PDA

View Full Version : سـوالـف سـرابـيـه



ALSRAAAB
26-09-2002, 02:51 AM
السلام عليكم ورحمة الله وبركاته

رجال سحره
عندنا اعضاء في مجلس الامه اذا تكلموا تنسحر بكلامهم وتقتنع بكلامهم في واحد منهم كان شيوعي ايام الشيوعيه ولما طاحت الشيوعيه قال انا عمري ما تبعتهم 00وقبل كل انتخابات الناس تطلع من مجلسه مقتنعه بآراءه رغم انهم ما يرشحونه بالنهايه سموه الساحر لأن اسلوبه رهيب في الاقناع 00

منتديات ورجال سحره
عندي اخ يدش منتديات لكن قليل قلت له بوريك منتدى اتحداك تقدر تستكهم يتناقشون بحده وجدال ويتناطحون واذا قرات كل راي تقتنع فيه وما تدري من تتبع 00قال افا عليج انا احب هالسوالف والله اسكتهم واسكت ابوهم بعد 00وفتحت منتدى مقالات عامه ساخره ووريته كلامهم وقمت أقرأ له كل الردود وهو مستمع جيد ولما التفت وطالعت وجهه مت من الضحك00اخ لو تشوفون وجهه انطباعه كان يضحك وبعد ما شبعت من الضحك قلت له يلا تقدر تسكتهم قال : (بالمصري) هو فيه ايه مين ضرب مين 00 وقال هذول يقولون كلمات مدري منين يجيبونها0

الناس
طبعا الناس اجناس فيهم الصالح وفيهم الطالح وفيهم ما بين البينين00وطبعا في وقتنا هذا اختلط الحابل في النابل فصاروا الناس يسمون الممثل التافه اللي كل تمثيله سخافه ومضيعة وقت (بطل) اما المجاهد في سبيل الله (مجرم وارهابي)هذا مثال والامثله كثيره00
فمثلا الكذاب بو دم خفيف الناس تحب تجلس معه اكثر من الجلوس في درس ديني عقول الناس صارت فاضيه وقلوبهم مريضه وصاروا يحبون الضحك00

امس
امس رجعت البيت متضايقه من اللي شفته
ثلاث حوادث مره وحده اثنين منهم على شارع الاستقلال السريع باتجاه العاصمه وواحد بالسالميه00لكن الحمدلله كانت الحوادث بسيطه00
0خالتي مره ابتلشت بازدحام المدارس وصدمت سيارة مرأه صدمه خفيفه دعاميه بدعاميه طلعت لها ذيج النسره تهاوش تبي تطقها وخالتي من الخوف ما نزلت من سيارتها قالت لي مو لو داعمه رجال كان اهون وذيج تلعلع وتهاوش وتطق الجام تبي تشق خالتي نصين00والله ما الوم خالتي تخاف هذيج مصك وكشتها تخرع ومعضله (الظاهر تدق حديد) اما خالتي اقصر مني وعصله وصوتها ضعيف00 قلت لها انزلي تفاهمي معاها قالت لايحوشك هذي تقسمني نصين 00الزبده خالتي تجرأت وفتحت جزء من الدريشه وقالت لها : ترى كلها دعاميه بدعامه ما صار شي واللي تامرين فيه انا حاضره00قالت النسره : لازم تصلحين سيارتي
خالتي : انشاللله بس اشوف الحادث 00ونزلت خالتي من السياره وطالعت سيارة النسره ولا ما فيها شي وقالت سيارتج ما فيها شي اثاري النسره ما طالعت سيارتها بس هاوشت لأنها متعوده عالهوشات(كأنها ما صدقت) قامت وهاوشت خالتي لانها دعمتها وما فك خالتي الا تدخل من الرجال اللي ابتلشوا بالزحمه


اسفه طولت
تقبلوا تحياتي السرابيه مو الكمونيه)k

abadi
26-09-2002, 03:01 AM
احلى شيء القطوه والفار..

والكذاب ياسراب..
صار رجلاً ذا طموح رائع امام الناس..وحمار بارع امام نفسه..


لك اجمل تحيه

ALSRAAAB
26-09-2002, 03:06 AM
مشكور يا عبادي على سرعة ردك
اما عن الكذاب في رأي فهو انسان جبان ومنافق00

بنت البر
26-09-2002, 07:53 AM
وعليكم السلام ورحمة الله
حي الله بام السوالف:)

خخخخخخخخخخخخخخخخ ودي اسولف بس امعصي تطلع سالفة


ام سالفة خالتج(حمدالله ع سلامتها) مع النسرة <--مثلما تقولين :D:
ذكرتني ببنت مالقت مقعد .. بالباص فقلت لها تعالي جنبي فجلست جنبي ونظرت لي وصرخت (أأأأأأأأأأأأأأأأأأأأأأأأأأأأأأأأأأأأأأأأأأأأأأأأأ أأي)
فقمت انا اتلفت وانظر لها واقولها شبلاج عسى ماشر
قالت ريلي ريلي دسيتي على ريلي أأأأأأأأأأي
طالعت تحت فاذا قدمها بعيده عني وانا ما دست عليها _افكر واقول كيف تصارخ جيه مع ان ابد ملمست قدمها وحتى لو لمست ماظن اعورها -
وانا افكر واحلل بنفسي وهي لسه تصارخ

قالت كيف جيه..وين ريولج ووين انا !!!!!!!
سبحان مقلب الاحوال
ابتسمت قالت _تحسبتج دسيتي على ريولي:)
:mm: <--------------انا
)k <------------البنت

نفسي مفتوحة للسوالف بس مالقيت الضيحة هههههههه
ودي افتح موضوع شات )k
بس متروعة من احد يكشعه:fff:

بو سعد
26-09-2002, 12:26 PM
و عليكم السلام و رحمة الله و بركاته ..

