PDA

View Full Version : سوالف سرابـــيـه (3)



ALSRAAAB
20-11-2002, 08:44 PM
ام محمد



كنت اصلي التراويح في البيت العتيق وكان الامام السديس الله يغفر له ويغفر لنا اجمعين هو امامنا وكانت على يميني تصلي ام محمد ومعها اطفالها وبعد كل ركعتين كنت اسمعها تتكلم مع اطفالها بلهجه مصريه وسعوديه في نفس الوقت
فسالتها انتي من سكان مكه قالت : ايوه انا اسكن مكه من 17 سنه فسالتني انتي من فين فقلت لها من الكويت

فكبر السديس الله يغفر له

وقمنا لنكمل التراويح وبعد الركعتين سالتها عن وظيفتها فقالت فراشه في مدرسه وسالتها عن وظيفة زوجها فقالت الله يرحمه توفى قبل سنه ونصف تقريبا فسالتها عن راتبها فقالت 700 ريال بعد الذل احصل عليهم فقلت لها ليش الذل قالت مديرة المدرسه تعطيني الراتب وهي مكشره بوجهي وتراقب تنظيف للحمامات وتخليني اغسل الحمام اكثر من ثلاث مرات اما المدرسات متكبرات علي ولا صدقه ولا احسان رغم انهم يعرفون اني ام للأيتام اذا صارت حفله في المدرسه وتنوعت الاطباق ينادوني عشان اخذ الفضله فلا تهون علي نفسي ولا اخذها ومره سمعتهم يتكلمون عني ويقولون ما عليكم منها تدعي الفقر وهي على قلبها فلوس كثيره في البنك
فكبر السديس عساه من سكان الجنه
وكبرنا بعده وبعد الركعتين سالتها عن ايجار بيتها فقالت 300 ريال فتعجبت امرأه تعيش هي واطفالها الخمسه على ما يتبقى من الراتب 400 ريال قلت لها : ما تكفي لمدارس عيالج اشلون تاكلون00 قالت اللحمه ناكلها من عيد اضحى الي العيد الاضحى اللي بعده بالسنه مره وقالت لي : جئت للحرم لأن البيت فاضي من الاكل فجئت اخذ فطره حالي حال الفقراء لكن عيالي مو راضين ياخذون شي عزة نفسهم تمنعهم وانا بعد ما حصلت شي غير ماء زمزم 0000
هالمره كبر الشريم الله يغفر له
وبعد التراويح قلت لها يا ام محمد عندنا في الكويت شيء متعارف عليه اي احد يتوظف وظيفه جديده لازم يكفل يتيم او يعمل استقطاع خيري ليبارك الله له في معاشه فقالت الله يعز الكويت والكويتيين هنا بالسعوديه الناس بخلاء فقلت : لا مايصير تحكمين على 17 مليون بالبخل انتي غلطانه بالعكس السعوديين مثل الكويتيين كلهم خير وبركه اهلنا عاشروهن ايام الغزو العراقي وشافوا منهم كل خير انتي بس طحتي بشلة متكبرات وبخيلات فقالت صحيح فوعدتها ان ارسل لها ما تيسر اذا رجعت الكويت وقلت لها اعذريني سبحان الله يمكن تمنعني الضروف عنج00 فقالت :في أخت كويتيه قالت لي نفس كلامج ووعدتني من سنه انها ترسل لي شي وما ارسلت فقلت: التمسي لها العذر يمكنها توفت والله اعلم ويمكنها نست00 فاعذريني يا ام محمد الغايب حجته معاه 0



مارلبوره - روثمان - ميرت - ال ام - دفيدوف- دنهل

ادري تبي تقولون ان السراب حافظه كل انواع السجاير اكيد تدخن ;)
الله يكفيني شرها 00

اخواني المدخنين تأملوا الحديث النبوي هذا يمكن تتركون التدخين :
عن ‏ ‏أبي هريرة ‏ ‏قال ‏
‏قال رسول الله ‏ ‏صلى الله عليه وسلم ‏ ‏من ‏ ‏حسا ‏‏ سما فسمه في يده ‏ ‏يتحساه ‏ ‏في نار جهنم خالدا مخلدا فيها أبدا

