PDA

View Full Version : من مذكرات مرزوقه ( آه ياسعيدان )



هتان
20-11-2000, 03:27 AM
في الصفحه 89 باب ( اذبح الخال ولا تلمس خشمه ) من مذكرات مدام مرزوقه .. كتبت بخط يدها :
عزت علي نفسي من قسوة زماني .
****** وانا اللي من قسو الايام ليّن
وحظي اللي في زماني رماني
****** او هو الزمن اللي لحظي مشيّن

كانت نظرة الناس لي بعد الطلاق مثل الضفدعه المطلقه .. اللي طلعت من مستنقع الزواج الفاشل وطاحت بمستنقع كلام الناس والشماته ( ام التشبيه ) .. لكن نظرة اهلي كانت هي الأقسى .. كانوا يعتقدون ان انا السبب في الطلاق مثل الذبانه اللي زنت على راس شايب ممرور ولزّقها بزبيريه في الجدار .. ( ابوك يالتشبيه ) .. وكلهم ظلموني وقسوا علي وانا اشوف نفسي مثل الجراده اللي شافت نور وطارت له تبي تحس بالأمان ولما قربت طلع خط 220 ولفطني مثل مالفطني سعيدان بورقة الطلاق .. :( :(
آه ياسعيدان .. تذكر الحلم الصغير .. وجدار من طين وحصير .. وقمرا ورى الليل الضرير .. عند الغدير .. وان مرت النسمه تكسّر مثل شعري لاجلست يومين ماغسلته :(
عمري ماتخيلت سعيدان يفرط فيني .. كنت كل شي بحياته مثل ماكان يردد .. وكنت احس بحبه لما كان يقول :
مرزوقه .. انتي مثل اللوح كثر ماتندق فيه المسامير مايتألم ..
ولما كان يخطي ويشوفني ساكته كان يقول :
مرزوقه .. انتي مثل عسكري المرور الأحول اللي يشوفني قاطع اشاره ويلحق واحد ثاني ..
كنت فعلا اشوف اخطاء سعيدان واروح اعاتب صورته عشان ماجرح احساسه .. رغم اني اشك انه يملك احاسيس مثلنا .. عمري ماقلت له يشيل صور احلام وفطومه اللي مالي فيهم الغرفه .. حتى لما ضربني وشوّتني لما لمست خشمه وانا مدري .. جاني وتأسف وعطاني خمسمية ريال رضاوه .. صحيح بعد خمس دقايق خذ مني الف ريال سلف ولايومك ماشفتها لكن اهم شي انه راضاني وقتها ..

الله يجازيك ياسعيدان .. ليه كذا ليه وش سويت لك .. اللي حبيته لعمري ياجنط حبيته لك :( ..
لكن انا عارفه ان امه هي السبب .. الله يجازيها رقيّه .. كانت تكرهني .. وتحرّض ولدها سعيدان علي تبيه يطلقني .. كله عشان بنت اخوها نوف تبيه ياخذها .. كش عليها وعلى اسمها .. وش جاب نويف لمرزوقه .. صحيح شعرها ناعم :( وعيونها وساع :( وخشمها كبر الفنجال وانا كبر البياله :( لكن اهم شي الاخلاق .. وفوق هذا هي اصلا ماتحب سعيدان الخبل .. سعيدان اللي ماتقبل فيه سحليه حولا .. انا قبلت فيه :(
لكن ماقول إلا : ارجوك روح الحين .. ساعدني انساك .. ولا تجي حتى لو اني بغيتك :( .. وان مر في بالي بقايا لذكراك .. بحاول انساها مثل مانسيتك ..
الله عليك ياسعيدان .. نسيت شكثر ضحيت عشانك ..
مستقبلي الفني كطقاقه .. تركته وضحيت به عشانك وعشان سمعتك في سوق الحمام ..
حتى مستقبلي التجاري .. لما خطبتني وخيّرتني بين بسطتي اللي في اوشيقر وبينك واخترتك انت :(
ومستقبلي الدراسي اللي اعتبره اكبر غلطه ارتكبتها لما فرطت في دراستي بعد مادبرت واسطه في متوسطه ليليه مع الاولاد .. تركتها عشانك :(
لكن انا اللي استاهل .. انااللي استاهل :( :(
صحيح فيني عيوب ماأنكرها .. لكن انت كنت عارف ياسعيدان وقلت لك عليها قبل الزواج واتذكر ردك كان : اهم شي الاخلاق .. وين الاخلاق الحين يوم تاخذني لحم وترميني عظم :( هاه قلي وين الاخلاق .. هاه هاه قلي :( اهئ اهئ اهئ :( :(
أثاريني عايشتك وهم كبير .. انتا ظالم انتا قاسي انتا ماتملك احساس :( ..
كل شي مني كزوجه منحتك اياه حتى ردي عليك لما تخطي :
غصب ٍ على عين جرحي اقبل اعذارك ..
********* واسامحك لو نهتني عزتي دونك ..
كثر الخطايا بحقي زاد مقدارك ..
********* ومع كل هذا أخاف تخونك ظنونك ..

