PDA

View Full Version : بنت تخطب ولد من أهله بالقوة



سهر..
10-01-2003, 12:09 AM
بنت
تخطب ولد من أهله بالقوه....



تخيلوا البنات يخطبون الاولاد

يعني تتفاجأ في يوم وانت قاعد تقرا كتاب رومانسي وأنواع الأحلام الورديه (يااي) و سرحان في فارسة احلامك على السرير الابيض..
الا و امك داخلة عليك و توها جاية من الاستراحة و تقولك: يا ولدي ودي اكلمك في موضوع. .
ترد انت بكل خوف : خير يمه؟ ....
تقول امك: ترى جارتنا ام خالد تبي تخطبك لبنتها. وانت ماشالله كبرت و احلويت وكلن يبيك. ها وش رايك
ثم تنزل انت راسك في الارض و تلعب باصبعك في شعرك (او شنبك)و ترد و انت مستحي و خدودك حمرة (هذا اذا كنت محلق اللحية) و تقول: ....
الراي رايك والشور شورك يايمه..
تقول امك: انا بصراحة ما اشوف في البنت شي. .

ماشالله عليها محترمة و وظيفتها زينه و راتبها ممتاز و من عايلة محترمة و من البيت للمسجد و من المسجد للبيت ..
ولا عندها سوالف السفر و الخربطة و ما تشرب ولاتدخن و لا تروح لاستراحات البنات. يعني بنت ما عليها. .
تقول انت : بس يا يمه هي ما شافتني من اول. انا دايما متلطم بشماغي (والله عيب بس بكمل)
تقول امك: هي شافتك و انت نازل من باص المدرسة (الله واكبر يالروز رايز)...

بس ..و سألت عنك و قالو لها خوش ولد ماهوب راعي سوق و كوفي شوب و ما يطلع الا مع ابوه. (والله فشيلة بس بكمل)
و تراها هي و امها جايين يوم الخميس علشان يشوفونك..
تسال انت: طيب يا يمه ابوي وش رايه؟
تقول امك: ابوك ما يدري خليه حايس في المطبخ الله يعينه..
تقول انت :اللي تشوفينه يمه. .وتطلع امك من الغرفة
وتنط انت قدام المراية و تاخذ نص لفة يمين و نص لفة شمال تشوف جسمك و تمشط شعرك و شنبك بدلع (ياعمري)

و تقول : اه اخيرا حسَت و خطبتني. ( لا لا لا والله ما يصير بس بكمل)
و قبل يوم الخميس تروح انت لكوافيير رجالي و تكون مسوي حجز و تقعد و تصبغ شعرك (هاي لايت) و تزين حواجبك و تشيل شعر يدك و رجلك بحلاوة و تطلع زي فلقة القمر

وتجي البيت و تلبس الثوب اللي فصلته عند المصمم( عبده شولق) لثياب الاعراس و الحفلات واللي فيه فتحة من عند الساق و فتحه في الظهر وسيور و ذاك المكياج وذاك العطر اللي يشق الخشم و تنزل للصالة
ويقولك ابوك : يالله دخل العصير على خطيبتك ترى امك ذبحتنا تسال عنك
تقول انت بكل خجل: واي واي يا يبه انا استحي

ابوك يقولك وهو يطق على كتفك و يضحك يا ولد روح لعروسك إهئ إهئ
تقول انت: يا يبه دايما تحرجني انت واي واي
و تاخذ صينية العصير و تدخل المجلس اللي فيه البنت بكل نعومه ورقه ودلع وأدب و تقول بصوت ناعم: احم احم الس سسسلام عليكم(صاير حكيم على غفلة)
ترد هي بعد ما وقفت و عليكم السلام ( و هي تناظر فيك و في كل قطعة فيك) ...
و تقولها تفضلي....
تقول هي: وش الاحلى العصير الاحمر و لا الاصفر؟ بزعمها تبي تلطف الجو معك <...تتلصق.
تقول انت: كله حلو
تقول هي: اكيد كله حلو لانك انت اللي مسويه

ثم تحط الصينية بسرعة و يدك على فمك و تضحك و تروح داخل بسرعة
ياربييييييييييييييه
الا اخوانك يستنونك و يقولون: ها وشلون شكلها

تقول انت: واي واي تهبل تهبل حلوة و دمها خفيف و ذوق اهههههااي
الا ابوك من المطبخ يلولش (يزغرط بالمصري)

لللللللوووولللللوووووشششششششش مبروك يا ولدي

الا بدخلة اختك العربجية من بره و حاطه عبايتها على كتفها و تقول : خير وش فيه !!
يقوله ابوك : قصري صوتك في وحده داخل خطبت اخوك ..
تقول اختك: وهي وين شافت اخوي علشان تخطبه هاه؟؟؟؟ و تعطيك كف و تصرخ والله لاوريها شغلها اللي جايه تخطب اخوي ...

