PDA

View Full Version : بن قعيس وبن طخيس



مدرعم
24-11-2000, 08:51 AM
يوم جمعه وماعندي دوام وعزوبي, ويوم الجمعه عندي هو يوم النظافه :) :)
قمت الصبح بدري انظف الشقه الله واكبر عاد يالشقه ماغير غريفه وبلكونه وفي الدور الثالث :) :)
وغسلت المواعين ( كلها صحنين ) وغسلت ثوبي وسروال السنه وانشرهم على حبل في البلكونه :)
وانا احط راسي اخذ لي غفوه قبل صلاه الجمعه :)
قمت استعد للصلاه واكوي شماغي وافتح البلكونه ابي اجيب الثوب من على حبل الغسيل اكويه لقيت الثوب والسروال مالقيته هقوتي انه طار مع الهوا ويتكدر خاطري :(
شي صعب انك تفقد غالي وعزيز عليك وخاصه اذا كان سروال لك معه عشره وكاتم سرك :( :)
وسروالي اللي طاح غالي عندي بالحيل له معي يجي فوق العشرة اشهر سروال ابو بطه الأصلي :)
واناظر مع البلكونه مادري وين طاح هو طاح في حوش بيت بن طخيس ولا في حوش بيت بن قعيس :( :(
المشكله هالحين ماعندي سروال سنه غيره وعندي سروال اخر طويل سروال بجامه اللي انا لابسه ولونه بني غامق على اخضر و شاريه من العام والصراحه كان سروال لونه ابيض عادي بس يوم تغير لونه غيرت اسمه لسروال بجامه :( :)
وانا البس ثوبي فوق سروال البجامه وانا انزل واطق الباب على بن طخيس واعلمه ويدور وماحصله على كلامه :(
وادرعم على بيت بن قعيس واسأله ويدور وماحصله :(
انا بصراحه شاك ان واحد من هالشيبان طامع بالسروال اكيد ينطمع فيه سروال ابوبطه ومغسول :(
واجلس في راس الشارع اراقبهم واشوف بن طخيس معه العصا رايح المسجد وانا اللي امشي وراه وهو يدخل المسجد ونصلي وعقب الصلاة يقوم ابن طخيس ويكبر يتسنن وانا اوقف وراه يوم سجد بن طخيس وانا انزل راسي في الأرض اويق من حدر ثوبه ابي اشوف سرواله هو سروالي :)
واشوف خيط يتدودل من حدر ثوبه وانا اللي اسحب الخيط الا يوم انقطع في يدي وخفت انه يسلم ويشوف الخيط في يدي ثمن وش يفكني من بن طخيس والتفت يمين ويسار ماحد حولي واشوف بن حويل العميان جالس يسبح ويهلل وانا اللي احط الخيط فوق راسه :)
ويسلم بن طخيس يوم وقف وهو اللي ينصل سرواله :( اثر سرواله من نوع اللي يربط بالخيط :(
وهو يتلفت ويشوف الخيط فوق راسك يابن حويل ويطمر وياخذ خيطه من فوق راس بن حويل وهو اللي يقمع بن حويل على راسه بالعصى ويدخل يده من حدر ثوبه ويربط سرواله ويقعد الشويب بن حويل يتخبط بيده لايشوف ولايدري وش السالفه :) :)
وانا اتسنن واطلع من المسجد وفي بالي هالحين بن قعيس واشوفه يمشي قدامي :)
و بن قعيس كل جمعه امتعود يسير على بنته متزوجه ولد عمها وساكنين في الدور الثاني في العماره اللي انا ساكنها :)
وانا اللي اسبقه واجلس حدر الدرجه ويدخل بن قعيس مع باب العماره وهو اللي يطلع على الدرجه ماسكن الدرابزين وانا تحت اويق من حدر ثوبه ابي اشوف هو لابس سروالي :)
واناظر وافرك عيوني وش اشوف بن قعيس ماعليه سروال لابس وزار :( :(
وانا اطلع الغرفه واسبقه وانا اسلم عليه كيف حالك يابو وزره الله يستر عليك :) :)
وانا ادخل شقتي وبالي مشغول مع السروال مادري وش وضعه بعدي :(
ماخذيت الا جرس باب شقتي يرن !!
قلت : من عند الباب ؟
قال : افتح الباب ياولدي انا ابن قعيس !!
قلت : ادخل من حدر الباب :) ههههههه الله يستر عليك :)
وانا افتح الباب واقلطه وعيا يدخل ابركها من ساعه وقال انه عازمني على الشااليه حقه !!
قلت : وش شاليه هههههه ماتخلي سوالفك قل انك تبيني اوصلك زريبه الغنم حقتك :) ابشر الله يستر عليك :)
ضحك بن قعيس وقال : وش عندك من اليوم وانت تقول لي الله يستر عليك :)
قلت : ايه من اللي شفته نصيحه مني لك يابن قعيس اذا بغيت تطلع درج لاتطلع من جهه الدرابزين خلك بعيد من جهه الجدار حتى ماحد يقول لك الله يستر عليك غيري يابو وزره :) :)
وحنا نطلع من الشقه ونركب موتري وحنا ماشين قال بن قعيس عطشان يبي يشرب شاني واوقف عند سوبرماركت واشتري شاني واجي راجع واركب موتري واشم ريحه خايسه فقعت راسي :(
قلت : الله يحوم سبدك يابن قعيس سويتها وتصرفني للسوبر ماركت وانا اتلطم وافتح الدرايش واركب الموتر :(
قال : جرحت شعوري يامدرعم :(
قلت : اصلا منين يجيك الشعور وانت اقرع :) :)
وصلنا شاليه بن قعيس اللي هي الزريبه ويقعد يعلف الغنم ويسقيها مويه ويناديني امسك له وحده من الغنم يبي يحلبها واقمز وامسك له العنز وانا اناظره وهو يحلب وانا ارجف بن قعيس هو مع سحلته من اللي شفته !!! :( :(
!
!
!
!
!
!
!
!
!
!
!
!
!
!
!
!
!
!
!
!
!
!
!
!
شفت سروالي السنه :( ملبسه عنزه شماله :( :(


