PDA

View Full Version : ~ عن الورد و الدفا ~



حوّا
10-09-2002, 06:31 PM
________________________________
ملاحظه : نسخه أولى ما زالت في طور التعديل
________________________________
-1-

بكره يجي بكره ,

يقول لك تعال .


ضيعت أمسك تركض ,

تلاحق آمال .


خلك معاي اليوم ,

خلك تعال .


شوف ذي الدنيا كلها فيني ,

شريك عمرك - ثلاث ليالي - خليني .



-2-




Love me now
For I may
Not have a heart
To be loved another day


-3-

فتحت الباب لثعبان !

دخلته جنتي ,

" كن غلطتي ! "


و إطرد من جنتي إثنين ,

حبيبين ,

و خلي بينهم بين ,

- كبير كبير -

كثر ديرتين .



و قلت له كلام ,

ما كنت أعرفه ,

و لا هو يعرفه ,

و قال لي " تعالي " ,

" يا ريحة هلي تعالي " .



و يجي علشاني من بعيد ,

ما يدري قلبي حديد !

ينكسر بس ما يلين ,

من حبني مسكين .


لا تقول أحبك !

قل تعالي ,

قل دايم فبالي .


لا تقول أحبك !

تجرح فؤادي صدق ,

يحقق أمالي .



-4-

أنت ..

و هذي الإغنيه ,

و طاغي الشوق .


أنت ..

و صافي حب ,

جاي من فوق .



حتى المطر هل - في آب -

لما حبيتك ,

حتى المطر !


و الصخر – قلبي الصخر – ذاب

و صار هو بيتك ,

ما هو صخر !


ساير و تعبت من طيبتك ,

هدتني قولتك "إني حبيبتك " .


يتعبني الحب

يريحني سكوتك لما تشتاق لعيوني


يتعبني الحب

يريحني ضعفك بدوني


-5-

ما قلتها له "أحبك" !

قلت له " بكره أبنساك و إنساني " !

ما أقدر أقولها ... أقوى من لساني .




-6-

ما قلتها له "أحبك " أقوى من لساني ,

و قالتها عيوني يوم حط يده على فستاني .



قلت له " بكره أبنساك و أنت إنساني " ,

كل واحد فينا ينسى إنه قابل نصه الثاني .



رد لديرتك , و رد لي قلبي مثل ما كان ,

- حجر - قبل ما يقربه مثلك إنسان .


-7-

ساير و في دنيتي ما زال ,

بخاطري - ما إنقال -

عن الورد و الدفا لك ,

ألف موال .



________________________8 / 2002 م ____ حوّا

abadi
10-09-2002, 11:06 PM
روعه قصصيه ..

لك التحيه

(سلام)
11-09-2002, 01:32 AM
طور وحشية القصيدة

التي تخرج صادقة رغم قسوتها

رغم الحز في العنق والعميق جداً

هذا يدعوني لمعرفة ان السكين التي ذبحت كانت ممتازة الشحذ

وقاطعة النصل

ما اروع القصيدة التي تمثل كل ما يختلج داخلنا

لك من اخوك الصغير

كل التقدير
اخوك الصغير

سلام

المجهوووول
11-09-2002, 11:10 AM
رووووووووعه يا بعدي

ابو طيف
11-09-2002, 12:15 PM
هلا وغلا

منوره العذب

مشاركه رااااااااائعه

تسلمين على مشاركتك الجميله واسلوب الرااااااااائع فيها

تحياتي وتقديري لك0

==================