PDA

View Full Version : كل ليله يلتقون ..



غروب الشمس
20-01-2003, 10:45 PM
كان في هالكون .. عاشق

خل مرهف .. في غرامه

خل ساحر في كلامه ..

دايماً في الليل ساهر

ومن جنونه بالمشاعر

صار شاعر ..

وكان له خلّه وفيّه .. ما تنام

تنتظر لون الظلام

وتوْفي بالوعد وتجيه

لا غفت كل الوجيه

وكل ليله .. يلتقون

ويسهرون .. ويعشقون

كان دايم لا وصل .. يلقاها قبله

وكان دايم لا تمنى .. ماتمنى غير قُبله

بس ما مرّه لمسها ..

ولا سمع لهفة نفسها ..

**

صدفه اللي جمّعتهم

بعدما ملّ الضياع

كان يشكي

كان يبكي

من همومه

وحظ صوب له سهومه

فجأه في ظل الألم

شافها مثل الحلم ..

" قلب ساهر .. مثل قلبه "

" قلب يرجف .. مثل قلبه "

وصار دايم .. كل ليله

يلتقي فيها .. بلهفه

لين صارت له خليله ..

بس ما مرّه لمسها ..

لانها


في الأصل ..


نجمه ...

سنابل الرضى
21-01-2003, 01:09 AM
a* العزيز ..
غروب الشمس ..
والله رائعة هذي الكلمات ..
سهلة .. واضحة .. عذبه ..
جميله .. جمييييييلة ..
وصلت قلبي .. استمتعت بها ..

كأنها تخاطب الأرواح ..والقلوب .. كل القلوب ..

يعجبني جدا هذا الأسلوب الرائع ..

تبل تحياتي ..
سنابل ,,,,,

عبق الحياة
21-01-2003, 01:19 AM
غرووب الشمس ,,

مااجمل مانثرت على صفحة ظمئانة لروعة الكلمات ..

تصوير جميل .. لخيالٍ اجمل ..

سبع الدنان
21-01-2003, 06:14 AM
غرووب الشمس

جميل

جميلٌ للغاية

سلس وبسيط

معبر

تحياتي لك