وحسب معلوماتي ان السجاير فيها اكثر من اربع الاف نوع من السموم
وعلماء الدين حرموها من باب قتل النفس وقالوا عنها انها انتحار بطيء هذا غير الاضرار المرضيه والماديه والاجتماعيه الناتجه عن التدخين
*المدخن ما يصلح ان يكون قدوه حسنه لعياله
*350 فلس في اليوم ولمدة عشرين سنه احسبوها ورح تتعجبون
*المدخن انسان مريض
*المدخن غير منتظم في نومه مره ارق ومره نوم
*المدخن عصبي
*المدخن ممكن يطفي سيجارته في اي مكان بدون مراعاة للنظافه وبمعنى اخر هو مهمل ولا مبالي بشعور من حوله0
*المدخن مريض نفسي يحتاج الي علاج غير انه مريض بمرض عضوي
*المدخن سفيه والسفيه هو الانسان الذي يسرف امواله ويبذرها 0
*المدخن الله يكون بعون اهله 0000الخ





استعباط في استعباط

يا شين الاستعباط واللعب بعقول الآخرين يما صادفت في حياتي اليوميه حركات استعباط اذكر منها هالموقف اللي صار لي

* كنت في صالة افراح والناس اكثرها تغادر العرس لما يشوفون العروس والمعرس 00دخل المعرس الصاله ودخل معاه اكثر من عشرين واحد لا حول ولا قوة الا بالله كأنهم ما سلموا عليه وباركوا له في صالة الرجال (استعباط)
في هذا الوقت وقبل الزحمه طلعت من الصاله وتفاجئت بباقي الشباب برا الصاله وكنت لابسه عبايه على الراس وبوشيه من النوع الثقيل والدرج كان لونه اسود فتطوع واحد وقال جدامج درج فحقرته ومشيت وليتني ما مشيت احسبه يكذب علي طحت على وجهيي جدام عشرين رجل يـــا ربـــي والله فشله قمت اركض وابكي من الحره والفشله 00




يلا سي يووووو على قولة من تعز علينا



تقبلوا تحياتي السرابيه
------------------

السراب :)

Mezher
20-11-2002, 08:59 PM
منهي اللي تعز عليك :p ...!

وياليت اللي طاحت من فوق الصاله .. مو بس درج :p !!
<~~~ استعباط !!

*350 فلس = 5 ريال عندنا
في اليوم ولمدة عشرين سنه احسبوها ورح تتعجبون ..!

5 × 365 = 1825
1825 × 30 = 54750
54750 × 12 = 657000
657000 × 20 = 13140000
حسابات محششين :D:
بالله وش رايكم فلته بالرياضيات !!

يعني 36500 ريال !!
ولا شيء )k

ابو طيف
21-11-2002, 01:58 AM
خووووووووووووووش سوااااااااااالف ولو انها سوالف حريم بس يالله عادي :)


يعطيك العافيه

:)

تحياتي

==============

بنت البر
21-11-2002, 02:51 AM
اعترض .. ماهي سوالف حريم
شف عندك يا ابو طيف سالفة ام محمد... مو عشان تدور على هذيلا الناس وتتصدق عليهم؟!

وموضوع السيجارة موضوع ولادي مقاس مدري كم ...
وعلى فكرة سمعت الشيخ محمد العريفي يقول ان ستة عشر دليل من القران و12 دليل من السنة على تحريم السيجارة.. فمدري ليه الشباب يصرون ع التدخين !

وموضوع الاستعباط... شباب وبنات
بس ع فكرة سروووبه ... ليه ماتحطون شرطة خاصة وتتم عن طريق طلب اهل العروس او المعرس وجيه تفتكون من الازعاج )k
<-------تستاذن بتروح تتسحر :we:
دمتي بصحة وعافية يارب

ابو طيف
21-11-2002, 03:08 AM
هههههههههههههه

بنت البر هلا وغلا

كيف حالك ان شاءالله بخير

منوره الساخر

خلاص انا قبلت اعتراضك :)

==========

بو سعد
21-11-2002, 10:22 AM
أححححححححح .. طيحة من فوق الدرج :we:

<------- حقد على الشباب :g:

لحظة .. الحين انواع الزقاير هذي .. انا ما اعرفها :rr:

<---- شك ان لكم تعامل مع الشركات :p

الخشف
21-11-2002, 12:18 PM
اقول
اللهم اني صائم


وبعدين فيه بالدنيا

زقاير اسمها ((مالبوره))

