2002, 09:46 AM
*


بشبوش أفندي بالفراري الأبيض مر من هنا


وقف ........ طالع بإزدراء في الردود



حط الأول واعطاها تفحيطه مع ضحكه مجلجله تهتز لها الكروش


هع هع هاااااااااااااااااااااااااااااااااااي








)k


حنبوش كبندي :ss:

سهيل اليماني
24-08-2002, 10:56 AM
الريز سالم

اجل باللاتيني يا الزير سالم اتاتورك :D: ... العربي ويالله الخراج :p

ــــــ

متفائلة ...
شوفي ...
من وجهة (( نضري )) :D: المتكبرة ;) فإن اي واحد يختار اسم فيه همزة يستاهل ما يجيه :p
ـــــ

The best ...
كأني بك تتمنى أن يخرب الكيبورد جبهتي !

ـــــــ
زايد الشوق

صادق وعلى راي الشاعر ..
ليتنا وقت الحدث كنا نصيّف في ضواحي لندن ... كان صلينتا على الفايد وشيعنا جنازته )k

ـــــــ

بشبوش أفندي ..

تدري اني اكرهك ؟
اذا ما احد قالك قبل كذا فترى اليوم جاك العلم ... غير " جاك العلم " يوزري الثاني :D:

بن سعد
24-08-2002, 01:18 PM
كل الاخطاء الاملائية تهون
ولا الغلطة اللي يطيح فيها الكثير
وهي كلمة (( إن شاء الله ))
اغلب الناس يكتبها (( انشاء الله ))
مدري كسل عشان مايضغط او (يظغط) المسافة بينهم :)

عموماَ اخوي سهيل
عشان تنحل مشكلتك لازم الساخر يبتعثك كم شهر الى المدينه المنورة
خصوصاَ حي البخاريه عشان تحمد الله على النعمة اللي انت فيها :)

المجهوووول
24-08-2002, 03:17 PM
الحال من بعضه
لا تشكيلي ابكيلك
:)

متفائلة
24-08-2002, 08:40 PM
أصلاً ..

الشكوى لغير الله مذله ..!! :yh:












)k

المجهوووول
24-08-2002, 08:45 PM
وصلت متفائله شكرا لكي

متنبي
19-12-2002, 06:27 AM
بـــســم الله الـرحـمـن الــرحــيـم. الـموحي لـ ذي النـون .
عـلـى طـــه الـحـبـيب المـصـطـفـى صـلـى ولـي امـري

أما بعد :
اليماني الأصل والمنشأ والارتفاع سهيل

(ورغم وجاهة هذا الحل الا اني اصلاً ما اعرف اتكلم بلهجة اهل الحجاز ).
حسنا..!
شوف ياسيدي... الشكوى لغير الله مذله لكن ...!
كم مسلسل مصري شفت من يوم طلع التلفزيون ؟
كم أغنية مصريه حفضتها غصبن عنك؟
كم مسرحية ؟
كم فلم ؟
كم سعادة بيه .. ومعالي باشا .. وحضرة جناب عمده .. وشيخ غفر ..؟ مروا عليك في حياتك العربيه
أنا لاأشك أنك مواطن نزيه .. وأنك مثلي وبقية الشعب العربي المغلوب على أمره .
ولكن من منا ما يتكلم المصريه ؟ ..
أجل .. ليه ماتسيب الحجاز بحاله الله يخليك
المهم مو هذا موضوعي
الموضوع ياسيدي
حدثني المنسم خالد الردادي سراً ..بعد أن أخذ علي العهود والمواثيق اللي تكصم عصى الظهر .. إني مااعلم احد .
قال لي تخيل إني ابلش بام عصا والثانية
المهم ( كمان ) مالك بطوالها
بعد اكثر من سنتين قرأت له بيان يعترف فيه على رؤووس الأعضاء بالسر الفشيله

المهم ( كمان أيضاً ) اني وعشان تطلع بفايده من ثرثرتي عليك .. سويت زيك
بس هالمره بصلب الموضوع

نقلاً من قصيدة للمنتهي خالد الردادي

تـشـّربَـنـي شـعـور مـن الـسما بـنـت و بـيـاض ظـنـــون
وانـا شـاعــر واحـب مـن الـسحاب الابـيــض الـعــــذري

تـِسـائـلـنـي :
عـن الـبـعـض الـدفـيـن وذنـبـي الـمـكـنـون
وانـا يـا .. سـيداتـي ..انـســاتـي ..سـادتـــــي.. مــدري .!