------------------
مدرعم وخروا عن طريقه

mosarq3 alkhobar
24-11-2000, 01:08 PM
هههههههههههههههه
هههههههههههههههه
هههههههههههههههه

ابوك من صروال ههههههه شكلك يا مدرعم شايب معتق الله يستر عليك :)

الله يستر عليك من عيار هههههه بس ولو يا مدرعم صروالك ولبسوه عنز اخاف يطير ثوبك ويحطونه شماله لبعير :) هههههههههه

مدرعم = مدرسه في فن العياره :) :)

كالعاده مدرعم وخر عن طريقه :)

------------------
انا ماني يهودي ولا مشرك ولا عربيد.......انا اللي لاغلط تجهم وجهه واقلقه ثوبه

متوهق
24-11-2000, 01:44 PM
هههههههه
وكله بكوم وكاتم سرك بكوم

بس تصدق فكرة سروال البجامة البني فكرة مجنونة

تسلم على الخيال الواسع ---


<IMG SRC="http://www.alsakher.com/ubb/smilies/cwm16.gif" border=0> <IMG SRC="http://www.alsakher.com/ubb/smilies/cwm16.gif" border=0> <IMG SRC="http://www.alsakher.com/ubb/smilies/cwm16.gif" border=0> <IMG SRC="http://www.alsakher.com/ubb/smilies/cwm16.gif" border=0> <IMG SRC="http://www.alsakher.com/ubb/smilies/cwm16.gif" border=0> <IMG SRC="http://www.alsakher.com/ubb/smilies/cwm16.gif" border=0>

البلبل
24-11-2000, 10:15 PM
ههههههههههههههههههههه
ضحكتني من جد الله يوسع صدرك بالعافيه
حلوه كاتم سري
مبدع يامدرعم

------------------
إن حظي كدقيـق بين شوك نثـروه قالوا لحفــاة قوم يوم ريح إجمعوه

صعب الأمر عليهم قال قوم أتركـوه

إن من أشقاه ربي كيف أنتم تسعدوه ؟

KSA_UK
25-11-2000, 04:32 PM
والله اني داري انك شايب يا المهوي ...... قال ايش قال صرول سنة انت وزره وتخب عليك يا ابن قعيس<IMG SRC="http://www.alsakher.com/ubb/smilies/cwm20.gif" border=0> <IMG SRC="http://www.alsakher.com/ubb/smilies/cwm20.gif" border=0> <IMG SRC="http://www.alsakher.com/ubb/smilies/cwm20.gif" border=0> <IMG SRC="http://www.alsakher.com/ubb/smilies/cwm20.gif" border=0> <IMG SRC="http://www.alsakher.com/ubb/smilies/cwm20.gif" border=0>