على الاقل خالتك حرمة .. اذا ردت على الحرمة ما ينشره عليها ..

ذاك اليوم وقف سير السيارات .. و السبب ان السيارة اللي جدامي هاف لوري ( دينا ) صار الطريق ضيق عليها .. و ما تطلع الا لما يحط الجير على R و يرجع الطريق كله !!!

نزل المصري اللي يسوقها و قال لي لازم نرجع كلنا علشان اطلع من هالفريج !!

تورطت .. قلت امري لله ..

رجعت اؤشر للسيارات اللي وراي علشان يرجعون .. مو راضين !

كان عندي موعد طبيب .. و الناس مو راضية تفهم الوضع !

رجعت اكلم سيارة سيارة .." يا ابن الحلال ارجع الله يخليك لأن السيارة اللي جدام لازم ترجع "

كلهم طيبين و فهموا الكلام .. آآآآآآآآآخر سيارة فيها حرمة .. لا و ابشرك .. تجدم زيادة .. عناد !!

يوم شافتني اقرب .. قالت : و انتو شعندكم هني ؟ شنو قاعد اتسوون ؟ ( تصارخ )

قلت لها ووجهي كذا :mm: ان السيارات اللي جدامها ما راح تتحرك الا عن طريقها ..

قالت ما معناه : و الله اذيتونا !!

( طيب و انا شسويت يعني ؟ :we: )

هذيك كانت نسرة على مستوى .. تدور الهواش حتى مع الرجال !!

تحياتي :)

ابو طيف
26-09-2002, 03:18 PM
ههههههههههههههههه

عليكم السلام ورحمة الله وبركاته

:)

سوالف

سوالف جميله :)

يعطيك العافيه

تحياتي

======

ALSRAAAB
27-09-2002, 01:56 AM
بنت البر
:D:
صاحبتج العبت باعصابج ليش ما سويتي فيها مقلب يشابهه
وين راح دهاء المرأه

سوالفج لزيزه

--------------------------

بوسعد
الصج ينقال قيادة المرأه فيها مشاكل كثيرهd* اولها خروجها بكثره من بيتها ومنها اذا خربت سيارتها فهي معرضه للأخطار وما تدل الاماكن (ياكثر ماضعت)
اول ما سقت راجعه من سوق الكويت وبدل ما اروح لبيتنا دشيت بصبحان ومت من الخوف ورجعت لشارع الملك فهد السريع ولقيت سيارة شرطه ودلوني على منطقتنا(فشله) :fff:

السعوديه مازالوا بخير

شكرا لمرورك

--------------------------


شكرا لك يابو طيف والحمدلله على السلامه
والله يعطيك العافيه انت بعد

قوطي من غير غطاء
27-09-2002, 03:00 AM
قوطي مر من هنا :)

الزير سالم
27-09-2002, 03:02 AM
الظاهر فيه كم قصة انحذفت ..أعلن براءتي من ذالك :)

تيب خذوا هذه السالفة:
مرة من المراريت! كنّا نجربع ((يعني نصطاد جرابيع)) بالبراري أنصاف الليالي شديدة الظلمة والبرودة.....!

المهم كان عددنا تقربيا في السيارة الواحدة حوالي 6 أشخاص..طاردنا جربوع وأخيراً صدناه..وعندما ركبنا السيارة إلى وبسم الله علينا ذالك الشخص الأشعث الأغبر رثّ الثياب طويل الشعر ...ويطلب منّا نوصله معنا..قلنا له لا مافيه لك مكان .. ردّ علينا وقال الحين لكم 3 ساعات وأنتم مبهذليني...قلنا كيف...قال : ماغير تطاردون عيالي .!!! رمينا الجربوع عليه وقلنا له هاك وِلْدك!

مع عذب تحياتي للســــــــــرابــيـــات:)

سراب الليل
27-09-2002, 08:17 AM
السراب - بنت بر - بوسعد - الزير سالم
شكرا لكم على هالقصص الحلوة

قوطي من غير غطاء
27-09-2002, 03:26 PM
:)

ALSRAAAB
28-09-2002, 03:08 PM
حي الله القوطي اللي تدربح من هنا:)


-------------------------------
الزير سالم

والله قرأت مشاركتك بالليل ولما كتبت الرد فصل الانترنت وثاني يوم نفس الحاله
واليوم بعد فصل عساني اكمل

---------------------
سراب الليل


حياج ربي

ALSRAAAB
12-10-2002, 02:51 AM
اشلونكم













;)

الخشف
12-10-2002, 04:01 AM
والله ما ادري شقول ؟

اول شي وعليكم السلام
<---------- واحد نساي:confused:

خوش سوالف وباللهجه الكمونيّه الرايقه

بس ما فهمت شي من سالفة الزير ؟

ممكن شرح؟
:nn

ALSRAAAB
15-10-2002, 01:12 AM
يالخشف
اول شي حياك الله
ثانيا سالفة الزير واضحه الرجال اللي كلمهم طلع عفريت
ثالثا نبيك تسولف علينا سالفه من سوالفك

شكرا لك على مرورك