تقول شلون..؟ واسألـنـي ..؟! واجـاوب : ماعـرف وشـلـون!!
كـذا جـيـت ..! وربـيـت.. بـلا هدف من صغري .. لـ كبري


كـذا ... جـيـت ولـقيت الــ ( و ) حـرف مـن الحـروف يـمـون
.. نـطـقـت ( الـضاد ) ظـاد بـظل عـصر و ضـلـني عـصري


سـألـت الـصـبح .. عـن لـون الـظـلام..؟ وقال لـي : هـالـلون ..!!
سـألـت الـلـيــل .. وش مـعـنى نهــار ؟ ... وقـــال لــي :

.
.


بـــدري ..!؟


.

لـعـنـت الـشعـر مـن قـلـب الـتـراب وصـحت يـا مـجـنـوووون
عـلـيـــك اللـــي عـلـيّ .. مـن المــلام ولامـعــك عــذري


أنــا الـجـيـــل / الغـريـر الغـافـل الـمـسـتـغـفـر الـمـغـبـون
أثــور مـن الـجـهــل والـلي يـغـوووص بـخـنـجــري خـصـري


وطــن / 200,000،000 -- اصـمـعـي.. تــحت اصــبـعـي مـدفون
عـراقـي ,, مغـربي ,, شامي ,, خـليجي ,, يـمـني، مـصـري..،، ..،،


تـهــجـّـيــت الـحدود .. ولا قريـت .. اظـلـم من الـقـانـون
عـلى كبـر الـدموع الـلـي .. بـعـيـنـي مـلـّنـي صـغـري :

.
مـواطن عـربي غـربي...غـبـي جـدا .. كِـبـرت بــدون :
مـلامح تكسر عـيـوب ومـرايـا وجـهـي الـمـزري )



سهيل اليماني / كان لي شرف المرور من هنا

تقبل خالص شكري مع تحيات الصديق الردادي

فاصلة-
البسملة أيضاً من القصيدة

الجبل
19-12-2002, 07:13 AM
أرسلت بداية بواسطة سهيل اليماني
والثانيه اني فكرت في بعض الناس ( من زود الانسانية ) اللي ماراح يشتغل معهم الجهاز ... لأنه يشترط انك تفكر قبل ما تكتب ;) .. يعني تخيلت الهلال موصل الاسلاك في جبهته ومرتز قدام الجهاز اربع ساعات يبغى يكتب والجهاز يقول بينه وبين نفسه .. اللهم لك الحمد :D:
)k

هههههههههههههههه
اضحك الله سنك

والله اللي اقتبسته ذا إلى الآن أضحك كل ماقريته

ثانيا جرب تكتب اليي يسترون عليكوخلهم يصححونلك
اقرأ قطع املائية فيها هالحروف


تحياتي الجبل

ALSRAAAB
20-12-2002, 02:33 AM
وينك يــا عصــمـــــان

كلامك مش مزبود يا راجل
الحاسب الآلي صار بالعربي كمبيوتر

<----وانتي مال امك قومي اخروووجي بررررا
-----------
ياليماني
عصمان = عثمان ---->ما تشوف لنا حل في مشكلة حرف الصاد
الأساس = الأثاث ---->ياربــــي
زالك =ذلك ----> ولا تنسى مشكلة ال- ذ-


أما عن الحل

سينفخ في البوق قبل ان يأتيك بالحل
اصبر ان الله مع الصابرين


تقبل تحباتي
السراب

احساس
20-12-2002, 04:26 AM
سهيل نقعت من الضحك على كلامك

اما احنا يبيلنا دروس تقويه بالهمزه
واكبر دليل على ضعفي في الهمزه
كاتبه اسمى احساس انسانه
بدون همزات
والظاهر بعد المفروض تاء التانيث باانسانه

:D:
تحياتى:
أأأأأأأأحساس أأأأأأأأأأنسانة

موسى الأمير
20-12-2002, 07:21 AM
يا سهيل ..

فيه أحد حلين :
الأول : فيه اختراع في الورد اسمه " تدقيق إملائي " ..مع ما فيه من ...
جربه وأكيد بتدلك السليقة ( حلوة السليقة ) للصواب ..
الثاني : ترجع تدرس من جديد - من الابتدائي - وهذا ( يظمن ) لك أحد شيئين :
الأول ( ولا يهون الثاني ) : أنك تتعلم زي أول على أصول .( للجادين فقط ) .
الثاني ( بعد ما (ظف ) ) وجهه الأول : تنجح الأول بالراحة ..

ولي الشكر ..

اثنين روح ،،