PDA

View Full Version : هلا بك عيدنا الغالي



ابن النهار
24-11-2003, 10:44 PM
السلام عليكم
العيد مبارك
وكل عام وأنتم بخير
ابن نهار ، اسم استخدمته
قبل أن التحق بالشعر وأهله
حيث اسمي هو شاعر العثمانيات
أو الطائر المهاجر .

هـلا بك عيدنا الغالي هلا والحب لبلادي
..........................هلا بالـورد والكادي ابارك للسعوديّه
تعودونه سنين طوال بفخر وعز الامجادي
.......................رفيعي الراس بالعالي على العادي نداويّه
عبرنا للعـلا نبني حضاره فوق الاجسادي
..........................وكلٍ يفتخر انّه سعودي اصل وجنسيّه
حميّة دوم تلقـاها وشهـامه للكـرم حادي
..........................رجالٍ وين ما نمشي سباعٍ حزّة الهيّه
سعوديه من اقصى الشرق لاقصى الغرب والوادي
.......................ومن عزّ الشمـال لتهمها والروح نجديّه
سعوديه أيا حبي هـلا بك فجر ميـلادي
........................هلا بك والغرام اكبر بقلبٍ صادق النيّه
تعالي افرحي حبّي وغنّي واطربي الشادي
........................على حبّك تلاقينـا ياشمس الكون يافيّه
ترى في العيد فرصتنا نتناسى كل الاحقادي
.......................فخير الناس من يبدا بسلام ويكسب اخيّه
بـلا هجران نتعـايد وهذا طبع الاجوادي
..........................كذا الاسـلام يامرنا نعيش بكل حبيّه
نصفي نفوس مليـانه بفعل ابليس والعادي
......................بدين وعقل فالحكمه شعار نفوس مرضيّه
ونترك عننـا الفـرقه بتصنيفٍ به ينـادي
........................ضعيف الدين أو جاهل يفرّقنـا بعفويّه
فهـذا صار علمـاني وهـذا صار الحادي
.......................وهذا من الخوارج صار وهذا فيه جاميّه
عقول صغار تزرعها عطت للنفس القيادي
.......................وكلٍ يصدر الفتوى ولا به من حـدٍ زيّه
يغسل عقول من سحره يقول إن الله ينادي
.......................ويصدر صك للجنّه وعقـد قران حوريّه
واذا من انكشف امره تعـذر دون اجهادي
.....................عن اللي اصدره كالطفل لا عقلٍ ولا رويّه
يبي الدنيـا ويشريها يمثّـل دور زهّـادي
......................مثل غيره من اللي سلعته بالـدين مخفيّه
عقـولٍ تشترى وتبـاع لو تظهر للعنادي
......................سريعه في تحـوّلها سـلاحف برّمـائيّه
وضحايا كثار ما تدري تحسب إن الأمر عادي
.................ولو هي من القبر تبعث تدين اللي انكشف طيّه
سعوديين يالعزوه يا فخري بكل الأعيادي
......................نبي وقفة رجل واحد لاجل امن السعوديّه
جسد واحد فكر واحد ما بين الحضر والبادي
.........................وحب الدار يجمعنا على خـوّه وحنّيّه
حصاني الحقد لو كثرت تبي الفرقه والافسادي
....................نعرّيها ونحمي الدار ونكشف من خفى غيّه
سعوديين ما نقبـل تطول الـدار الانكادي
..........................نفاديهـا بدم القلب والأرواح مرهيّه
نعيش بحاضرٍ احـلا ونبني مجد الاحفادي
.......................حمـاك الله يا بلادي بعالي المجد دريّه

احساس
24-11-2003, 10:49 PM
هلابك في الساخر ايها الطير المهاجر:)

وتسلم حروفك

ابو طيف
25-11-2003, 01:10 AM
هلاااااااااااااااااااااا

بن النهار = الطااااائر المهاجر

هلا وغلا والله

منور الساخر يالغالي

بصراحه شرف كبير لهذا المنتدى وجود شاعر راااااائع ومتمكن مثلك ولايهونون الاخوان

بصراحه انا سعيد جدا لتواجدك ولاتحرمنا من تواصلك فمثلك ننتظر منها الكثير


كل التقدير لك وكل عام وانت بخير

تسلم على مشاركتك فقد قرأتها في منتدى اخر وصح لسانك ايها الرائع

تحياتي وتقديري لك

===