PDA

View Full Version : (( الف فارس ))



البحـــر
27-05-2003, 11:20 PM
الف فارس


خطك قريته والسوالف لها حد
كلمة جدل والا سوالف مجالس

كلمة تعانق بينها الصد والود
قلها تحدي يازعيم النوارس

قول انك الغالي عن الناس من جد
وانك حلم يلعب بفكري وهاجس

بس لاتقول وتشتكي وكننا ضد
وانكان بعتك اشتراك الف فارس

اذا شريتك يسقط المثل والند
وتفوق غالين الثمن وانت جالس

كما الذهب ثابت في الجزر والمد
وانكان بعتك ماشراك الف فالس

دام انت غالي مامعي عالشرا بد
احضرك لو دونك جميع المتارس

سوا ل مايبغى له اجحاف بالرد
لازم نحكم معطيات التجانس

خذ من لهيب النا ر نور وموقد
ومن ظلام الليل ستر وملابس

خلي خيالك خصب واسع وممتد
ولاتقف في وجه الايام عابس

وتعالني موعود منغير موعد
طلاب حب اجيك كلي مدارس

وخلي التحدي وابتعد عالتعند
واثلج لصدري وافدني بالف فارس

بحر

بنت الحب
27-05-2003, 11:34 PM
روعه يا بحر
وصج انك بحر وووووووووايدغني
بالكلمات الجميلة
اسم على مسمى
تحياتي
اختك بنت الحب

بنت الحب
27-05-2003, 11:34 PM
روعه يا بحر
وصج انك بحر وووووووووايدغني
بالكلمات الجميلة
اسم على مسمى
تحياتي
اختك بنت الحب

محبة القلم
28-05-2003, 01:32 AM
البحر.
جميل ماخطه قلمك. استمر بابداعك هنا.
دام قلمك رائعاً.

البحـــر
29-05-2003, 12:19 AM
اهلا بنت الحب
صدج ان قلمك استحق الاعجاب
وشخصك الجميل الذي نزل هنا على صفحة البحر ليس الا تكريم للبحر
شكرا لك واهلا بك
اخوك البحر