PDA

View Full Version : جيت مطفوق



دحيم البلنتي
20-01-2003, 06:30 PM
جيت مطفوق

ياخوي انا قلبي من الحب مسروق @@@ سافر مع دروب الهوا ياسفابه
غدابه اللي هزني يمه الشـــوق @@@ ولاعاد تنشدني من اللي غدابه
ياللي تقول ان كل مطرود ملحوق @@@ اكيد ماعانيت شوق وصبابـه
اسمع من اخباري مجرب وموثوق @@@ لوقصتي فعلآ تثير الغرابـه
قصة حبيبٍ ساقني بالهوا ســوق @@@ قام يتحكم بي على شرع غابه
جيته عقل جيته ثقل جيت مطفوق @@@ جيته ذليل وجيت كلي مهابـه
جيته بحر جيته مع رعود وبروق @@@ جيته عطش صحرا وجيته سحابه
جيته بحق وجيت له مالي حقوق @@@ دعيت وتحريت وقت الاجابه
غنيت له بالشعر في كل طاروق @@@ عزفت عود وقمت اجر الربابه
بدلت انا اسم لفالح ومـرزوق @@@ لاصرت انا فالح ولا الرزق جابه
وســــــــــــلامتكم ,,,,,,

بـاسل
20-01-2003, 08:48 PM
أخى الكريم / دحيم البلنتي

السلام عليكم ورحمه الله وبركاته

أهلاً وسهلاً ومرحباً بك أخى الكريم ,

أشكرك على قصيدتك الرائعه بمعنى الكلمه ..

لقد هيضتنى وأشجتنى فانطلقت قائلاً :

هيضتنى دحمى وأنا صدق مخفوق
...................... وذكرتنى اللى بقلبى سرابه
ذكرتنى حاسن وعبيد ومعتوق
........................ ذكرتنى أيام عز وشبابه
ذكرتنى خل أنا به مصفوق
..................... إليا ذكرته عاودتنى الكأبه
أقول العشاء عندى اليوم مرقوق
.................... تعال شاركنى ونشكى صبابه

لك تحياتى وتقديرى

الجارح 2002
21-01-2003, 02:12 AM
ابداع

لله درك

بـاسل
01-05-2003, 04:46 PM
أخى الكريم / دحيم البلنتي

تحيه طيبه

أين أنت ياأخى , والله إن لك لوحشه .. وفى القلب لك شوق كبير

عسى المانع خير ..

طمنا عنك أخى .

تحياتى وتقديرى