انا تحطمت صحيح لكن ماقول ياسعيدان غير خل امك ونويف ينفعونك ويتحملون طمالتك :( :(
طاوعك قلبك :( طاوعك قلبك :( تخليني وتروح :( وانا احسب اني غلاك ودنيتك .. كنت احسب اني بداوي بك جروح .. مادريت اقسى طعوني طعنتك :(

لكن قبل ماأنهي هالصفحه احب اقولك شي سعيدان وهي حقيقه خبيتها عنك من زمان ..
تذكر قبل نتزوج يوم كنت تدور علي كل ماطلعت من المدرسه .. ومعك الددسن م82 غماره وجنبك الكلب حقك ...
يوم اقولك : الحين وش مركب هالثور معك .. ورديت انت علي وقلت هذا الكلب حقي مهوب ثور ..
ترا انا كنت اكلم الكلب ماكنت اكلمك :) :) :)
<center>حقوق الطبع محفورة على جبهة مرزوقه .. </center>

------------------
قلت المطر قالت من اليوم ديمه
.... مابه رعد لابرق ماغير هتان

MajNoOoOoN
20-11-2000, 04:00 AM
<center><FONT size="4">رساله إلى سعيدان</FONT s></center>
<center><FONT size="4"><FONT COLOR="Yellow">##########</FONT c></FONT s></center>
<center><FONT size="4"><FONT COLOR="Red">أنت مؤلم ..........أنت جاني</FONT c></FONT s></center>
<center><FONT size="4"><FONT COLOR="Red">أنت ما.......... ظني تعاني</FONT c></FONT s></center>
<center><FONT size="4"><FONT COLOR="Red">أنت جرح بيوم أسود </FONT c></FONT s></center>
<center><FONT size="4"><FONT COLOR="Red">أنت جبار و أناني </FONT c></FONT s></center>
<center><FONT size="4"><FONT COLOR="Red">أنت مؤلم .......... أنت جاني </FONT c></FONT s></center>
<center><FONT size="4"><FONT COLOR="Yellow">##########</FONT c></FONT s></center>
<center><FONT size="4"><FONT COLOR="Black">الله يهديك يا سعيدان ..... بس حلوه انا كنت اكلم الكلب ما اكلمك </FONT c></FONT s></center>

شاصي2000
20-11-2000, 04:44 AM
الله عليك ياسعيدان .. نسيت شكثر ضحيت عشانك ..
مستقبلي الفني كطقاقه .. تركته وضحيت به عشانك وعشان سمعتك في سوق الحمام ..
حتى مستقبلي التجاري .. لما خطبتني وخيّرتني بين بسطتي اللي في اوشيقر وبينك واخترتك انت
ومستقبلي الدراسي اللي اعتبره اكبر غلطه ارتكبتها لما فرطت في دراستي بعد مادبرت واسطه في متوسطه ليليه مع الاولاد .. تركتها عشانك
لكن انا اللي استاهل .. انااللي استاهل

خخخخخخخخخخخخخخخخخخخخخخخخخخخخخخخخخخخخخخخ
خخخخخخخخخخخخخخخخخخخخخخخخخخخخخخخخخخخخخخخخخ

الله ياخذ عدوك ياهتان

------------------
شاصي 2000 وكيل حزب المجاول ومندوبه الدائم لدى الامم المنسدحه
والمتحدث الرسمي باسم الحزب

القمرة
20-11-2000, 07:35 AM
انا تحطمت صحيح لكن ماقول ياسعيدان غير خل امك ونويف ينفعونك ويتحملون طمالتك ..