MERSAL
25-11-2000, 11:51 PM
هههههههههههههههههههههههههههههههههههههههههههههههههه ههههههههههههههههههههههههههههه
شمالة
هههههههههههههههههههههه
مسية با الخير مدرعم
مبدع مبدع
عالم في الابداع
عالم في السخرية

ما اقول الا
مدرعم وخر عن طريقة
يعطيك العافية

أبو عجاج
26-11-2000, 12:33 AM
ههههههههههههههههههههههههههه

حرام عليك انت هالحين علمت الصغيرين على جدانهم ... بكره تلقى كل شايب طالع السلم وراه عشره تحت يبصبصون :)

نصاب كالعادة ... الله يوسع صدرك بالعافية

انت قليل عليك كل شي ... مميزة ... منتدى روائع ... موقع .. كلهان قليلات عليك يا ابو رويس يالنصاب :)

------------------
<FONT COLOR="Brown">أحد ٍ تذعــذع له على روس الاقذال ... واحد ٍ يعيش من الوزا عيشة الذيب
</FONT c>

النشمي
28-11-2000, 08:45 AM
ههههههههههههههههههههههههههههههه
هههههههههههههههههههههههههههه
هههههههههههههههههههههههههه
هههههههههههههههههههههههه

الله يوسع صدرك بالعافيه ...... حي الله مدرعم الخير

------------------
اليوم عمل بلا حساب ... وغداَ حساب بلا عمل ... فاغنم يوم عملك ليوم حسابك

مدرعم
29-11-2000, 04:17 AM
mosarq3 alkhobar
ههههههههه حلوه شماله بعير :) ويعطيك الف عافيه والله لايحرمنا تشجيعك وابداعاتك يامشرفنا الغالي :) :)

متوهق
هلا اخوي متوهق :) سروال البجامه ابشرك بنغير اسمه قريب لسروال سباحه <IMG SRC="http://www.alsakher.com/ubb/smilies/cwm32.gif" border=0> ويعطيك العافيه اخوي :) :)

البلبل
هلا اخوي البلبل :) السر بين اكثر من اثنين شاع وهذا ماخذه مبدأ اني ماشتري اكثر من سروال <IMG SRC="http://www.alsakher.com/ubb/smilies/cwm32.gif" border=0> ومشكور يامال العافيه :) :)

KSA_UK
ههههههههههه هلا بالغالي :) الله لايفضحنا وش دراك اكيد انك تويق من حدر الدرجه ههههه استر علينا يابعدي :( ومشكور اخوي :) :)

MERSAL
مسيك بالرضا والعافيه اخوي :) المبدع MERSAL
ورده الرائع يامال العافيه :) :)

أبو عجاج
هههههه هالحين وش يفكنا منك :) انا ماحرضت الصغيرين :( انا عطيت الشيبان نصيحه اذا طلعوا الدرجه يركبون من يم الجدار الله يستر عليهم<IMG SRC="http://www.alsakher.com/ubb/smilies/cwm1.gif" border=0> وتسلم لنا يامشرفنا الغالي :) :)

النشمي
هلا وغلا حي الله النشمي حي الله الغالي :) ومبروك الترقيه يابعدي والله تستاهل :) والله يوسع صدرك بالعافيه :) :)


------------------
مدرعم وخروا عن طريقه

حبيب الكل
01-12-2000, 11:39 AM
هلا بمدرعم

تصدق ودي الخك بقلب ثاني
عشان تصير ابو قلبين
يعني دافور او يعني واحد يحب اقلاعك المتميز

اهم شي ادبجك بشي الله يسعدك
بس حلو القلب لو معه ثاني
تستاهل من يستاهل
:) :)

------------------
حبيب الكل
زي الفل
لمايطل


<FONT COLOR="#800080" SIZE="1" FACE="Simplified Arabic,Verdana">تم تحرير الموضوع بواسطة حبيب الكل بتاريخ 30-11-2000 الساعة 11:44 PM</font>

هيكل عظمي
01-12-2000, 10:09 PM
هاهاهاهاهاهاهاها
هاهاهاهاهاها
هاهاهاهاها
هاهاهاها
هاهاها
هاها
ها
ه
تجنن ......الله يسعدك دنيا واخره قل آمين :)

<IMG SRC="http://www.alsakher.com/ubb/smilies/cwm44.gif" border=0> &lt;-----------على فكرة وش رايك في هذا :)

