PDA

View Full Version : قلبها المجروح يبكي



محبة الخير
13-09-2002, 09:57 PM
كلمتني ، ما عرفت الصوت من كثر iiالعويل قلبها المجروح يبكي من غرابيل iiالحياه
ذكرتني ، وين كنا ، وكيف ماضينا iiالجميل يومنا طفلين نلهو ما درينا iiبالعناه
حبنا حبٍ طفولي ، طاهر ما فيه ميل بنت جيراني واختي والغلا في iiمنتهاه
وافترقنا ، ما عرفنا ، وابتدا درب iiالرحيل كل واحد في طريقه ، انتهى به iiمنتهاه
قلت ، وش يبكيك قولي ، ما ابي قال iiوقيل هاتي اللي صار واضح ،بالأساس iiومبتداه
قالت اتجّوزت رجلٍ ناقصٍ عقل iiوبخيل يحسبنه قد شراني عبدة والا iiاداه
دايم اطبخ له وانظف ، هدني ما في حيل ولو أبي الكسوة نهرني ما يبي حتى iiالعباه
ساهره فالليل وحدي ، وهو ساهر كل iiليل مع جماعة في استراحه كلهم طيش iiوسفاه
ولا رجع للبيت ريحه ، يقلب الراس iiالثقيل حط راسه ثم نوّخ ، ثم لقاني iiقفاه
خمس من عمري تولن ،عايشه ويل iiوويل والامل باهت بحالي ، لا عيال ولا iiبناه
قلت طلقني وعيّا ، قال هذا iiمستحيل القبر بيني وبينك لو تطول ابنا iiالحياه
اكرهه من كل قلبي ، صعب ما فيه iiتعديل لو احاول ما احاول صعبه العيشه iiمعاه
هذي اجمال الحقيقة دونما لفٍ iiوميل قللي برأيك شسوي كودي اظفر iiبالنجاه
مالي هالآيام غيرك لا قريب ولا iiقبيل ولا صديق ولا رفيق يمكن ادخل في iiحماه
قلت صبرك ، ثم صبرك فالصبر شي جميل ابذلي كل المساعي ، ونا اسعى في iiاتجاه
وابتديت انصحه كوده يمشي بدربٍ iiبديل ما استجاب ولا تجاوب لا ، ولا ربي هداه
وجت من الله دون غيره دونما عون iiودخيل طبّت الهيئه عليهم وانتهوا عند القضاه
وطلّقت منه البنيّه بعد ما بان iiالدليل وزوجّت رجل كريم واضحٍ من iiمبتداه



أخوكم :

محب الخير
:nn

abadi
14-09-2002, 12:32 AM
محب..


والله روعه كروعتك..



لك التحيه

ابومشعاب
14-09-2002, 05:16 AM
*** اخي محب
قصيدة قصصية جميلة ....

وفي رأيي المتواضع ان القصة اذا ( اوجزت ) في قصيدة بهذا الشكل تكون

القصيدة رائعة فعلا,,,

تقبل تحياتي...

حسين عبدالرحيم

ابو طيف
14-09-2002, 01:10 PM
محب الخير //

راااااااااااااااائع

مشاركه اكثر من راااااااائعه واسلوب جميل

تحياتي وتقديري لك0

============

محبة الخير
14-09-2002, 07:12 PM
عبادي
أبو مشعاب

أبو طيف

شكراً لكم جميعاً والله حمستوني ولا تحرموني من ردودكم

وأشكركم على مروركم

أخوكم :

محب الخير:nn