PDA

View Full Version : هذه حقيقة تصريح بوتن



الرصاصة
11-10-2003, 08:06 PM
مدري وش اللي صاب بوتن ذيك الليلة الظاهر انه مكثر من الفوتكا
والرجال مابغى شي قام يخور وجاب الاولي والتالي وش عنده وش ماعنده
من صواريخ وبلاوي .
وفي نفس الوقت بوش توه خاش جو مع المعزبه يوم خرشت الجوال
عليه السميراء قنزليزا بنت رايس وشاف رقمها وقال هذا وقته ياقنزليزاء
وقالت له المعزبه رد عليها اخاف انها تبغاك بشي مهم والا ما اتصلت تالي الليول
( شف وشلون وصلت الديمقراطيه عندهم والا لو انها من حريمنا كان ضفت عيلها
وراحت بيت اهلها وقالت اكيد انك مواعدها يا التيس الاربد )
المهم نرجع للسالفه رد بوش على قنزليزاء يوم تغير وجهه وصار مره احمر
ومره ازرق كانه من لمبات الديسكو .
وزعق ذيك الزعقه وقال للمعزبته جيبي لي ********** البسه
وقام يتخبط في البيت الابيض يدور نعاله وردت عليه معزبته وقالت
شفها تحت الدرج بس علمني وش السالفه وش عند بنت رايس اللي
نكدت علينا الله ينكد عليها .
قال لها خلاص لاتدورين مني شي الوضع ماعد يتحمل افا يابوتن
اثاريك سوسه وانا من اول اقول هذا صكيمه ماعنده عند جدتي
وقام وخرش التليفون على رام زفت وزير الهجوم وقاله وش سالفه
بوتن اللي قالتها لي قنزليزاء .
يوم ضحك رام زفت وقال افا يا ابو البنات اخبرك راكد رح كمل
ورد بوش ها وش اكمل رد رام زفت قاله كمل النومه قال بوش احسب
ها ماني بنايم الا انت معلمني وش السالفه .
قال رام زفت لاسالفه ولا هم يحزنون كل ما في الموضوع ان بوتن
الظاهر انه قربع من الفوتكا وقال للسواق رح للكرملن ودخل الكرملن
وطلع على المنصه ومن سوء حظه ان الفراش نسى يطفي المكرفون
وقام يهذري انه عنده اسلحه وصورايخ .
عاد يا ابو البنات انت خابر احد عنده اسلحه ولانعرفها .
رح بس كمل قاله بوش وش اكمل قال رام زفت يارجال رح كمل الي انت خابر
تحسب هو بوتن بس اللي مراقب .
هذه كل سالفه الاسلحه والصواريخ اللي عند روسيا .