PDA

View Full Version : محتاج أفضفض ...



الامير العاشق
30-10-2003, 12:53 PM
محتاج افضفض
محتاج تلملمى قصاقيصى
محتاج تترجمى احاسيسى
بحلم بلحظة تنسانى كوابيسى
واحلم بجد .. ولا اتردد
محتاج افضفض ..

محتاج اقول آه .. تسمعيها
محتاجة سطور الهوى تجمعيـها
وتكتبى قصتنا سوا ..

نفسى ف يوم اقول بحبك
من غير مايمنعنى كسوف
يعلى صوتى يدق قلبك
ولا يعرف طعم الخوف

محتاج ف لحظة
تمسحى من على جبينى
عرق الشقا ..

محتاج تكونى جنتى
محتاج الاقيكى قوتى
بحلم بيوم تعلمينى
ازاى اقدر ارفض
محتاج افضفض

جوايا حاجات كتير
جوايا حلم اسير
جوايا قلب ضرير
محتاجك عيونه

دا انا قلبى كان مكبوت
من لحظة كان بيموت
مشتاق روحه تعود
بيحلم بكونه

حلمت بيكى .. بتخلعى
احلام خيال
كل المحال
وبتزرعى ..
احلام ابسط
محتاج افضفض ..

راح تسمعينى .. لو مرة افضفض
ولا هتودعينى .. وتخلفى وعدك
محتاج افضفض ..

الزئبق
07-02-2005, 12:34 AM
الأمير العاشق ,

و أنا محتاج أقولك و أفضفض عن تأثير أعمالك فى نفسى ...

يا عزيزى ببراعة متناهية بترسم على ملامحى علامات الإنبهار ,,, و وقتها لا أملك سوى أن أنصهر وسط حروفك و سطورك و أتخفى بين المعانى البسيطة و أرحل فى رحلة لذيذة مع عملك الأدبى , حتى أفيق على توقيعك !!!


::
::
::

متألق دوماً يأيها العاشق .... و لديك من المؤهلات ما يمكنك من ذلك بسهولة و يسر ,, فالإبداع يا عزيزى أنت سكنه و داره ..,,..

المُندهش
07-02-2005, 01:01 AM
حلمت بيكى .. بتخلعى
احلام خيال
كل المحال
وبتزرعى ..
احلام ابسط
محتاج افضفض ..

هيَّ بـ تخلع أيه لا مؤاخزه ؟!
يعني حتخلع وتروح وتمشي وتسيبك وألّا عاوزه تخلع حاقه تانيه ؟!!

الزئبق
07-02-2005, 01:21 AM
أخى المندهش ,

كما هو واضح أمامك وضوح الشمس !

حلمت بيكى .. بتخلعى احلام خيال .. كل المحال .. وبتزرعى .. احلام ابسط !!

يعنى الأمير العاشق بيكمل الفكرة وراها على طول ... بس هو ما كتبش الجملة على بعضها كاملة لغرض ما أدبى يخدم سياق فكرته ليس إلا ....


أرجو أن أكون قد أفادتك يا مندهش ..

المُندهش
07-02-2005, 01:53 AM
معلّش يا أستاز زئبء
عفواً
لقد استرسلت باللهجة المصرية
بصراحه يعني انا لما شفت ( بتخلعي ) إقننت أوي
واحد من كم يوم بيؤل إن حبيبته رابطه حزام على خصرها وينوّر وسدرها كمان ينوّر
وبتؤول عاوز أرأص لك أيه ؟
وأخونا الليلادي قاي وشايفها بتخلع !
دا حبّ دا وإلا إيه بالزبط ؟!
يمكن العيب منّي أنا 00 أصلي ما بفكرش كتير والله
عموما حأك عليّ أنا
وبعد توضيحك وكلامك فهمت كل حاقه
وأنا بتأسف أوي أوي
ودي كمان أحلى بوسه ليك وللأمير الشاعر :rolleyes:


أخوك المُندهش
مدحت العنتبلي