برضه رساله الى سعيدان :


<center>خلهم ينفعونك .. دامهم يعجبونك ..</center>
<center>اليوم تضحك شفاتك .. بكره تبكي عيونك ..</center>

وااااااااااااااااااااااااااااااااااء .. :( ..
هههههههههههههههههههههههههههههههههههههههه ..
يعطيك الف عافيه هتان .. :) ..

------------------
الغريب اني ..
وانا جنبك .. غريب ..
لو نحاول نتفق ..
ما نتفق ....

متوهق
20-11-2000, 02:43 PM
اسلوب روعة ياهتان

تسلم والله يمينك وكيبوردك وخيالك الرهيب على هالسرد الحلو

<IMG SRC="http://www.alsakher.com/ubb/smilies/cwm16.gif" border=0> <IMG SRC="http://www.alsakher.com/ubb/smilies/cwm16.gif" border=0> <IMG SRC="http://www.alsakher.com/ubb/smilies/cwm16.gif" border=0> <IMG SRC="http://www.alsakher.com/ubb/smilies/cwm16.gif" border=0> <IMG SRC="http://www.alsakher.com/ubb/smilies/cwm16.gif" border=0> <IMG SRC="http://www.alsakher.com/ubb/smilies/cwm16.gif" border=0> <IMG SRC="http://www.alsakher.com/ubb/smilies/cwm16.gif" border=0>

<FONT COLOR="#800080" SIZE="1" FACE="Simplified Arabic,Verdana">تم تحرير الموضوع بواسطة متوهق بتاريخ 20-11-2000 الساعة 02:44 AM</font>

الخنساء
20-11-2000, 05:27 PM
<center>هههههههههههههههههههههه
هههههههههههههههه
هههههههه
حلوه الضفدعه المطلقه

</center>
------------------
علمتني الحياة أن الابتسامة والتفاؤل جواز سفر نعبر بهما إلى قلوب الآخرين

<FONT COLOR="#800080" SIZE="1" FACE="Simplified Arabic,Verdana">تم تحرير الموضوع بواسطة الخنساء بتاريخ 20-11-2000 الساعة 05:28 AM</font>

KSA_UK
20-11-2000, 05:34 PM
والله انك كفر منسم يعجز يصلحة اكبر بنشري ما تفيد معه اكبر رقعه ,,,,, الله يعطيك بكل حرف الف حسنة مضروبة باعداد الايبي نبرز الي في النت

النشمي
20-11-2000, 08:27 PM
<FONT size="5">ههههههههههههههههههههههههههه
هههههههههههههههههههههه
ههههههههههههههههه

هتان بكبره ======الى=======&gt; روائع الساخر :) </FONT s>

------------------
اليوم عمل بلا حساب ... وغداَ حساب بلا عمل ... فاغنم يوم عملك ليوم حسابك



<FONT COLOR="#800080" SIZE="1" FACE="Simplified Arabic,Verdana">تم تحرير الموضوع بواسطة النشمي بتاريخ 20-11-2000 الساعة 08:29 AM</font>

د. مخربها
20-11-2000, 09:27 PM
تنســــــــــــــــــــــــــــم
هبــــــــــــــــــــــــــــال
رجــــــــــــــــــــــــــــه


الا ما وده تتزوج مرزوقه؟
عندي لها عريس انواع الرومنسيه هو وخشمه

مهوب النشمي

------------------
<FONT COLOR="Red">انا بحر من الحزن ....... انا مخاوي الأحزان</FONT c>

mosarq3 alkhobar
21-11-2000, 01:46 AM
ههههههههههههههههه
هههههههههههههههه
هههههههههههههههه

اقول لو تجيبون تيوبلس حق دركتر وترقعون راس هتان ما خف التنسيم اللي فيه ههههههههههههه

والله يا هتان من زمان ما ضحكة زي كذا :) :)

الا مرزوقه رجعت تدرس في الليلي بعد طلاقها ولا لا ههههههههههه

ابنتظر اكتمال الردود وابنقله لروائع الساخر :)

------------------
انا ماني يهودي ولا مشرك ولا عربيد.......انا اللي لاغلط تجهم وجهه واقلقه ثوبه

