PDA

View Full Version : البرواز



يابعدهم كلهم
05-03-2003, 01:25 PM
قلتيلي انسى

ومن يومها وانا كل ليلة..قدامي البرواز

حبر العيون ودمع القلم.. في دفتري

وصورتك..رغم الألم..ورغم انها خذت من اطباعك كثير

وخانت البرواز..أشوفها في خاطري

حبيبتي ما بيدي حيلة

لا صرتي الصورة..وعيوني البرواز

وشلون ابنسى

اتعبتي الصوره مشاوير

وتعبت انا بلقى لغدرك معاذير

وصورتك اللي سجنت بروازها طول السنين..

كانت جسد وبروازها الروح

ويوم انزعت منها الجسد..تجرحت اطرافها

وبجروحها راحت لمين؟

لبروازها الثاني!!

مسكين..بيسجنك ويبقى سجين

مسكين

تشبهلك أقداره..خانته

وصورتك يجي يوم وتخونه

حبيبتي..أو للأسف حبيبته

لا صرتي الصورة..وجفونه البرواز

وشلون ينسى

حبيبتي لجل أنسى جرحك واستريح..ببكي

وبعد البكى..ببكي

وأكيد في لحظة بتجي..وبيجف دمعي

وعندها صورتك اللي في عيوني

بتموت من ظلم العطش..

بروازها بيصبح نعش

وبتمرني الدمعة الأخيرة ...تاخذ معاها صورتك وتطيح

وكني بالمسافة تطول ما بين عيني..ودمعتي..وخدي

وكني بقلبي الحاير المسكين

نبضه يقول لا تودع الفرقى الدمع ما يرقى

وعندها لا نزلت الدمعة لمثواها الأخير

وفارقت وجهي

بغمض عيوني..واكسر البرواز

واكيد ابنسى

عبد الرحمن مساعد

الهيجة
05-03-2003, 11:28 PM
ابعتذر


.. ابعتذر .. عن كل شي

.. الا الهوى .. ما للهوى عندي عذر

.. ابعتذر .. عن أي شي

.. الا الجراح .. ما للجراح الا الصبر

.. ان ضايقك اني على بابك أمر

ليلة ألم ... اني على دربك مشيت عمري و أنا

.. قلبي القدم

.. ابعتذر .. ابعتذر .. كلي ندم

.. عن كل شي .. الا الهوى

.. ما للهوى عندي عذر

.. اتصدقي ... ماخترت أنا أحبك

.. ما احدٍ يحب اللي يــبــي

.. سكنتي جروحي غصب

.. يا حبي المر .. العذب

.. ليت الهوى و انتي .. كذب

.. كان اعتذر لك عن هواي

.. ما أقول أنا .. كوني معاي

.. ان ضايقك اني على بابك أمر

ليلة ألم ... اني على دربك مشيت عمري و أنا

.. قلبي القدم

.. ابعتذر .. ابعتذر .. كلي ندم

.. عن كل شي .. الا الهوى

.. ما للهوى عندي عذر

.. الله كريم .. حبّك .. يكون

.. همّي القديم

.. و جرحي القديم

.. و الله عليم .. يا أحلى العيون

.. ان الفراق .. جزا الفراق

.. ابوعدك .. كان الطريق بـيـبـعدك

.. بامشي الطريق

.. و كان الجحود بـيـسـعدك

.. مالي رفيق

.. ابــجمعك أوراق السـنــيــن .. و أودّعك

.. كان الفراق اللي تــبـــيــن .. الله معك

الهيجة
05-03-2003, 11:31 PM
يـــــــــــــــــا غــــــــــــــايب
ليـــــــــــــــه ما تســــــــــــئل

ابو طيف
05-03-2003, 11:40 PM
هلا بك

تسلم على الاختيار الراااااااائع

تحياتي

======

الهيجة
06-03-2003, 02:41 AM
ساري الهاجس ..

ساري الهاجس حضرني وشلت لحونه

كل ما غنيت صوت يرد الثاني

كل شاعر تستضيف الخيال عيونه

ما ينام الليل من هاجسه سهران

كل نجم ساري يستهيض شجونه

واعذاب الشاعر المغرم الولهان

الهيجة
06-03-2003, 02:45 AM
كيفك يا ابو طيف انشاء الله بخير

الهيجة
06-03-2003, 02:51 AM
مهما يقولون


مهما يقولون مهما صار مهما تم
انت البدايات واخر ساحل و مـينا

من هرجت الناس من العذال لا تهـم

لوهم يحسون فينا ما حكفــــينا

ما عقب شرب الصبر والمر والعلقم

شي على طاري الفرقا يـــــــودينا

حنا اجتمعنا و شمل العاشقين الــــتم

خضنا حروب الهوى فزنا و ردينا

اهواك ماهي مواويل بها اتـــــــــرنم

ترى المواويل هي اللى تغنينا

منا الوفا يا وفي الروح يتعلــم

كل التعابير تبحرمن شواطــــينا

حبيب عمري حيات القلب خل الهـم

تقسىالليالي ولاكن ما تقســــينا

و ان كان جدت جدايد حبنا اقـــــــدم

و لاعاش راس على الدنيا يبكينا

الهيجة
06-03-2003, 02:57 AM
لك حق تزعل


لك حق تزعل ثم لك حق نرضيك

ما اقوى زعل حبيب قلبي وعيني

ما دام قلبي يا اريش العين مغليك

اطلب ولك روحي وما في يديــني

لا تـنـشـغل مالك وزينٍ يــضـاهــيك

ابـيــك أنا لـو كان غـــــيرك يبيني

يوم الله احسن صورتك خصني فيك

فـيك الجـمال وصــادق الــود فيني

شعري يزين بوصف زينك وطاريك

والأرض مــن مـمشـاك فيها تزيني

اول غــناتي صوت الأشـواق يدعيك

واخــر غــناتي شـق صدري حنيني

غصون الصوت
06-03-2003, 03:08 AM
يابعدهم كلهم

قبل فترة ليست بقصيرة قرأت لك نقلك
لرائعة أسير الشوق ..
.... وها هي رائعة أخرى
من روائع الأمير
عبد الرحمن تزور العذب ...

فشكراً لنقلك وأختياراتك الراقية ..

الهيجة
06-03-2003, 10:15 PM
مجموعة انسان


قالت من أنت؟وقلت مجموعة انسان
من كل ضد وضد تــلقيــــن فيـني
فيـني نهـار وليــــــل وافـراح واحـزان
أضحك ودمعي حايـــر وسـط عيني
وفينـي بــدايه وقـت ونـهـايـــه ازمـان
أشتاق باكر واعطي أمسي حنيني
واسـقي قلوب الناس عشق وظميان
واهدي حيـارى الدرب واحتــار ويني
واحاوم صـقــــــور الهوا حـــوم نشوان
واسـيـــل الوديــــــان دمـــــع حـزين
في عيني اليمني من الورد بستان
وفي عيني اليسري عجاج السنين
تهزمني الـــنجــلا وانـا نـد فرســان
واخــــفي طعــــوني والـمحبه تـبين
امــــــا عرفتـنـي فلانــــي بـزعــلان
حتــى انــا تـــــراني احتــــرت فيني

يابعدهم كلهم
07-03-2003, 01:45 AM
الهيجه

مشكورة:) ابي منج أن لا نثقل على الأعضاء بوضع قصائد كثيرة اما عن نفسي ما اقول الا مشكورة وعساج على القوة:)