PDA

View Full Version : العرب ماخلوا شي



ام الدهن ورقيط
09-09-2002, 03:36 PM
هذه من قصيدة المعلم والتلميذ للشاعر البحريني / عبدالرحمن محمد رفيع
من كتاب العرب ماخلوا شي


اليوم موضوعنا مكرور ذكره كم شاعر مشهور
قصه انمثلها كل يوم اوماشيه من اقدم العصور
بيت احمد شوقي الشاعر في قلب كل واحد محفور
قال :الله يرحم روحه يا طالب لا تكون مغرور
لين دش الصف استاذك قوم واقف يعني مشكور
بس الطلاب هاليومين تركو هالقول المذكور
ايجون الصف متضايقين كنهم داشين في قرقور
جالسين وافكارهم ضايعه مادري في اي سكه تدور
ولين سقطوا لامواالاستاذ ظالمينه مسكين معذور
كل يبي يصير دكتور وامخوخ اكثرهم كشبار
اولادنا اليوم مايدرسون ماخذين التعليم افشار
نط لي يوم طالب خنفوس يسأل:اش فايدةالدروس
ناس في السكه مستانسين والطالب في الصف محبوس
ليش ماتعلمنا في الحب اشلون انغازل وانبوس
والمفتش اعضم صياد عزرائيل من غير ميعاد
يهجم بالسيف المسنون كنه عنتر بن شداد
يرتعدون منه الطلاب ولاصف يتحول برآد
يسأل و الطالب مرعوب ما تنطق يا ابن الاجواد
عاصمتك شيسمونها؟؟؟؟؟ من خوفه جاوب بغداد
و يطيش المفتش ويصيح و يبلع ريقه الاستاذ
ويجيك التقرير ناشف ما فيه كلمه تسر الفؤاد
الله يساعد المعلم في بلادنا وفي كل البلاد
كل الناس تعتب وتلوم و المعلم و الله مضلوم
كل اسبوع الفين صفحه تصحيح من غير التعلوم
وطول يومه واقف يشرح لين ينشف منه البلعوم
لاتتكلم يا يوسفوه لا تتحرك يا جسوم
ليش مو حافض يا حضي اسكت شوي يا سلوم
وينطلك واحد راكد في آخر الحجره ويقوم
استاذ لو تسمح اتعيد الدرس هذا موب مفهوم
لو المسأله لين هني كان نصبر ونقول مقسوم
حاسدينه على كم دينار يبونا ندرس ونصوم
يا ناس ارحمونا يا ناس مضلوم المعلم مضلوم


انشالله تعجبكم :nn k*

abadi
09-09-2002, 11:46 PM
يعطيك العافيه اختي..ام الدهن

المجهوووول
10-09-2002, 04:42 AM
روووووووعه يا بعدي