<========== واحد خبره:p

وبعدين اللي تلبس عبايه وغطوه ثقيله
مافيها شي لو تمسك معها خيزرانه عشان الدرب)k

ALSRAAAB
21-11-2002, 01:18 PM
الشيخ مزهر فتى الجبل

لا عرفتها تعال اعلمك

افا تتمنى لي الطيحه من فوق الصاله
والله اني شاكه في صيامك:D:
الحمدلله انهم درجتين بسm*


---------------------------

بو طيف

هات سوالف الرجال وبلالالالالالالالالالاش ا س ت ع ب ا ط

---------------------------

بنت البر

حي الله اللي من اشوف اسمها افرح:nn


(وموضوع السيجارة موضوع ولادي مقاس مدري كم) <---ضحكتني هالجمله


ياالغاليه انتي تقصدين حرس عند باب الصاله
الحرس مهمتهم منع الام اللي معها اطفالها
وما يقدرون يمنعون الرجال 00
الفوضى هذى تصير عند الناس اللي مذهبهم روح عن الليل
الحمدلله ان اهلي مو من هالنوع وعروسنا مو جذي 00
اخوي في يوم عرسه امتنع عن دخول الصاله لكن ابوي
زعل عليه وبالنهايه دخلوا هم الاثنين وبس
وبرا الصاله ولا رجل رازين اوجيهم :D:

ALSRAAAB
21-11-2002, 01:37 PM
بو سعد

والله لو تشوفهم اشلون اضحكوا علي
رح اكسر خاطرك
والله بكيت c* لحد البيت

بو سعد

انا من حزب المعارضه الدخانيه :yh:
عشان كذا عفوا عشان جذي لازم
يكون عندي فكره عن انواع الزقاير


----------------------------
الخشف



(وبعدين اللي تلبس عبايه وغطوه ثقيله
مافيها شي لو تمسك معها خيزرانه عشان الدرب)<--شقصدك يالشايب:g:

يا شين الاستعباط c*

شينااااااااااااااااااااااه

بنت البر
22-11-2002, 12:02 AM
فديتج انا بس

ياالغاليه انتي تقصدين حرس عند باب الصاله
الحرس مهمتهم منع الام اللي معها اطفالها
وما يقدرون يمنعون الرجال 00


لااااا
ماهو حــرس
شرطة بسيارتهم واسلاحتهم بعد .. وخيزران .. :):)

***********
ابوطيف ...هلا بك زوود
تسال عنك العافية ..
زين عيل .. ابنزل الاعتراض :)

افلاطون
22-11-2002, 01:52 AM
ههههههههههههههههههههههههههههههههههههه
هههههههههههههههههههههههههههه
هههههههههههههههههههه
ههههههههههههه
هههههههه

كوكتيل ام محمد
سراب وش خليتي

لكن احسن شي يوم جيتي على( ويهج ) <==افلاطون يومه بالكويت
علشان تعرفين مو كل الشباب نواياهم سيئه عندك انا:D: مافيه اصفى مني نيه
عموما ماقصرتي على هالكوكتيل الحلو الى طعمة مثل العسل:rr:
افلاطون

ALSRAAAB
22-11-2002, 06:09 PM
افلاطون


متى طلعت من قبرك!!!

علامك طوفت موضوع التدخين!! شكلك تستعبط:D:

افلاطون
22-11-2002, 07:42 PM
لاني انا انسان اعسل:D:
من جد استعبط:rolleyes:

وثاني شي ليش تمنين لي اموت:we:

تراني حبيب قلبي ابيض مثل الشاش:(

افلاطون

النديم
22-11-2002, 07:49 PM
الحمدلله عالسلااامة خِتنا .. :)
.
و ماشالله مبروك العمرة و تقبل الله منا و منكم ..
على فكرة أشكّ انك صليتي التراويح :p
و حنا بعد نفرح بشوفة اخوانا الطيبين و الي يسعون دوم لنشر الكلمة الهادفة ..
.
.
اخوك النديم *a

بو سعد
22-11-2002, 07:50 PM
جعل يربطونك بشاش و يقطونك في مسبح متروس ماي باااااااااااارد ..:D::D:

<------ يستعبط :p

abadi
22-11-2002, 08:07 PM
السراب..


من زمااااان عنك..

الله يعطيك العافيه..

