PDA

View Full Version : إنت فين يانور



مصرى
15-03-2004, 07:45 AM
الديوان فى السوق يارجاله .... توزيع الأخبار


(دول ولادنا)



دول شباب وبنات بلدنا
ودول ولادنا ودول عوضنا
والسنين الجايه
تنده من بعيد
ع الجديد ...
النهارده ياخلق وقفه
وبكره جى علينا عيد
ووقت لما الشمس تصحى
هناك ميعادنا
دول ولادنا ... وطال بعادنا
وايه يفيدنا غير ولادنا

ايه يفيدنا غير ولد
شاب مالى العلم راسه
وقلبه حاضن كل ناسه
ويبقى فى الأيام سند
شاب فاتح ع الليالى
الف طاقة نور تلالى
وهوه مستقبل بلد
لما يتكلم هنسمع
واللى ضاع بالأمس يرجع
والأمانى هتتولد
طال بعادنا
وإيه يفيدنا غير ولادنا

إيه يفيدنا غير صبيه
راسمه جوه عنيها مدنه
وقلب يملى الدنيا نور
وراسمه سور
والطريق شايفاه حقيقه
وزقه أحلامها البريئه
بإيد رقيقه
فارشه بيها المغربيه
وعقل زى البندقيه
وفكره تطلع للحياه
وتملى كل الدنيا ديه
والهدف لازم يصيب
وحب شايلاه للحبيب
لما ييجى يلم شمل بإيد عفيه
طال بعادنا
إيه يفيدنا غير ولادنا


http://www.haridy.com/eyak.jpg

nour
18-03-2004, 06:57 PM
والله زمان يا مصري باشا

أنا أسف جدا والله
بقالي كتير ما دخلتش النت
الجهاز العتيق بتاعي كان بيطلع في الروح بس الحمد لله جت سليمة
ماشاء الله
عقبال الثاني و الثالث
أكيد طبعا لازم سيادتك تقوللي منافذ البيع فين
ربنا يكرمك يا أيمن باشا
من زماااااااان لم أسمع قصيدة متفائلة يا ناس!



نور

مصرى
18-03-2004, 10:41 PM
يانور باشا
ألف سلامه على الجهاز

وألف شكر ياعمنا ... والكتاب بيتوزع لدى موزعين الأخبار فى كل مكان بالجمهوريه ... نور لازم تشتريه ... عايز أعرف رأيك

معاك 6 جنيه تمنه ولا أبعت لك

حبيبى إنت يانور

ابو طيف
18-03-2004, 11:45 PM
اهلا يامصري

ازيك ؟

عامل ايه ؟

مبروك الديوان ياباشا

تحياتي لك

===

مصرى
20-03-2004, 07:04 AM
ابو طيف

ربنا يخليك ياأبوطيف ... أشكرك من قلبى ... على المرور الكريم وعلى التحيات ... ربنا يبارك ف عمرك