PDA

View Full Version : ثواني من عمري ...!!!



الشّـايب
28-06-2003, 03:21 AM
السلام عليكم ورحمة الله وبركاته ..

أعزّائي ... أحببت المشاركة بهذه القصيدة

والحكم والنقد لكم ... مع تقديري



مع زماني لا تحاربني بصدّك ،،،، خلـّني بالعمر أضحك لو ثواني !!

كان لك قلب ٍ على غيري يحدّك ،،،، وش ترى في قلبي اللي لك حداني ؟

بالجفا يا صاحبي عدّيت حدّك ،،،، ما وصلني منك يالغالي كفاني

أشتكي لك لا تعذبني بردّك ،،،، لا تصد ارجوك يوم الله بلاني

ليت حب ٍ ضاع للذكرى يشدّك ،،،، تذكر اللي راح منّـا في ثواني

ليتني مرتاح من قلبي وحبّـك ،،،، ليت لي يازين مثلك قلب ثاني !!!




تحيّــاتــي ،،،

ابو طيف
28-06-2003, 01:04 PM
هلا بك

صح لسانك وتسلم يمينك


ابيات في غاية الرووووعه

يعطيك العافيه

تحياتي

===================

وردة الصباح
28-06-2003, 03:03 PM
حلو ...روع ...تسلم اخوي علىهذه القصيدة حلوووووو
تحياتي لك
وردة الصباح

nour
28-06-2003, 03:22 PM
قصيدة جميلة

إستمتعت بها فعلا

تحياتي

نور

الشّـايب
29-06-2003, 01:33 AM
أعزّائي

أبو طيف ،،، وردة الصباح ،،،nour

حياكم الله ... أشكر لكم مروركم ..

والروعة والجمال بحضوركم .


تحيّــاتــي ،،،

الخشف
29-06-2003, 03:24 AM
الشايب اللي ما تحلل عضــامه **** عيت تـبـيده الليالي والايام

لا شب ضوه فوق راس العدامه **** قمنا نربط غالي الحمل بحزام


تحياتي يا لشايب

فعلا ابيات رائعه



.

الشّـايب
01-07-2003, 02:55 AM
يا مرحبا باللي يزيد احتـرامه ،،،، حلـّـيت ضيف ٍ والمعازيب قـدّام

المرجله تبغى رجال وزعامـه ،،،، وحنّـا ورثنـاها من جدود ٍ قـدام

حيّاك ربّـي يا سليـل الشهامه ،،،، وصلاة ربي مسكها.. واحسن ختام
.
.

أخوي الخشف
.
.
هلا بك .. أشكر لك حضورك البهي ّ


تحيّــاتــي ،،،

.