PDA

View Full Version : انا قصة عذاب اكبرمن اللي عاش مــأســاتي



مخمليــة
22-10-2002, 09:48 PM
انا من جيت للدنيا يتيم وخاطري مكسور
عرفت اليتم في صغري وسكن في وسط نظراتي
تلبسني ولبسني ثياب الغدر والمغدور
غدا يمشي معي ظلي وانا أخفيه بسكاتي
قست في حقي الدنيا سنينٍ وأ لحقتها شهور
وحيدٍ تايهٍ مدري000أجمع باقي شتاتي
انا الوحده وانا الحرمان انا كل الأسى و الجور
انا قصة عذاب اكبرمن اللي عاش مأساتي
انا اللي ماعرفت أمي وجربت الحنان شعور
ابد ماقلت يا يمه سوى كلمه بكتاباتي
بعد اسمي يجي اسمه ابوي ويلحقه مغفور
توفى قبل ما أشوفه وبقى اسم بملفاتي
انا من هو فقد عمره قبل عينه تشوف النور
عطيت الحزن من حزني وجزع من كثروناتي
انا من ذاقت حروفه همومٍ والهموم بحور
انا الر! بان و المركب دروب الحزن موجاتي
انا اللي تنزل دموعه اذا شا ف اليتم مقهور
احس بشئ عايشته رصيدي فيه خبراتي
يقولون الطفل يبكي ويلقى للحنان صدور
واقول مدري وش الداعي أ بسأل فيه عماتي
ويقولون الطفل فرحه و ينثر بالمكان سرور
وأقول مدري وش الفرحه غريبه يمكن آهاتي
ويقولون الطفل ورد و رياحينٍ بعد وزهور
وانا ودي اصدقهم000وأجرب مره في ذاتي
ويقولون الطفل بسمه يجي العالم لها مسحور
وأدور بين بسماتي ولا أ لقى غير عبراتي
رجعت لدفتر الماضي افتش عن فرح وحبور
نظر لي دفتري نظره0وقال أكتب به وصاتي
تذكر ما مضى يومك صغيرٍ مع ثلاث بزور
تلحفتوا سماء ربك و أرضه لك مخداتي
يمر العيد من حولك تطالع به ، نعم مبهور
تنازع فرحتك رغبه تدورها ولا تاتي
تبي حضنٍ يضمك شوق ويبني لك هواه قصور
و تبي كفٍ تقبلها ابد من بد الأمواتي
وتبي رأسٍ تحبه فوق حبه لك زمن ودهور
ابوي00ابوي00يابيي00كتبتك اجمل أبياتي
ورجعت لدفتري و أعلنت انا الكاتب انا المذكور
انا اللي من شقا عمري عطيتك اسعد اوقاتي
دخيلك لا تحاسبني على ما جا وفيه قصور
دخيلك دفتر أحزاني0كتبت فصول مأساتي





الشاعر : .........

abadi
22-10-2002, 10:54 PM
مخمليه رائعه بكلمات ذات جمال لا يوصف..

مخمليه الف شكر على تلك الرائعه وتقبل شديد اعجابي بها..

لك اعذب تحيه

رقصة النار
22-10-2002, 10:57 PM
أخي أو أختي مخملية

رائع ما عبرت عنه وما هو إلا دليل على ما يكنه قلبك من حزن وألم وحرمان

موفق
رقصة النار
____________________
ليس كل ما يتمناه المرء يدركه
تجري الرياح بما لا تشتهي السفن

بسيط
23-10-2002, 01:26 AM
الكريمــة // مخمليـة

ألف شُكرآ لهذا النص الرائع00


هذا النص // تـتكرمي بذكر أسم صاحبة

دُمتي بصحـة وعافيـة

المجهوووول
23-10-2002, 02:53 AM
روووووووووووووووووعه

شيهـانه صقـر
23-10-2002, 04:43 AM
صح لســــــان القــــائل والنـــاقل
مشكـوره على اللوحـــه المخمليــه الجذابــــه وسلمت يمينـكِ

تحياااااتى ،،،،

اختك شيهاانه ،،،

اخر رسالة
23-10-2002, 11:49 AM
قصيده رائعة .... مبكيه

وكما قالت اختنا (شيهـانه صقـر)
صح لســــــان القــــائل والنـــاقل

والله يعطيك العافية

ابو طيف
24-10-2002, 01:10 AM
روووووووووووووووعه

اختياااااااااااار جميل

يعطيك العافيه

تحياتي اختي مخمليه
====

مخمليــة
24-10-2002, 03:47 PM
السلام عليكم ورحمة الله وبركاته ..


اشكر كل من شرفني بحظوره وبطيب ردوده ..



خالص شكري وتقديري للجميع

محمد الشدوي
23-12-2002, 10:13 PM
لم أساهد هذه القصيدة الا الان
اسفي اني اتيت متأخرا
هي فعلا رائعة
هنا اقف لاحيي هذا الألق
اختي الكريمة
دمت بخير

بقايا طفل
23-12-2002, 10:49 PM
الأخت / المخملية

ابيات رائعة ومؤثرة لحد البكاء

شكرا لك على هذا الاختيار الرائع ...

وتقبلي تحياتي

عاشق الجوري
24-12-2002, 07:20 PM
مخمــليــه
قصيده مؤثره تستاهل القراءه وتسجيل الاعجاب،،،
سلمت يداك ،،،
تشرفت بالاطلاع عليها ،،،، تقبلي تحياتي