PDA

View Full Version : فــي إذنــي حــاجــة بــايــخــة ............. ؟



بدون عروه
23-10-2000, 08:00 AM
دخول نمله في إذنك بالتأكيد هي نتيجة حتمية .. لمن عادته التبطح بين أشواط المباريات وعلى أنغام برنامج " سعودي " وفي ملحق كله قشام حب مالح .. لكن الأغرب دخول قمله في إذنك !! والأطمل هو وجودها أصلاً في بيت كله صلعان !!

صوت غريب .. أشبه بصوت جمهور يقذف "رجل الخط" .. بالنعال مع نبرة الحلق " حــه " .. وبالفطره .. إستخدمت الخطة السحرية إمغغغغغ إمغغغغغغ لإيذاء من بالداخل .. فزاد الطين بله .. فلقيت إن الموضوع يستحق نظرة تأمل بمرآه أنثى !! مع عود ثقاب .. قربت المرآة وعفطت عيوني .. فلمحت الجسم الغريب .. إنها قمله !! وفي إذني .. تباً ثم ويحي .. هممت بإدخال العود ففاجأتني بالهروب متغلغلة في أعماق مخي .. فلا داعي لأن أصف لكم ما عبثت به .. يكفي أن تتخيل سباك في كبينة طائرة !!

ذهبت بلا شعور إلى المطبخ .. والبحث في قاعدة بيانات الزيت .. علّي أجد " زيتون ، خروع ، فرامل .... ) فظهرت نتيجة البحث .. دلة فوق القز .. فصبصبت صبصبة من لا يخشى الفقر .. لكن لا حياة لمن تنادي فقد ولّت إلى غير رجعة ..
طلعت في السيب افكر وش السوات في هالبلوى .. فجأة والاقي نمله فاصخة الحيا ولابسه فنيله علاق .. عجبي خوش ستر ( ستر عنز أصرف ) !! لكن سرني لوحه كُتبت على المحل " نطّلع قمل " ..

بادرتها بالسلام فرحاً .. ورافعاً من معنوياتها بقولي " ترى الشغل مهوب عيب والبداية من الصفر مهمه وادري إن ( النملله ) عندكم ساعات مهيب عادله بس لازم الصبر" .. ردت علي رد أشبه بحشمة فنيلة العلاّق !! فشرحت لها القصة .. قالت بعشر حباة سكّر .. ولا تعال عقب العصر وتصير خمس .. قلت لا تكفين أبي هالدقّة ولك اللي تبين .. شلتها وحطيتها جنب إذني ودخلت باسم الله وجلد مهوب جلدك جرّه على الشوك .. بحل يا القمله .. إنتظرت وزادت المدة .. ثم فرجت .. طلعت ومعها القمله .

وتوني بأقعص القمله واحاسب الرجاله قصدي النمله !! قالت لي القمله لحظه وقف .. خلنا نتفاهم .. انا صحيح اخطيت ودخلت في اذنك .. لكن عندي لك خبر بيغير نظرتك فيني .. أنت ذكي .. ومخك واجد .. هذا مفروغ منه .. وغير هالخنبقة ؟ قالت تراني شفت النمله وهي تدورني .. تعمّدت الدخول على غرفة الكنترول وغيرت ( العرقه ) من 10 حبات سكر إلى 100 !! والله ما أزل عليك !! قلت فعلاً أنا متفق معها على 100 حبة .. وش درّاك .. شي غريب ؟
وقبل لا أكمل قصتي قاطعني أخوي براهيم وقال :

.. كم هناك ياترى من وسيلة غير مباشرة .. أكثر فتكاً.. وأكبر ضرراً من خسارة 90 حبة سكر ؟

.. وهل المباديء اللي يطالب بها بعض الناس ألحين ... مجرد كود قامت بتغييره نمله !!؟

النشمي
23-10-2000, 09:31 AM
المبادئ ههههههههههههههههههههههههههه

سلم لي على هالتسلمه :( :(

هذي حطو بداله برميل بويه يااخو بريه :) :)

mr_mosta7el
23-10-2000, 11:12 AM
اقف احتراما لكتاباتك يا اخو ابراهيم
ابداع .. ابداع حقيقي
الله يا رب يسلمك و يخيك لنا
:) :) :) :) :) :)
و سلمني على اخوك ابراهيم

MERSAL
23-10-2000, 01:08 PM
مشاء الله
كتابة ناضجة يا اخوي بيالة بدون عروة
يعطيك العافية
وقف
هههههههههههههههههههههههههه

ما ابي الضحكة في اول الرد
خخخخخخخخخخخخخخخخ
يعطيك العافية

بدون عروه
24-10-2000, 06:24 AM
النشمي

أجل نكته إسمها ...... المباديء ...... هههههه
بس ماقلت لي وش تصير ( الـقـيـم ) أجل ... سميت بحريني !! :)


السيد مستحيل

تكفى على وقفك .. قرب ( الّلي ) ورانا عمار فوق عند النشمي :)
وكلماتك وسام أتحلى به ..

