PDA

View Full Version : نفسي عزيزة



سيدلان باشا
20-07-2002, 11:15 PM
نفسي عزيزة ماتبي من ظلمني

ترفض صداقة كل خاين وكذاب


ماني غني ودنيتي طاوعتني

ولا صرت في يومٍ للأموال نهاب


على قدر حالي أعيش متهني

والحمد للي (من ترجاه ماخاب)


ياما مراسيل (الشوارع) دعتني

طردتها ما أعطيت رايي بالاعجاب


ماعشت في دنياي(أهيجن)و(أغني)

ولا همني (دسكو) ولا همني (راب)


غيري يقول ان الكرم بالتمني !

كل الكرم عنده سواليف شياب


وأنا الكرم شفته لبيته جذبني

ماقد حسبنا للمسايير بحساب


أبوي علمني إذا الناس جتني

أفرح بهم وأخلط سروري بترحاب


وإن كان ماصدقت مر امتحني

تسمع تراحيبي قبل فتحة الباب


كان الصداقة فن فالصدق فني

وكان الكرامة ثوب أنا عندي أثواب


مالي صديق إلا عزيزٍ فهمني

والشعر وأوراقي والاقلام وكتاب

جاك العلم
21-07-2002, 12:13 AM
.
كان الصداقة فن فالصدق فني

وكان الكرامة ثوب أنا عندي أثواب

والنعم...

والله يرحم أبوك حي والا ميت اللي رباك هالتربية...

صح لسانك...أبيات جميلة...مغلفة بِحِكَم...ودعوات سامية إلى مكارم الأخلاق...

.

المجهوووول
21-07-2002, 03:04 AM
الله الله والله كم اطربتني هذه الكلمات وهزت مشاعري

الف الف شكر وستين الف نعم

سيدلان باشا
27-07-2002, 12:56 AM
جاك العلم :
مشكور والله
وتسلم على كلامك
===
المجهول :

شكرا على الاطراء وتسلم والله
وشكرا مليون
===