PDA

View Full Version : أحلام يقظة



زهر البنفسج
17-10-2002, 03:08 AM
" ف " ليلية من الليالي اتوجهـِت للنوم
فوق وسادتي راسي وضعته
واغمضِت عيني
ظنيت اني من كثرالتعب
أغفي...
وأحلامي في عز النوم
تاخذني .. وتوديني
ويامحلى الحلِم لي صار
حقيقة ..
في وسَط لـِنْـهار
تسطع كالشمِس والغيم
مايقدرأبد
يحجبها في طيات لسنيني

لكن !!
لكن حاربـِتْ للنوم
عيـّتْ تغمض جفوني
بس غصبا عليها
غمـّضِتـْها
لني بعنادي ..
ترى أهلى يعرفوني
وبلحظة!!
لقيت انّي تخطّيت الزمن لبعيد
سنة ...
سنْتين ...
أكثر..والمسافة تزيد
لقيت انّي كبرت سْنييييييين
وصرتِ إنتِ في العشرين
قمرة
في الحسن والزين
والنجمات ..
يعيوني حواليكي يغنون ِ
لقيتك لابسة الفستان لابيض
اوراسك ..
زيـّـنه الإكليل
والكل من حواليكي
بالتكبير....
والتهليل ....
يصلوا عالنبي الهادي
وبزْفافِك يهنوني
.......
لقيتك وردة في بستان
مليان بورود..
أشكال
والوان ِ
بس مثلك أبد لا ما أظن ربي
خلق من هالورد
ثاني
إنت غيييييير
إي واللللللللله إنت غير
إنت بدفترك مكتوب
عنواني
إنت ناظري
وانت !!
إنت دمّي اليجري بشرياني
وانت قطرة الميّة اللي في حر الشمِس
تبقى ترويني
.......
ومازالت عيوني مغمضة وْأدري
لو أفتح عيوني ينقلب حالي
وترجع هالسـّنين اللي
تخطيت بخيالي
وسافـَرِتْ
لبعيييييييد
وأعرف إني للواقع
...أبرجع
أدري انّه الحـِلـِم ..لا
ما إله تخليد
بس قبل ٍِ أفتـّح عيني
ياعيني
خذي مني هدية فرحتك
يافرحة سنيني
بين ايدك ..
بين ايدك كتاب اللي كتبت
آنا بْـفرح ..
وبْـشوق ..
وبـْـلهفة ..
كل لحظة معي
ياعمري عشتيها
بتلاقي بعد كل دمعة من عينك
على خدك
ذرفتيها
بتلاقي ابتسامات الفرح
متسجـْلة
بالساعة
او باللحظة ....
وكل ضحكة بعد!!
إنتِ ضحكتيها
او من خصلات شعرك
مانسيت اقطع
خصلة صغيييّرة
والزقها بكْــتابك
حتى لـَيْ كبرتي
يابعد عمري تشوفيها
بتشوفي بعد بصمة أصابيعك
من عمر الشهر ... طاااالع
وبتشوفي أظافيرك
من ذيك الأصابيع
الصغيروووونة
أصابيعك ...
تعرفيها؟؟!
بتلاقي كـُرُوت الورد
وكـْروت الهدايا
مسجل التاريخ
فيها ..
كـلـّها ..اقريها..
فيها ريحة آلامي
وكل لحظة تعب عانيت
حتى انتي تجي للنور
يانوري
وياشمعة وجودي
جرْبي شميها..
وبتشوفي بعد أول خرابيشك
وأول مرة مِسْكَت
فيها أقلامك .. أصابيعك
رموز انتي كتبتي ..ماحدن
أبـْدا قدر يفهم رموزك
غيري آنا !!
حان وقت انّك تفكيها
وبتلاقي كثير اشياااااء
دوّنها القلم
في كلّ لحظة او
كلّ ساعة و
يوم
حتى لـَيْ جيتي قريتيها ...
تعيشيها
بس الللللله الللللله
الأمانة
لا لتنسيها
لا تنسين ليل اللي سهرته
وانت محمولة " ع " كفـّيني
لا تنسين ليل اللي سهرته وْ
ورْمتْ عيوني
لا تنسي في تالي الليل
كم كنا... بعيدٍ
عن عيون النايمين
آنا أناغيك
وإنت ياحشى قلبي تناغيني
أضمك ...
أرضِـعِـك
وانت بياديكِ...
تضميني
لا تنسين دمي اللي
سقيتك
قطرةٍ .. قطرة
مِن ِ قـْـليبي...
ومن صدري...
ومن عقلي...
من احساسي...
من ايماني ...
من افكاري...
وكل ماتملك ايديني
.....
صار الوقت يمّـى أفتح عيوني
يمكن أفتح عيوني
وبكرة !!!
وبكرة الموت ياخذني ....
ياخذنيَ الموت بعييييييد
قبلٍ افرح بعرسك
اوقبل آشوف أولادك
يجدّة ...
كلـْهم
ايجوني ...
ينادوني
كلميهم يبعد امّـك
عن امّـك
خبـّريهم كم
كنتي ناظر عيوني ؟؟
وكنت شمعة تهديني ؟؟
وأبـْداٍ يالحبيبة
دوم ذكريني
ذكريني
لتنسيني

المجهوووول
17-10-2002, 06:48 PM
<div style="width:100%;filter:glow(color=#C8B676,strength=6);c olor:#535736">
<font face="Simplified Arabic Backslanted" size=4>
رووووووووووووووووعه</font>
</div>

THUNDER_SS
18-10-2002, 04:57 AM
زهر البنفسج ..

السلام عليكم ورحمة الله ..

جميله جداً .. ! مدهش هذا العطاء ، نص رائع قاسمتنا اياه .. ان تتنقل احرفك متوقده بكل تلك المشاعر .. ان ترسم لوحه رائعه تناغمت الوانها حتى بهرت العين بجمالها .. !!

وافر التقدير والأحترام .. :)
للروائع ..

البيت المهجور
18-10-2002, 04:10 PM
زهر البنفسج


...........هل هناك كلمة لتوصفها؟؟؟؟؟؟؟؟؟



أجدت.......فأوصلت المعنى.....
وبوصوله ؟؟أبكيت القلب....




أتطلع بلهفة وشوق..لجديدك
وروائعك........

لا عدمناك....

زهر البنفسج
18-10-2002, 07:10 PM
اخي المجهول
أنت أرررروع


زهر

زهر البنفسج
18-10-2002, 07:12 PM
THUNDER

لك وافر الاحترام
وشكرا على التواصل
هلا بك

زهر

زهر البنفسج
18-10-2002, 07:13 PM
البيت المهجور

أخجلتمونا
لا عدمنا تواصلكم

والله يقدرنا
ونكون عند حسن ظن الجميع

اختكم زهر

وردبن البنفسج
24-10-2002, 01:39 AM
كلمات معبره000000
بصفتي ورد البنفسج أحيي زهر البنفسج
أخوكي ورد

زهر البنفسج
07-01-2003, 12:38 PM
حياك الله ياوليدي
بس ترى هذي القصيدة موفيك
في اختك
لا عدمتكم


==> صدقت حالها المرة

لا بجد أشكر تواصلك
وأعتذر عن تأخري في الرد عليك
انقطعت فترة عن النت
تحياتي لك
زهر