PDA

View Full Version : ولهان في لندن ( 1 ) - خاص للقراوى



ولهان-1
06-12-2000, 05:37 AM
--------------------------------------------------------------------------------

*عمتم صباحا ( يعنني مثقف ) 00!!
*قلت استغل الفرصه يالشيوووون واكتب لكم مذكراتي
اللي يسمعه يقول ( لويس الرابع عشر) من ذا لويس معليش طلع كذا
خبط لزق00قلت اكتب مواقفي للتوثيق وتعرفون اخاف اموت( بعيد الشر عني
وعن اللي مايواطنوني ) وتقولون فقدنا عظيم ماله مذكرات 00!!
*اليوم: الاربعاء
*مطار الملك خالد الدولي بالرياض
*الرحلة متجهه الى :لندن
*قبل اطلع من البيت كشخت بالبدله من الصباح وكل خمس دقايق اناظر هالمرايه تقول بنت عانس
خطبها بعير مضيع الطريق00مع ان شكلي يحوم تسبود البعارين00
المهم رحت للمطار الرحله الصباح وادخل الصالات المحليه ومن كاونتر الى الثاني النيه اني فاهم وماهنا احسن مني وانا دجاجة صقعا
00المهم وصدفه شفت هندي قلت هذي صاله اللي يسافرون لندن ( هندي الواحد ماينحرج منه ) قال بابا ايس كلام انت مافي معلوم
00جالدي جالدي من انا وانا كل اللي في بالي ان الشرطه فيذا البراح وعندهم جلد 00
ماعلينا وبعد طلوع روح وصلت للصالات الدوليه ( تقول يدور ضب في بر) مب صالة دوليه
00ركبت الطياره 00ولا احم ولا دستور طلع لي ذاك العله يقول تربط بحزامك 00المشكله ماعندي اعتراض
لكن وين فيذا هالحزام اللي صرقعنا فيه00ولولا اني شفت شغاله ( ترى ذا يقز مب سهل ) كان ماادري وش الطبخه 00
وثمان ساعات وانا اتخيل انهن تسعطعش سنه وتفاكير بلندن وآه من لندن 00
وصلت الطياره 00الناس داخلين في صالة المطار وانا في غرف الصيانه00اما انجليزيتي مال امها داعي
00صدقوني انجليزيتي مب تعبانه وفيها روماتزم بس الا مكرسحه 00المشكله من اناقة المطار ماتفرق بين الكاونتر ودورة المياه الله يعزكم00طبعا بعد جولة مثيره استغرقت الساعات في المطار
طلعت بحركات الاشاره00الله يوفق الزبير السوداني اللي في بقالتي ( بقالة الضب00للبسي والسفن اب ) من كثر مايأشر للزباين اكتسبت هذه المهاره ( ليش دبل كيك ) وصلت للفندق المتفق
اني اروح له وابلش من وين ادخل كل الواجهه قزاز وبعد كم صفقة اكتشفت ان قدامي حائط زجاجي ( زجاجي تذكرني بمرقة الدجاج ماجي)
منيب عارف ليش00المهم دخلت الفندق قال الجواز لو سمحت 00اعطيته كل الاثبتات بطاقة الاحوال00
وبطاقة التعليم وبطاقة البعارين والبطاقه الذهبيه حتى قلت له تبي حفيظة امي وتبعية الوالد قال المره الجايه( احسبني في تفتيش )
مب فندق00قلت قبل اروح للمستشفى لازم اتجول في لندن مب جاي اتعالج وبس 00طلعت للشارع وكل مامرت شقرا واناظر تقول اني ( اشوف مسلسل مكسيكي 8000حلقه) متهول مررررررره 00قلت انا راعي بعارين
وفرصه ادور بعارين اوروبيه 00والقى واحد اسمه جيرفان ( فهمت انه ابو دنان) قلت يالله من اخويانا ومعاه حنشل بعارين ( حلوه حنشل ثقافتي لايغركم اسبانيه) المهم بعارين غير شكل
00صفر وحمر خضر شقر فوشي 00وحنا ماعندنا الا ذا الشهب واللي قلبن من الشماي لبني 00بعارينهم عيونهن خضر ولهن رموش يطيح الناقه من الجبل00واتفق معهم واشتري لي حوالي اربع الاف رأس 0
( انتهى الجزء الاول )
*قريبا:
-الجزء الثاني
- سالفة المصور
- سالفة الحمام
-سالفة الساعة بيق بن
----------------
جدي النشمي00بووووو
وش اسوي ابيه عندكم مب في العام
عندكم اونس والشيون مجتمعين
..................( ولهان-1)




------------------
ان بحت لك بالحب مدري وش ابوح
وان قلت لك مدري فقلبي يحبك
يامالك فكري وقلبي وذا الروح
مايكفي انطق لك بكلمة أحبك
walhan_1a@hotmail.com

شاصي2000
06-12-2000, 06:18 AM
خخخخخخخخخخخخخخخخخخخخخخخخخخخخخخخخ
خخخخخخخخخخخخخخخخخخخخخخخخخخخخخخخخخخخخخخخ


لندن مره وحده منتب سهل

عفش مطلقه
06-12-2000, 06:18 AM
:) :)

------------------
==================
اقرب ماذون شرعي

النشمي
06-12-2000, 06:21 AM
<FONT size="5">ههههههههههههههههههههههههه

مع ان شكلي يحوم تسبود البعارين.....( ولهان-1)

ماجبت جديد :).... معنا علم :( :(

ياليتك تطيعن انقل هالموضوع للعام ياجدي ؟</FONT s>

------------------
اليوم عمل بلا حساب ... وغداَ حساب بلا عمل ... فاغنم يوم عملك ليوم حسابك

النشمي
06-12-2000, 06:39 AM
<FONT size="5"> تم رجف الموضوع الي مواضيع عامة ساخرة :)

القفوه انتم ... يابو سمير وانت يابو عجاج :)</FONT s>

------------------
اليوم عمل بلا حساب ... وغداَ حساب بلا عمل ... فاغنم يوم عملك ليوم حسابك