ALSRAAAB
23-11-2002, 12:29 AM
افلاطون
شوف رد بو سعد
ما قصر فيك:D:



------------------

النديم

الله يسلمك ويبارك فيك ويتقبل منا ومنك
وما الوم تشك بصلاتي لأني انشغل بالي بعد
ما سألت هالمسكينه عن حالها 0

اسعدني تواجدك
شكرا لك

-------------------

بوسعد

:D:


-----------------
abadi

:nn الله يسلمك ويعافيك


----------------------

ملاحظه : انا ما ذكرت قصة ام محمد رياء والله وحده يعلم بالنيات ذكرتها لأبين حاجة ام الايتام ولاتنسون ان كافل اليتيم رح يكون مع الرسول صلى الله عليه وسلم بالجنه

ALSRAAAB
23-11-2002, 06:00 PM
المدخـــنين ســاكــتين :D:

افلاطون
24-11-2002, 04:47 AM
:kk
يعطيك العافيه :mm: سعد
<==من جد يستعبد وعساك تفهمها

وهذا ردي لك يا ماء:D:

افلاطون

جمال حمدان
24-11-2002, 10:24 AM
(1)
والله يا اخت سراب هقوتي أنك كنتي مع ام محمد جدام التليفزيون .. لأني ادري إن الحريم أن قعدن يدردشن ترى ما يمديهن المسافة اللي بين إقامة الصلاة والصلاة .. غفر الله للسديس والشريم ..!

(2)

ثم موضوع الزقاير ...
هل تعلمين اختاه فوائد الزقاير ؟
زين إحسبي على يدينك !!!!!!

1- اللي يدخن ما تلاقي في ثيابه العته والحشرات مش زي اللي ما يدخنوا تلاقيهم مقملين ...وعععععع
2- اللي يدخن يعمل شغل لدكتور الأسنان
3- وشغل لدكاترة العظام
4- اللي يدخن ما تلاقينه ماشي في الشارع يحفر في مناخيره لأن ايدينه موهب فاضية مثل اللي ما يدخنون.
5- ما يحتاج لحارس للبيت لانه طول الليل واللي يبلاه بالطقاق يسعل فلا ينام ولا يخلي احدن من مخاليق الله ينام .
6- زوجته لا تشك فيه – لان ريحته تكره بنات حواء في الرجال .
7- اللي يدخن إن كان غني أم فقير فهو محبوب من اهله لأنه إن كان فقير فعمره قصير وبيريحهم من سحنته (بدري ) وإن كان غني بيكون نور على نور بيفتكون منه وبيترزقوا ..لكن الحسافة على اللي ما يدخنون ويظلون مرزوعين ويشرشون في الارض فإن كان فقير وطويل عمر يا حليله وإن كان غني ترى تلاقي كل اللي حواليه يدعون عليه يموت.
8- اللي يدخن منضبط في مواعيده لأنه يعلم بأن نفسه مقطوع ولا يقدر على الركض فبالتالي بيخرج للعمل قبل الميعاد بوقت كافي.
9- .. اللي يدخن هو فدائي او جندي مجهول لأن الغير مدخنين ينظرون له ويعتبرونه عبرة ومثلا عندما يرون حالته المزرية وبالتالي تزداد عزيمتهم على عدم التدخين
10- اللي بيدخن يعلم أكثر من غير المدخن بان الدنيا أنفاس . فبالتالي تجدينه حكيما (إمحق هيك حكمة ) :kk

(3)

أخيرا ...
أنصحك يا أختي أنك تغيرين نظرتك عن الرجال فليس كل الرجال كاذبين .. تماما كما أنهم ليسوا جميعا صلعان ..فها أنت لم تستمعي نصيحة رجل نصحك من قلبه ولكنك فشلتينه ورميتي كلامه ولكنك للاسف طحتي قبل ما ياصل كلامه للارض ...
الف سلامة عليك اختنا السراب وفي الختام لي نصيحة ... اللي موب قد الكعب العالي .. ترى ما يلبسه ... الله يرحم جدتي وزمانها .alhilal
وكل عام وأنت بخير
مع تحيات
أخوكم / جمال حمدان

ALSRAAAB
24-11-2002, 06:13 PM
الأديب والشاعر المميز / جمال حمدان


(1) كلامي مع الأخت ام محمد كان متقطع وسريع
وكان اكثر كلامنا بعد التراويح 00حتى امي وخواتي
تضايقوا علي لأني تأخرت عليهم بالفندق00


