PDA

View Full Version : غيبوبتي طالت.... أسير الشوق



عنفرز
02-11-2000, 09:10 AM
غـيـبـوبـتي طـالـت

************************

غيبوبتي طالت وحلم العمر طاف

وهـمّ التعاسة في مكاني رماني



أضحك وأجامل والحشا يرعف رعاف

مـتبعثرٍ مابين قـاصـي ودانـي



ماتت جماهير الأمل قبل تنشاف

ومستقبلي من قبل أزوره جفاني



وليلي طويلٍ ماله حدود وأطراف

والصبـح ما بيني وبينه موانـي



والموج يهزا بي وانا بدون مجداف

متغربـلٍ واليـاس حـلّ وطوانـي



مانيب شاعر ينظم الحرف والقاف

أنا قصيـدة و أبدعتها الأمانـي



على مساحاتي صدى الحزن عزّاف

وعلى جراحي تستريـح الأغانـي



شيٍ بجوفي ما درى فيه شفاف

ولا كل من يقرا الملامح قراني



وين السعادة ودربها كله إجحاف

لا راح هـمّ ... جدّ هـمّ ودعانـي



كنّي مطية للشقـا بين الأجـلاف

لا روح تفـهمني ولا قلـب حانـي

****************************
أسير الشوق


------------------
إن ماطاعك الزمان دردب في الدنيا

ولهان-1
02-11-2000, 01:19 PM
<FONT COLOR="Red">ماتت جماهير الأمل قبل تنشاف00000ومستقبلي من قبل ازوره جفاني</FONT c>
<FONT COLOR="Red">شيء بجوفي مادرى فيه شفاف00000ولاكل من يقرأ الملامح قراني</FONT c>
<FONT COLOR="Blue">بكل عذوبه يشافهنا نواف بن فيصل بهذه الرائعه 00ويحرك رؤوسنا الى حيث الابداع00حتى صح لسانك قليله00لكن صح لسانك شاعر الروائع</FONT c>
<FONT COLOR="Green">***الاخت الكريمة00عنفرز000الف شكر على هذه الذائقه الراقيه00وعلى هذا الاختيار العذب00وننتظرك ايتها المتألقه بحضور جديد وقصيده متميزه</FONT c>

------------------
اكتب لغيره والقصايد تجي فيه
كن القصايد حالفه ماتخونه

لو كل غالي جابه الله لغاليه
ماشفت لك مخلوق تبكي عيونه

walhan_1a@hotmail.com