هتان
21-11-2000, 08:03 AM
<center>MajNoOoOoN</center>
<center> :) يسلم عليك سعيدان ويقول يعطيك العافيه كان خاطرك بجوز رقاصي تراه متسدح كل عصريه بسوق الحمام :)</center>
<center>شاصي 2000</center>
<center>ههههاهاهاي شفت شلون ضحت مرزوقه :( صحيح الحب هالزمن مايوكل بصل :( انتم عارفين كم ياخذون الطقاقات الحين :)</center>
<center>القمره </center>
<center>ههههههههههاهاي وراك وراك وراك مطرح ماتروح وراك :) :) يعطيك العافيه ويسلمك :)</center>
<center>متوهق </center>
<center>الله يسلمك ويعطيك العافيه :) ومشكور على هالكلمات :)</center>
<center>الخنساء</center>
<center>الضفدعه المطلقه وصف حاله ينطبق على مرزوقه :( يعطيك العافيه :)</center>
<center>KSA_UK</center>
<center>هآآآآآآآآي كفر مره وحده :( طيب كفر سيكل ولا سياره :( وبعدين مصرقع الخبر خلص كل الرقع اللي عند البناشر :) :) يعطيك العافيه :)</center>
<center>النشمي </center>
<center>هلا والله بجدي :) :) والله يامرزوقه عليها بعد نظر .. تصدق قايله اكتب معاناتي شرط يودونك روائع الساخر :) :) بس شرايك بمرزوقه .. هي ولا مليكه :) كلهم طقاقات :(</center>
<center>د مخربها </center>
<center>اهلين دختور :) مليكه عندها سعيدان بالدنيا :( ماتبي احد غيره إلا كان دكتور بس :) :) يعطيك العافيه :)</center>
<center>mosarq3 alkhobar</center>
<center>قووووول آمين :) وكمان قول آمين :) ان شالله هالضحكه ماتغيب عنك ابد :) :) بس تدري ودي اقولك شي :( .. ترى كفر دركتر كبير شوي :( انت شخليت .. انا رقعة كفر سيكل تكفي .. لكن حالة مدرعم وانت والنشمي صعبه يبي لكم خبير ياباني في الترقيع :) :).. </center>

------------------
قلت المطر قالت من اليوم ديمه
.... مابه رعد لابرق ماغير هتان

mr_mosta7el
21-11-2000, 11:32 AM
السلااااااااااااااااااااااام
رووووووعه يا اخوي هتان روووووعه من جد
تسلم ايدينك
موضوع رايق بالفعل
و سعيدان طلع قليل خاتمه :) :) :) :) :) :)
و عنوان الباب مجنون (اذبح الخال و لا تلمس خشمة)
:) :) :) :) :) :) :) :) :) :) :) :) :) :) :) :) :) :)

عاشق ثراها
21-11-2000, 01:11 PM
هههههههههههههههههههه
رووووووعه موضوع خاثر خثرة لبن المخصوص اللي منعوه لكثرة حالات الادمان عليه.....ههههههه انتي متاكده انك هتان ولا.....هههههه
الكلام صادر من معاناة مضنيه(جايبتن ولدين)ههههههه
&gt;&gt;&gt;&gt;&gt;&gt;&gt;&gt;الى الرائعه بعنف خخخخخخخخخخخخ
تسلم يدينتس والله يطيب خاطرتس مثل ما وسعتي صدري
تحياتي لتس
تشاو<IMG SRC="http://www.alsakher.com/ubb/smilies/cwm26.gif" border=0>

------------------
ان كنت لا تدري فهذ مشكلتك يا ابو الشباب...اللي بعدوه

booo
21-11-2000, 05:50 PM
ياخي مبدع رائع عبقري
ساخر اتعب وانا اوصفك :) :) :) :) :) :)
ماشاء الله عليك بالله لا عاد تحرمنا من كتباتك :) :) :)
الى روائع الساخر بكل جداره :) :) :) :) :)

------------------
كن سعيداً كلما كثر حسادك .. فهم الشهادة لك بنجاحك




<FONT COLOR="#800080" SIZE="1" FACE="Simplified Arabic,Verdana">تم تحرير الموضوع بواسطة booo بتاريخ 21-11-2000 الساعة 05:51 AM</font>

gw6e
22-11-2000, 05:13 AM
محجوز
الا هتان ما تعرف ذا البزر ياخي اهله مساكين يدورون عليه

<IMG SRC="http://members.aol.com/jana110/bilder/baby64.gif" border=0>

------------------
اللهم اجعل خير أعمالنا خواتمها وخير أيامنا يوم نلقاك

الشيطاني
22-11-2000, 05:46 AM
اه اه انا جروحي في فريزر .....لاهي لحم ولا قفور


احسنت انت وسعيدان اسلوب راقي وراغي