(2)فوائد التدخين هذي عجيبه!!
يــاربــــــي00اشلون ما خطرت ببالي*c


(3) عمري ما رح اغير نظرتي بالرجال 00 وبعدين هذا الرجل كان يتحرش
عشان جذي حقرته ومشيت مستعجله0
اما الكعب العالي مالي غناة عنه 00الطول زين:D:

شكرا لك
اسعدني تواجدك

-------------------
السراب

رايق البال
24-11-2002, 10:14 PM
كله كوم وهرجتك كل ركعتين مع ام محمد كوم :D:


<<< ينتظر الامام الين يركع ويقوم من الهرجه :p


تقبل الله ...

.

اساطير الاولين
26-11-2002, 04:02 AM
اختي السراب


الصدقه تطفيء غضب الرب والصدقه لا تنقص من اموالنا شيء وذلك لان الله يجعل في اموالنا بركه // كلنا يا اختاه نحب الصدقه مهما زاد او ضعف ايماننا وذلك لان الانسان بطبيعة الحال يحب الخير
****************************

وَيُطْعِمُونَ الطَّعَامَ عَلَى حُبِّهِ مِسْكِيناً وَيَتِيماً وَأَسِيراً (8) إِنَّمَا نُطْعِمُكُمْ لِوَجْهِ اللَّهِ لَا نُرِيدُ مِنكُمْ جَزَاء وَلَا شُكُوراً (9) إِنَّا نَخَافُ مِن رَّبِّنَا يَوْماً عَبُوساً قَمْطَرِيراً (10) فَوَقَاهُمُ اللَّهُ شَرَّ ذَلِكَ الْيَوْمِ وَلَقَّاهُمْ نَضْرَةً وَسُرُوراً (11) ( الانسان)


مَا سَلَكَكُمْ فِي سَقَرَ (42) قَالُوا لَمْ نَكُ مِنَ الْمُصَلِّينَ (43) وَلَمْ نَكُ نُطْعِمُ الْمِسْكِينَ (44) وَكُنَّا نَخُوضُ مَعَ الْخَائِضِينَ (45) وَكُنَّا نُكَذِّبُ بِيَوْمِ الدِّينِ (46) حَتَّى أَتَانَا الْيَقِينُ (47) المدثر



التدخين : باختصار العاقل---> هو الناجي منه

الطيحه---->اسم الله عليج :D:








اخوج الساطير الاولين

ALSRAAAB
27-11-2002, 12:23 AM
رايق البال


شكلك خلصت باكيت وانت تقرأ الموضوع;)



يتقبل الله منا ومنك صالح الاعمال










ملاحظه : الواسطه موجوده في الوطـن العربيg*
والمنتديات العربيه ايضا لا تخلوا من الواسطه )k



الله يرحم جداتنا وايامهم:D:

بسيط
27-11-2002, 01:05 AM
الكريمة// السراب

ربي يعطيك العافية

بس >لو خفيتي شوي على المدخنين :)

دُمتي بصحة وعافية 0

رايق البال
27-11-2002, 06:35 AM
f*

<<<< حاسس انه مقصود بالواسطة :(


يالله رمضان كريم :)

.

ALSRAAAB
28-11-2002, 12:11 PM
اساطير الاولين

شكرا لك عالتعقيب 00فعلا الصدقه لن تنقص من اموالنا شي

‏عن ‏ ‏أبي هريرة ‏
‏أن رسول الله ‏ ‏صلى الله عليه وسلم ‏ ‏قال ‏ ‏ما نقصت صدقة من مال وما زاد الله عبدا بعفو إلا عزا وما تواضع أحد لله إلا رفعه الله ‏ 0


--------
التدخين

لقد اتيت يا اخي بما قل ودل

التدخين : باختصار العاقل---> هو الناجي منه

شكرا لك
اسعدني ردك

---------------------------------

بسيط

الله يعافيك
وعساك عالقوه
ودي اخف بس يا اخي التدخين مضر ومزعج وحرام

شكرا لك
اسعدني حضورك


------------------------

رايق البال


خلك رايق على طول وتقبل الامر الواقع:D:


يلااااااا سي يو بروح الحق اسوي العجينه


رمضان كريم :)

شكرا لك
اسعدتني متابعتك


---------------------

اختكم السراب