PDA

View Full Version : السعــــــودي والكويتــــــــــي



virgo_o
02-10-2002, 12:02 PM
قرأت هذه القصة في احد المواقع فأعجبتني وحبيت انكم تتطلعوا عليها ....
سعودي وكويتي
كان فيه سعودي وكويتي زملاء يدرسون في بريطانيا وبعد انتهاء فترة الدراسه قرروا يرجعون لاهلهم فقال الكويتي للسعودي قبل ماتروح للسعوديه تعال معي للكويت وبعدها رح للسعوديه فوافق السعودي وهم في الطايارة لرايحين للكويت دق اخوى الكويتي من الكويت وقال لاخوه ان جدتي توفت ............... ـ
فقال الكويتي لاخوه انا معي زميلي من السعوديه وعازمه فلاتقولون له شي حتى ما يضيق صدرة ولا احرجه نصلي على الجنازة وكنها لاحد من جماعتنا لما وصلوا وصلوا على الجنازة وقعد السعودي له مدة في الكويت اعجب بنت جيران الكويتي وقال لزميله اني ودي اتزوجها فرح الكويتي وقال انا مستعد اخطبها لك وفعلا خطبها له وخبر السعودي اهله وسوو الزواج ورجع السعودي لديرته وبعد مدة طويله كبرة تجارة السعودي وطلع تاجر وغني والكويتي خسر كل امواله وتجارته فقال مالي الا اروح لصديقي السعودي اكيد بيساعدني وفعلا راح للسعوديه وهو منتظر شوفه زميله بفارغ الصبر لما سال عنه ووصل لبيته صار مو بيت صار ساكن في قصر وتاجر وكان الوقت متاخر فقال للبواب قل لراعي البيت ان زميلك من الكويت فلان بن فلان عند الباب وانه محتاجك مرة مرة وان حالته كذا وكذا وبعد مارجع البواب عطى الكويتي فضلة عشى السعودي تخيلوا ...............................ـ



فضاق صدرة الكويتي وقال هذا جزاء الصداقه المهم وهو راجع رجليه في الطريق لقى رجالين (من رجال الاعمال) يتراهنون على مليون اللي بيجيهم الاول بيعطونه المليون وكان من حظ الكويتي انه هو اللي جاهم الاول واخذ المليون وتاجربها في السعوديه وقبل ما يرجع للكويت لقى عجوز معاها بنت وقالتله العجوز ابي اخلي البنت عندك واروح احج اذا مارجعت تزوجها وخلها عند اهله ولما طولت العجوز عقب الحج اتزوجها وسوا حفله الزواج بالكويت وفي اثناء الزواج وكان من ضمن المدعوين زميله السعودي ................................. ـ

لما شافه الكويتي غضب
وقال للحضور اطردوه هذا خاين العشرة والصداقه تخيلوا انه لما جا معي للكويت وكانت جدتي ميته ما علمته عشان مايضيق صدره على وخطبت له بنت الجيران اللي كانت في الاساس خطيبتي وفضلته على نفسي ولما جيته محتاج عطاني فضله
عشاااااااااااه

تدرون وش قال السعودي....؟؟؟؟؟؟؟؟؟؟؟؟



قال اسمعوا واحكموا علي ...............انا يوم جاني الكويتي وهو محتاج ماحبيت اشوفه على حالته هذي عقب ماكان تاجر وكبير اشوفه صغير ومحتاج واتفضل عليه بشي من عندي عشان كذا عطيته فضله عشاي

وبا النسبه للتاجرين اللي متراهنين على مليون هذولي اخواني انا مروحهم له عشان يفكون ضيقته



اما با النسبه للعجوز اللي معاها البنت فهاذي امي والبنت هذي طبعا اختي فويش رايك ما احضر زواج اختي......

البدر
02-10-2002, 12:07 PM
قصة درامية رائعة،ياليتني مخرج يا virgo_o
هههههه كان سويتها مسلسل ولا مسلسل الحج متولي.
أحسنتي والله حلوووه.

دلوعه الانترنت
02-10-2002, 02:47 PM
a* a* a* a* a* a* a* a* a* a* a* a* a* a* a*
حلوه مره
تحياتي وتقديري
دلوعه النت

نـــور
03-10-2002, 12:07 AM
يااي قصه رائعه تعبر عن روعه كاتبها......
هذى الصداقه ولا بلاش بس عقب رفع ضغط وحاله........

abadi
03-10-2002, 12:32 AM
والله قصه روعه..

تسلسلت بأسلوب رائع..

الله يعطيك الف عافيه..

ALSRAAAB
03-10-2002, 02:58 AM
القصه هذي متغيره
انا دائما اسمعها من امي
هذي قصه قديمه وابطالها سعوديين فقطهذا سعودي راح للعراق وعاش فيها وهناك رزقه الله وكان عنده جيران وحب بنتهم وخطبها ولما بغوا يملجون مات ابوها واجلوا الملجه في الوقت هذا حضر صاحبه السعودي وكان حاده الفقر وذبح له الذبايح وما علمه عن العزا وبعد فتره صاحبه صار ما يقدر ينام ولما ساله ما علمه الا بعد اصرار منه فقال له انا حبيت بنت جيرانك وودي اتزوجها فقال له اخطبها لك ولا يهمك وراح لاخوانها واتفق معهم انهم يخفون سالفة الخطوبه وحلف البنت بانها ما تقول له مدى الحياة وقال لهم ان خويي هذا اطيب مني00
ورجع الخوي للسعوديه محمل بالهدايا والبعارين والخير الكثير00ومرت الايام وصار غني وعند قصر وخدم وحشم اما هذاك اللي بالعراق صابه الفقر فقال مالي قعده خلاص برجع ديرتي 00ورجع وهو كله امل ان يساعده خويه فراح له واستقبله خويه استقبال عادي جدا ولا ذبح له وقال يافلان ابي ادليك السوق وهناك يرزقك الله 00فطلع من عنده زعلان ومشى الي ان وصل الي بيت مهجور وقعد فيه وبكى بكاء شديد وفجأه سمع صوت رجلين وهم سمعوه فمسكوه وكان معهم صندوقين كلهم كنوز وقالوا له احنا حراميه ورح نقتلك اذا علمت علينا فقال لا ما اعلم عليكم فقالوا احرص على الصندوقين وحنا رح نجيب الصندوق الثالث واذا ما رجعنا يعني امسكونا وراحوا وما رجعوا فصاروا الصندوقين له وصار غني وبنى قصر قريب يم خويه ولما انتهى بنيانه جت له مره عجوز ومعها بنتها وقالت حنا ذبحنا الجوع ما تشغلنا عندك فشغلهم وعمل عزيمه كبيره وكان خويه بين المعازيم فقال لهم بقص لكم قصتي فقص كل القصه وقال لهم الشخص هذا بيننا موجود فقالوا من هذا فتكلم الخوي وقال انا ثم قال انت خليت المبلم يتكلم وقال له ان الحراميه اتباعه وهو اللي ارسل الكنز له وان المره العجوز امه والبنت اخته واذا تبيها ترى بملج لك فتعانقوا وفرحوا وفرح لهم الجميع وتزوج اخت خويه وكانت جميله اجمل من خطيبته الاوليه 00

برواية الوالده

فلورة البلورة
03-10-2002, 03:17 AM
تسلمين عالقصة الرووووعة

The best
03-10-2002, 04:52 AM
انا عندي قصه ثالثه
بس مالي خلق اكتبها اصابعي تعورني

تسلمون على القصص الحلوه بس بحاجه الى حبكه شويه