عفش مطلقه
02-12-2000, 01:07 PM
الســــــــــــــلام عليكم
كيفك اخوي مدرعم نورت وكل عام وانت بخير


البشــــــــاره البشــــــــــــاره البشــــاره لقينا سروالك في اثم كلب لاحق عنز ابن طعيس :) :) :) كانت حاطته ساتر على ديودها تحفظ سرها مثلك :) :) :) :) وقلنا يا قلبيه يا قلبيه وجا ابو قلبين وثور فيها :) :) :) :) :)

<IMG SRC="http://www.joygraphics.com/sets/butterflygirlwhead.gif" border=0>

------------------
==================
اقرب ماذون شرعي

meera
03-12-2000, 12:56 AM
قمــة في الروعة :) والله يعطيك العافية أخوي مدرعم
<IMG SRC="http://smiles.buscopaz.com/anihr/smline2.gif" border=0>

مدرعم
03-12-2000, 09:25 AM
حبيب الكل
ان لخيتني لخيتك بالقلب الثالث <IMG SRC="http://www.alsakher.com/ubb/icons/icon22.gif" border=0> خلنا حبايب احسن هههههه تسلم يالغالي ويعطيك العافيه :) :)

هيكل عظمي
هلا بمشرفنا :) ويسعد من قال يالغالي ويامال العافيه اخوي :) :)

عفش مطلقه
هههههههه هلا اخوي :) لا سروالي حصلته ابشرك اللي معط دور راعيه تلقاه الضعيف تحت الدرجه يويق هالحين هههههه تسلم اخوي :) :)

meera
هلا اختي :) الروعه هو ردك الرائع يامال العافيه :) :)


------------------
مدرعم وخروا عن طريقه

ابوقلبين
03-12-2000, 10:28 AM
<FONT size="6">هلا وغلا بالدكتور مدرعم الاستاذيه دائمه في حروفك استاذي يعطيك العافيه ويخلي لنا هالدميجه اللي تخر ابداع بس لا تكبر الفتحه اللي بالدميجه ثم تهبل بنا :) بدون اي مجامله انت ثريا شمسيه .وانت مثل ما يقول مايكل بن جاكسون .....له طلعتن مثل القمر يوم طلي خلى سواد الليل نور يلوحي...............يا ملحك وحبي لك</FONT s>
سورى على الاطاله بس السوري بدون تاشيره :)

------------------
هلا وقلبي لكم
بس واحد والثاني لي

عاشق ثراها
03-12-2000, 02:26 PM
مبارك عليك الشهر يا جدي
ههههههههههههه
كعادتك خبل مجنوووووووون مسخره&gt;&gt;&gt;مهيب سبه هذي مثل قولة مقلع(حقوق الطبع محفوظه لهمبرقع)
رائعه من روائع درعومي...كعادتك مبدع مبدع
تحياتي لك
تشاو<IMG SRC="http://www.alsakher.com/ubb/smilies/cwm26.gif" border=0>

------------------
احبك حب صقار لطيره...يعاف النوم لو ريشه تثنى
واحبك حب شاعر للقصيده...اذا جت ون وان عيت يونا
واحبك حب فنان لفنه...قضى عمره ولا ادرك ما تمنىما تمنى
واحبك حب من يفداك عمره...فتح قلبه وخلاك اتحنى

شارب فليت
04-12-2000, 01:04 AM
وش ذا .. وش ذا.. وش ذا ..

يا مهبوووووول &lt;-- ترى ذي مدحه .. :)

والله لي زمان ما قريت ابداع بهالشكل (المنسم)
<IMG SRC="http://www.alsakher.com/ubb/smilies/cwm16.gif" border=0>

شف عاد يا مدرعم ..
هذي وبدون مبالغة تعتبر من معلقات الساخر ..
ومبروك علينا موضوعك .. :)

MajNoOoOoN
04-12-2000, 07:59 AM
ياخي وش ذا الهبال

شف عاد و الله العظيم قسما بالله لو امر من عند المسجد و يجي واحد من زا المبزره يطل أني لا أدعي عليك (لا يا شيخ سويت شي كبير ألحين أناخخخخخ :) :))

المهم العنز اللي حلبتوها وشي نجدي و لا نعيمي و لا وش هي من ديره ؟؟

الثلج الساخن
04-12-2000, 09:45 AM
مشاالله عليك ...