PDA

View Full Version : اللي يتحدا ..........يدخل ويجرب !!!!



الخشف
09-10-2002, 12:11 AM
اخواني الاعزاء

والله لا اقصد بالكلمات التاليه تحدي بمعنى التحدي

وإنما هو نوع من الإثاره لإظافة جو جديد على هذا المنتدى

وهو لفئة معينه من الناس بقصد المتعه والتفنّن

واهلاً بمشاركة الجميع.




هدّيت طيري بخاطرٍ مستكيني
....................... همّـه على جزل الطرايد تغدّا



هـذا كلامي للفهيـم الرزيني
....................... اللي على نظـم القـوافي تحـدا


أبغى من الشعـّار منهو يجيني
...................... ويحسب حساب الخشف لايوم هدّا


ترى كلام المدح ما هو مكيني
...................... ولا يجيب الـراس ويوصل معـدّا


أنا بحـر للشعر والقـاف فيني
....................... سـد سـديـد واقـفٍ له مسـدّا


خشفٍ تحدا زابن(ن)له حصيني
....................... سيف الشعـر بأيديه ما يوم صـدّا


يا ما هديت الناس قاصي وقريني
....................... ومحـدٍ هداني القاف وأقول مهـدا



ما اقصـد بها تعجيز ولا مهيني
....................... قصدي اوعي عقول بالساخر تـردّا




اتمنى النقد قبل الرد وقبل لايصير فيها=============((طرد))
*b *h

الخشف
10-10-2002, 11:39 AM
افاااااااااااااااااااااااااااااااااااااااااااا والله افااااااااااااااااااا

الظاهر اني طحت على صخر

افاااااااااااا

وين اهل القصيد
وين اهل الشعر*e

رومانسي
10-10-2002, 11:47 AM
ما اقصـد بها تعجيز ولا مهيني
....................... قصدي اوعي عقول بالساخر تـردّا:mm:




:fff:

الخشف
10-10-2002, 03:31 PM
هلا بالغالي رومانسي


انا قصدي الجميع يشاركون لو ببيت شعر

أو قطعة نثريه

أو اي شي يطري على البال

لكن الظاهر ان الشباب والصبايا فهمو غلط*c

المجهوووول
10-10-2002, 06:35 PM
مية هلا بالخشف واللي يبيني*** جيتك بحر تيار يرجف بيدّا
أنته جنين القلب وأنته ضنيني*** وانته اللي على هالناس مبدّا
احذر يصير القاف بينك وبيني***جنب طريقي اليوم والا تعدّا
ترى شيطان شعرك توّه جنيني***وانا ابليس شعري أبوه وجدّا


يا الخشف شفت محد قربلك وانته لحالك قلت احفز الشعّار يمك بس
والا أبياتي ماهي بملاقاة لك يا بعدي:)

صوت من غير صدى
10-10-2002, 10:34 PM
0
اسعد الله مساك اخي الغالي .......... الخشف
ان فهمت معنى الموضوع .. وادركته مفاهمي ... لك تلك اللتي لم تتجاوز خطك واحرفك ... فقبلها مني ... ولا عاد اتحدا :)





جيتك ملبي والشعــر منك وفيني
........................ لبيت قافٍ مـن اعمـاقي تحــدا
مدحك القلب والشــوف والعيني
........................ واليوم قافي على خطك تعــدا
خشفٍ ولي صوت يكسر عناويني
........................ صوتٍ كسربي اعماقي وعــدا
للظلمه نــور وللشعر فارسيني
........................ للبحر موج وللقلوب احيان صدا
قافي واعرفه ما يحـب المستكيني
........................ يرقى وعلى روس الافاضل تعدا
اجيبـه يمين وتضحك بـه يميني
........................ والعب معه جِب وهذا الحين ودا
وارقص على اللحان الوجع بيني
........................ يوم اقلّبه بحرفي "حربـدا حربدا "
هذي حروفي وهذي هي عناويني
........................ انتظر ردك او لا عــاد اتحدا



كل الحب والتقدير والاحترام .......
تحياتي ,,,,,,

الخشف
12-10-2002, 02:36 AM
الغالي المجهوووووووول


والله دريت انك كفو وقدهاa*

هقوتي بك والله ماراحت بلاش

وتراني انتظر الجديد منك

قلمي قاعد يتفلت على الورق:p

الخشف
12-10-2002, 02:39 AM
الغالي: صوت من غير صدى

العين ما تعلى على الحاجب

وانت ابو القصيد

وترى انا واحد من تلاميذكa*

واتمنى اكون عند حسن ظنــّك



وتراني بانتظار الجديد*a

THUNDER_SS
12-10-2002, 11:56 AM
ماشاء الله تبارك الله ..

الخشف .. أحسنت وأبدعت .. صح لسانك وسلم بنانك .. a*

مجهول ، صوت من غير صدى .. متابعتكم متعه ، وطيب حرفكم روعه .. :kk

للجميع .. عاطر التحيه وصادق الود ... :)

الخشف
13-10-2002, 01:41 AM
THUNDER_SS


هلا باهل الشمال هلا بريحة الحبايب