PDA

View Full Version : ينشد ياااذيك المقبره وين اختفى حفااارها ؟



درب التبانه
26-06-2003, 02:12 PM
كم خطوة(ن) تفصل مابين النور واحساس الضرير
هل ياترى يدرك ضرير الشوف نبض ابصارها ؟

لا والله الا ماهقيت ولا اظن انه يــصــيـر
الا اذا شفت الـكحيلا نـافرة لديارهــــا!!

لا والله الا مـاتحقق وانكســـــر حلم كبير
بين المطية والطريق وخشمهـا وهجارهــا!!

ماهي بقايا فلسفة 0هذا بعض عـلـم الخـبير
الـلي حسب للمقفية والمقبله(( مشوارهــا))!!

شرب الظنون وصبهـا في جال مكحول النظير
واسقى المناوي من لظى خلوج مات حوارهـا

ثــم ارتـكى في جلسته لاهو وزير ولااميـر
حده وجار مهيلة (جم) الدفى بـوجارهــــا

نجره يـنادي يـاهلا بالـطرقي وناوي المسير
ودارة تـــرحب واقفه خطارها عمارهـــا

جاكم على مـالك لوى يبلغكم بـموت الضميـر
وده يعـزيكم هـنــا00 والـقوم تطلب ثارها!!

في طرقتـه شـاف الوزى ياطى على خدالفقير
والنفس طـابت وارتوت من فقدها مقـدارهـا!!

يـدري وصـل باللي معه /مابين شر وبين خير
ينشـد ((ياذيـك)) المقبرة وين اختفى حفارها؟؟

حي بن يقظان
26-06-2003, 02:25 PM
a*

ابو طيف
26-06-2003, 03:35 PM
الله الله


روووووووووووووووووعه


صح لسانك


ابيات في قمة الروعه

تسلم يمينك والله

تحياتي وتقديري لك

=========