الا بدخلة امك و تسطر اختك كف و تطلع اختك بالسيارة و تفحط و تروح للاستراحة البنات <..تخيلوا عاد

و تمر الايام و انت تجهز ثوب العرس و الكوشة و بيت الزوجية و خلال هالفترة تمرك زوجتك بالسيارة تتمشون و تحاول انها تمسك ايدك و انت مستحي ( ومن هناك ودك و بتموت) و شوي تحاول تبوسك و انت تقول لا لا عيب احد يشوفنا( يعني لو ماحد يشوفنا ترى عادي)
و يجي يوم العرس و تقعد انت في الكوشة و كل الشباب حوالينك يرقصون و يغنون على انغام طيران فرقة الشاطئ للرجال و طبعا مافيه زبيدة او صيته او العنود وسارة
وشوي الا العفسة قايمة : ترى العروس جايه
و ينطون الرجال و الشباب كلن يلبس شماغه و يتلطم ..
و تدخل العروس مع امها و خواتها (خواتها يتيميلحون قدام الشباب ) و تقعد العروس جنبك و ترفع الطرحة (طرحة البسام بصمة خمسة) و تقولك: الله صاير مثل القمر

ثم تلف وجهك وانت مستحي
و يتم الزواج و بعد تسعة شهور الا انت تصرخ في الليل فيك الطلق
و يودونك المستشفى و تولد و تجيب توأم

وتطلع من المستشفى الى بيت اهلك علشان النفاس <....حركات
و تاخذها زوجتك فرصة و تسافر مع البنات و يهيصون قبل ما تخلص مدة نفاسك الله يساعدك

و ترجع لبيتك تربي عيالك و تطبخ الغدا لزوجتك

وتتخانقون ساعات و تنام و دمعتك على شنبك

ويزيد حدة الخلاف و تاخذ شماغك و عيالك و تروح لبيت اهلك

و تصلح امك ما بينكم و ترجع الحياة مثل اول..

منقوول

ذكرى إنسان
10-01-2003, 12:17 AM
:r:

كل يوم أقرأه

:D:

سهر..
10-01-2003, 12:27 AM
اذا قريته
غيرك ما قرائه
على العموم اشكرك لانك مريت من عند موضوعي



تحياتي

@ أمير @
10-01-2003, 12:28 AM
هههههههههههههههههههههههههههههههههههههههههههههههه
فكره
بس احلى شيىء
تقول اختك: وهي وين شافت اخوي علشان تخطبه هاه؟؟؟؟ و تعطيك كف و تصرخ والله لاوريها شغلها اللي جايه تخطب اخوي ...
هههههههههههههههههههههه تخيلوووووووووووووو
مداعبة حلوة

سهر..
10-01-2003, 12:31 AM
انتم تخيلوا
خياااااااااال مو حقيقه
الحين تصدقون انفسكم انتو يا الشبااب

أمير
اشكرك
تحياتي

رجل المستحيل
10-01-2003, 12:36 AM
عبيرررررررررررر وشرايك تخطبي ابوطيف

بسمة أمل
10-01-2003, 12:50 AM
:D:

سهر..
10-01-2003, 12:35 PM
رجل المستحيل

لا تعليق....



بسمـــــــــــــة أمـــــــــل
:)

jUrOo7
10-01-2003, 02:03 PM
يالله تخيلو :D: ...



يجون يخطبوني واقول لازم اخذ الدختوراه ويروح قطار الزوجيــه ويدعسني:D:



ههههههه واتشرط بعد فى المهر 250.000 ريال ما ينزل


واللى ودها حيها الله


اعطيها كروكي بيتنا

محبة الخير
10-01-2003, 03:19 PM
ماشالله عليها ذي قويه محد قدها

هههههههههههههه

moon2002
10-01-2003, 04:33 PM
عبورة الحلوة

أكيد أكيد كنت نعسانة كتير فبلشتي تحلمي وانتي عم تكتبي هل الموضوع

أو أكيد أكيد كنت هلأ فايقة من النوم وكنت عم تحلمي بهل موضوع

c* c* c* c* c*

بس راح يضل حلم هلي كتبتي وبحياتو ما راح يصير حقيقة
:r: :r: :r: :r: :r: :r: :r: :r: :r: :r: :r: :r: :r:

:rr: :rr:

mraam
10-01-2003, 04:44 PM
عبير
والله لو يسمحون لنا نخطب الازواج كان ياسلام نختار وعلى سنة الله ورسوله

سيف الدوله
10-01-2003, 06:58 PM
انا ما تخطبني اي وحده اهم شي تكون من الدوله الأمويه ولا كيف اكون سيف الدوله



-------------سيف الدوله-----------------------------------

moon2002
10-01-2003, 09:37 PM
هاد اللي كان ناقص البنات يخطبو الشباب

شي حلو ولله


حلمو ادددددددددددددددد ما بدكم


ياستي انا ابلان تجي وحدة وتخطبني وطمممنو ما راح يحمرو خدودي
وانا حالق دقني



وسلالالالالالالالالالالالالالالالالالالالام



باي
k* k* k* k* k* k* k* k* k* :kk

سهر..
11-01-2003, 01:14 PM
jurOo7
الله يستر عليك من قطار الزوجيه
انت بس تخيل ..
وكروكي البيت لك عليها
انت الان جالس تعرض نفسك للزواج المفروض
البنت هي اللي تجي تخطب
وطبعا هذا خياااااااااااال
______________________________________
محبة الخير شكرا" على مرورك: :nn
______________________________
MOON2002
والله ما كنت نعسانه ولا كنت بحلم بس كنت بتخيل
وبعدين انتم ياالشباااب
فيكم غرورو ثقه زايده لا تستغربون ترى والله تصير في هالزمن يعني توقع ياموون تجيك وحده وتقول تقبلني عروستك

ومشكور يالغالي
____________________________-
mraam
وانتي صااادقه اكيد بنخطب على سنة الله ورسوله شااب حليوة
أخلاقه عال العال الله لو يتحقق ويصير وااقع مو خياال
مشكورة الغاليه على مرورك
_______________________________________________
سيف الدوله
واللله اعرف وحده من الدوله الامويه
برجع للتاريخ وبذكرك لها على تجي تخطبك
مشكوور على مرورك:nn

___________________________-
واقول للشبااب لا تنغرون هذا خيااااااااااااااااااال
انتم الي تجون لنا يالبنات وتترجونا نواافق عليكم




:D: :D:


تحياتي:nn