PDA

View Full Version : ** هلاااااااا باللي **قصيدة



ظافر المنيع
24-11-2002, 10:29 PM
مرحبا
واسعد الله أوقاتكم بكل خير ، وأعتذر عن طول الغياب، وهذه قصيده جديده أتمنى ان ترقى الى ذائقتكم العاليه ، قصيدة (قايد الغزلان ) بتاريخ 17/9/1423هـ
......

هلا باللي إذا شفته تبسم خافقي فرحان
وإذا سلم وقال أهلاً، حضنت بمقلتي شوفه

أحاول أبعد الحيره،يناظرني وهو دريان
درى باللي يحيرني، ودرى باللي حرق جوفه

جلس جنبي يسامرني..ويحكي لي وش اللي كان
عن اشواقه ، وأفراحه وإني علّـته وخوفه

وهو مشغول بعتابه ، عن همومه وعن الاحزان
شرد فكري مع صوته،وسرقني أجمل وصوفه

عليها عيون قـتّاله ، وخـد ٍ يشبه الرمان
وشفّتها شفق أحمر،وثنايا بيض مصفوفه

درت إني أطالعها، وقالت: وين به سرحان؟
عسى منته مع غيري،وسارح في سنا طيوفه

وقلت :ابداً ،أنا باقي معاكِ سامر ٍ ولهان
وأنا فيك ِ شرد فكري وخذاها الصمت مكسوفه

وطلبت الزين يرويني،وقال الزين: أنا عطشان
وتبادلنا مراسيم ٍ بها الأشواق مـحفوفه

الا يا الله يا ربي ، تخلي قايد الغزلان
وأنا يا بنت ابوعدكِ تكوني الشعر وحروفه

بسيط
25-11-2002, 07:42 PM
أخي // ظافر المنيع ،،،

حمدالله على السلامه أولاً00 وسلمت لِـهذا الحضور العذب
أخي/ لقد تم حذف البيت ماقبل الأخير :)

كُل المُنى00 لشخصك 0

ظافر المنيع
26-11-2002, 12:36 PM
مرحبا

أهلاً أخوي بسيط
ويسعدني تواجدك وأعتذر أذا كانت بعض الأبيات جريئة

وشكراً لتعديلك وربي يكثر من أمثالك

ودمت

ـــــــــ
*؛،. ظافر المنيع .،؛*

ظافر المنيع
05-12-2002, 05:22 PM
http://d1d.net/net/mohandes/dff.gif