مرسال

تراني واقف لهالحين .. ومشكور أخوي على تشجيعك ....... :)


<font size=2>[تم تحرير الموضوع بواسطة بياله بدون عروه (edited 25-10-2000).]

الآنسه مسبهه
24-10-2000, 06:43 AM
*اللغة العربية مااااشالله مقطعه بعضها.. :)
*الحين أنا اعرف انه القمل يجي في الراس وش اللي خلى ذي القملة تتلقف وتدخل في ممتلكاتك(اذنك)..


------------------
يعيش التسبيه يعيش يعيش

أبو عجاج
24-10-2000, 03:21 PM
ما فهمت شي :( :( :(


&lt;=== مضيع الكتلوج حق بياله من كم يوم .

------------------
<FONT COLOR="Brown">أحد ٍ تذعــذع له على روس الاقذال ... واحد ٍ يعيش من الوزا عيشة الذيب
</FONT c>

KSA_UK
25-10-2000, 01:45 AM
ابو عجاج ذبحتنا كل يوم مافهمت يا خوي اتر الجليس وفك نفسك … امزح
كم نملة ؟ اممممم ياما نملة اجتمعت مع نملة وصاروا نملتين, بس كتابة في الصميم المخروطي للبطين الايسر للمخ الايمن

الحنش
25-10-2000, 06:22 PM
<FONT size="5">-
-

قرأتها مرتين ..... وأكتشفت في الثالثة أنك صبصبت صبصبة من لايخشى الفقر :( :( .....

بياله بدون عروه .... إنه إبداع من لايخشى الإفلالالالاس :)

</FONT s>
==========
العقول الصغيرة تناقش في الأشخاص
العقول المتوسطة تناقش في الأشياء
العقول الكبيرة تناقش في المباديء

الفيلسوف
25-10-2000, 08:49 PM
قملة تريد الحياه . . تبحث عن القوت . . تقتحم اذان الاخرين وتخاطر من اجل لقمه تقيم بها ذاتها. . وتمارس دورها . . لا تلمها :)

الله من قمله وقمله ودهن يقتحمن تلك الاذان المخمليه!!


======================
الفلسفة ان تكون انت لا ان تكون غيرك :) :)

هتان
26-10-2000, 12:23 AM
ههههههههههههههههههههههههههههههد
الجزء الاول عبقريه
ههههههههههههههاهاها
أما اممغغغغغغغ امغغغغغغغغغ ههههههههههههههههههه
انا لي سنين ابي اكتبها ماعرفت :(
يعطيك العافيه بياله والله انك مبدع :)



------------------
قلت المطر قالت من اليوم ديمه
.... مابه رعد لابرق ماغير هتان

بدون عروه
26-10-2000, 06:58 AM
<FONT face="Courier New">
<FONT size="4">

الآنسه مسبهه :
هههههه أنتي شفتي شلون اللغة .. أجل لو أخلي أخوي براهيم يسولف !!! وش بتقولين ؟ :)
بعدين ماهنا فرق بين إذني وراسي .. كلهم بدون شعر .. بس اللي يميز الإذن أنها من داخل سواد وهذا اللي إغترت فيه قمله أفندي !!

أبو عجاج :
بادر بحجز الإصدارة الأخيره من الكتالوج وذلك بالإتصال بأقرب وكيل معتمد في بلدك :) ... نتعهد بعدم شغل الخطوط :)

ك.س.أ .. يو .ك :
يانملتين ما دخلك شر .. بس الله لا يجمعهن في إذن آدمي :)

الحنش :
ظنونك بي أكبر من طاقتي .. وعساي أن أستطيع اللحاق ولو بمجرد الحروف ...ً

الفيلسوف :
إسم على مسمى ... شكراً لتعليقك :)

هتان :
العبقريه تراها عيارتي يومي صغير .. هههههه الله يخلي القمل والنمل :) شكراً ..

</FONT f>
</FONT s>

mosarq3 alkhobar
26-10-2000, 07:27 AM
الغموض والابداع = بياله بدون عروه :)

تغوص في اعماق كتاباته وتحاول ان تفهم للوهلة الاولى ولكن لا تستطيع وتقرء وتقرء ربما حاولت تفكيك المعاني والمقاصد

بس عندي لك حل يا بياله :)

نزل راسك وخل اخوك ابراهيم يغسل اذانك بشنبو يمكن تختنق القمله وتخر صريعه بالقرب من طبلة الاذن :) :)

------------------
انا ماني يهودي ولا مشرك ولا عربيد.......انا اللي لاغلط تجهم وجهه واقلقه ثوبه